San Juan 12:48 - Nuevo Testamento Tzeltal de Amatenango

⁴⁸ Te machꞌa ya spꞌajone y teme ma xyakꞌ ta jkuenta te jkꞌope, ay me machꞌa te ya xꞌakꞌot bael ta chꞌayel yuꞌune: Te jkꞌop te la kalixe jaꞌ ya xꞌakꞌot bael ta chꞌayel yuꞌun ta slajibal kꞌaal.

Bible in Tzeltal Bachajón

⁴⁸ Te mach'a ya sp'ajon soc te ma ba ya yich'bon ta cuenta te jc'ope, ay bin ya x'ich'ot ta c'op yu'un: ha te jc'op te caloje, ha ya x'ich'bot sc'op yu'un ta slajibal c'ahc'al.

Bible in Tzeltal de Oxchuc y Tenejapa

⁴⁸ Te mach'a ya sp'ajone, soc teme ma xyich' ta muc' te jc'ope, ay mach'a ya x'ac'ot ta castigo yu'un. Ja' te jc'op ya cale, ja' ya x'ac'ot ta castigo yu'un ta slajibal c'aal.

San Juan 12:48 ပူးပေါင်းရင်းမြစ်များ

San Mateo 10:15

Jamal ya kalbeyex te tut ora ya sta yorail yuꞌun Dios te ya yilbe yaꞌtelik spisil te genteetike, te kastigo ya yichꞌ te jtejklum me to mas tulan ke te ya yichꞌ te jtejklum Sodoma sok Gomorrae.

San Mateo 21:42

Te Jesuse la yaltalanbe: —¿Me ma awilojuk ta Sjun Dios te jich ya yale?: “Te ton te ma tsaꞌamuk a yilik te jꞌalwaniletike, jaꞌ yipajib chikin-na a kꞌotix stukel. Jaꞌ a yakꞌ kꞌotuk ta pasel te Kajwaltike. Ben tsaꞌam slekil ya kiltik”, xchi me.

San Mateo 25:31

“Sok te kꞌalal ya xtal te Nichꞌanile, joyinbil ya xtal yuꞌun te chꞌul angeletike sok xojobil sok stsaꞌamul. Sok ya xjul snajkan sba ta ajwalil te ba ay te smukꞌul naktajibe.

San Marcos 12:10

“¿Me maꞌyuk awilojikuk ta Sjun Dios te jich ya yale?: “Te ton te ma tsaꞌamuk ya yilik te alwaniletike jaꞌ yiptajib chikin-na kꞌotix stukel.

San Marcos 16:16

Te machꞌa ya xchꞌuun sok ya yichꞌ jaꞌe, ya me xkol. Yan te machꞌa ma xchꞌuune ya me xꞌaꞌbot stoj smul stukel.

San Marcos 8:31

Te Jesuse lijk snojpeslan te jnopojeletike te ya xkꞌax bayal swokole. Jich a yalbe: —Te Nichꞌanile ya me xkꞌax bayal swokol. Ya me spꞌajik te mamaletike sok te statal-saserdoteetike sok te maestroetik yuꞌun te mantaliletike. Ya me yakꞌik ta milel, pero ya me xchaꞌkux ta yoxebal kꞌaal —xchi te Jesuse.

San Lucas 10:16

“Te machꞌatik ya yaꞌibe sluwar te akꞌopike, jaꞌ a yaꞌibeyix sluwar jkꞌop abi. Te machꞌatik ya spꞌajexe, joꞌon a spꞌajikonix abi. Te machꞌa ya spꞌajone, jaꞌ a spꞌajix euk te machꞌa stikonejon tale —xchi te Jesuse.

San Lucas 17:25

Pero nail ya xkꞌax bayal swokol, sok pꞌajbil me ya xkꞌot yuꞌun te genteetike te kuxajtik te ora to.

San Lucas 20:17

Pero te Jesuse la skelulanbe sit y jich a yal: —¿Tut a te tsꞌibabil jilel ta Sjun te Diose: “Te ton te ma tsaꞌamuk a yilik te jꞌalwaniletike, jaꞌ yipajib na a kꞌot stukel”, xchi me?

San Lucas 7:30

Yan te fariseoetike sok te maestroetik yuꞌun te mantaliletike te ma akꞌtalanbot ichꞌjaꞌ yuꞌun te Juane la spꞌajik te tutꞌil kꞌan yichꞌik kꞌuxutayel yuꞌun te Diose.

San Lucas 9:22

Y la yaltalanbe: —Te Nichꞌanile puersa ya xkꞌax bayal swokol. Ya me spꞌajik te moletik sok te statal saserdoteetike sok te maestroetik yuꞌun te mantaliletike. Ya me yakꞌik ta milel, pero ya me xchaꞌkux tal ta yoxebal kꞌaal —xchi.

San Lucas 9:26

Teme ya xkꞌexawex kuꞌune, sok teme ya xkꞌexawex yuꞌun te jkꞌope, jich euk te Nichꞌanile ya me xkꞌexaw awuꞌunik euk te tut ora ya xtal sok stsaꞌamul, sok stsaꞌamul te Jtate sok stsaꞌamul te chꞌul angeletike.

San Juan 11:24

Te xMartae la yalbe: —Jich. Ya jnaꞌ te ya xchaꞌkux tal ta slajibal kꞌaale te kꞌalal ya xchaꞌkux tal te animaetike.

San Juan 5:45

Ma xꞌachꞌuunik te joꞌon ya xba kalbeyex amulik ta stojol te jTate. Ay te machꞌa ya yalbeyex amulike, jaꞌ mismo te jMoisese te jaꞌ yipinej awoꞌtanike.

San Juan 6:39

Jaꞌ te sboluntar te Machꞌa la stikonon tale te spisil te machꞌa ya yaꞌbone ni jtuluk ya xchꞌay kuꞌun, sok ya me jchaꞌkuses tal ta slajibal kꞌaal.

San Juan 8:47

Te machꞌatik yuꞌun te Diose ya yaꞌibe sluwar te skꞌop Diose. Pero ta skaj te ma yuꞌunukex te Diose, jich ma xꞌakꞌan xꞌawaꞌibeyik sluwar te skꞌope —xchi te Jesuse.

Hechos 17:31

Yuꞌun snaꞌojix te Diose te tut kꞌaalil ya yichꞌbe jkuenta yaꞌtel te gentee, ta skuenta te jtul winik te la stꞌuje, jaꞌ te Jesuse. Jamal a akꞌtalanbot yil spisil te kꞌalal la xchaꞌkuses tal te ba ay animaetike —xchi te jPabloe.

Hechos 3:23

porke spisil te machꞌa ma xyaꞌbe ta jkuenta te skꞌope, ya me xtenot lokꞌel yuꞌun te ba jtejklume.

Romanos 2:16

Ya sta skꞌaalel yuꞌun Dios te ya yichꞌ jkuenta te Jesucristoe, sok te ya yal ta jamal te tut yilel te kaꞌteltike. Jich tutꞌil ya yal te lek achꞌ kꞌop te yipalon ta yalele.

2 Corintios 4:3

Y te skꞌoplal kolel te ya kaltike, jaꞌ nax ijkꞌal kꞌinal yuꞌun te machꞌatik ya xlaj bajt ta chꞌayele.

2 Tesalonicenses 1:8

Yuꞌun ya xtal yaꞌbe kastigo te machꞌatik maꞌ snaꞌbeyik sba Dios ni maꞌ xyakꞌik ta jkuenta te skꞌoplal kolel yuꞌun te Kajwaltik Jesuse.

Hebreos 10:25

Ma me jkom bajtik te ya jtsobilan bajtik, jich tutꞌil ya spasik te jtul chebe. Ya me skꞌan ya kaꞌbe bajtik spuersa koꞌtantik ta juju-tul. Y jaꞌuk to a te kꞌalal ya kiltik te xnopet ya xtal te skꞌaalel yuꞌun te Kajwaltike.

Hebreos 12:25

Jaꞌ yuꞌun, kuidado me xꞌanex, ma me apꞌajik te machꞌa ya xkꞌopoj ta jtojoltike. Yuꞌun ma ba kolik te machꞌatik la spꞌajik te Dios te kꞌalal a yikꞌtalan ta kꞌop liꞌ ba balmilale. ¿Y tutꞌil kꞌan kolukotik euk te joꞌotike, teme ya kakꞌtik ta jpatik te machꞌa ya yikꞌotik ta kꞌop kꞌalal ta chꞌulchane?

Hebreos 2:3

¿Jaꞌ xan tutꞌil kꞌan kolukotik te joꞌotike, teme ixtaꞌ nax kuꞌuntik te kolel te lom mukꞌe? Yuꞌun jaꞌ mismo te Kajwaltik te stukel nail a yal skꞌoplal te kolel to. Ta patil te machꞌatik la yaꞌiyike la yalbelotik euk te joꞌotike te tutꞌil batsꞌi jich te skꞌoplale.

Hebreos 4:12

Porke te skꞌop Diose, kuxul y ay spoder. Jaꞌ mas ay ye ke te puñal te chaꞌmejch yee. Najt ya xꞌoch kꞌalal ta oꞌtanil y sok ta chꞌulelal, jaꞌ to te ba kꞌalal kuxul te gentee, y ya xchiknates ta jamal te pensaretik y te tutik ya snop te oꞌtanile.

1 Pedro 1:5

Ta skuenta te achꞌuunejik te Diose, ya me skanantayex ta spoder, yuꞌun jich me ya ataik a te kolel te chapal yuꞌune, te ya xba yakꞌ ta ilel ta slajibal kꞌaale.

2 Pedro 3:3

Naꞌaik me nailuk te tutꞌil ay sluwaril to: Ta slajibal kꞌaal ya me xtal genteetik te jaꞌ nax ya spasik te tut ma lekuke te ya skꞌan yoꞌtan ya spasike, y te ya yiktinik te tut yaloj te Diose.

2 Pedro 3:7

Pero te chꞌulchane y sok te balmilal te chikan ora to, chapalix yuꞌun ya xlaj ta kꞌajkꞌ, yuꞌun jaꞌ mismo smantal te Diose. Jaꞌ ya xlaj ta kꞌajkꞌ te tut ora ya sta skꞌaalel te ya yichꞌ chapel te machꞌatik ma lekikuke sok te ya xꞌakꞌtalanot bael ta chꞌayele.