San Juan 12:47 - Nuevo Testamento Tzeltal de Amatenango

⁴⁷ Pero te machꞌa ya yaꞌibon sluwar te jkꞌope, teme ma xchꞌuune, ma joꞌukon ya kal te ya xꞌakꞌot ta chꞌayel yuꞌune. Porke ma jaꞌuk talemon yuꞌun te ya kakꞌ bael ta chꞌayel te genteetike. Jaꞌ talemon yuꞌun te ya jkoltay.

Bible in Tzeltal Bachajón

⁴⁷ Te mach'a ya ya'iybon jc'op pero teme ma ba ya sch'uhun spasel, ma ho'ucon ya quich'be sc'op, como ma ha'uc talemon yu'un ya quich' ta c'op te ants-winiquetic, ha talemon yu'un ya jcoltay te mach'atic ayic ta bahlumilal.

Bible in Tzeltal de Oxchuc y Tenejapa

⁴⁷ Te mach'a ya yaiybon stojol te jc'ope, teme ma xyich' ta muq'ue, ma jo'ocon ya cal te bila castigo ya yich' yu'une. Melel ma ja'uc talemon yu'un ta yac'beyel castigo te mach'atic ayic ta balumilale, ja' talemon yu'un te ya jcoltaye.

San Juan 12:47 ပူးပေါင်းရင်းမြစ်များ

San Mateo 18:10

“Ila me abaik, ma me ayuk jtuluk te maꞌyuk ta jkuenta awuꞌunik te machꞌatik chꞌin ayike. Ya kalbeyex te sil tiempo tekꞌatik te chꞌul angeletik yuꞌunik ta stojol te jTat te ay ta chꞌulchane.

San Mateo 18:11

Jich te Nichꞌanile tal skoltay te tutik chꞌayeme.

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Lucas 19:10

Yuꞌun te Nichꞌanile jaꞌ a tal sle y tal skoltay te machꞌatik chꞌayeme —xchi te Jesuse.

San Lucas 9:56

Te Nichꞌanile, ma jaꞌuk a tal yuꞌun te ya yakꞌ ta lajel te genteetike, yuꞌun tal yakꞌ xkuxuyinik —xchi te Jesuse. Jicha laj bajt ta yan chꞌin kolonya.

San Juan 12:48

Te machꞌa ya spꞌajone y teme ma xyakꞌ ta jkuenta te jkꞌope, ay me machꞌa te ya xꞌakꞌot bael ta chꞌayel yuꞌune: Te jkꞌop te la kalixe jaꞌ ya xꞌakꞌot bael ta chꞌayel yuꞌun ta slajibal kꞌaal.

San Juan 3:17

Porke te Diose ma lauk stikon tal Xnichꞌan ta balmilal yuꞌun ya yakꞌ bael ta chꞌayel te genteetike; jaꞌ a stikon tal yuꞌun te tal skoltay te genteetike.

San Juan 5:45

Ma xꞌachꞌuunik te joꞌon ya xba kalbeyex amulik ta stojol te jTate. Ay te machꞌa ya yalbeyex amulike, jaꞌ mismo te jMoisese te jaꞌ yipinej awoꞌtanike.

San Juan 8:26

Ay to bayal te tut ya kalbeyexe sok skꞌoplal te awaꞌtelike. Te Machꞌa la stikonon tale batsꞌi jich te tut ya yale, y te tut ya kalbe te genteetik ta balmilale, jaꞌ mismo te kaꞌiyej tal te tut ya yale —xchi.

2 Pedro 3:15

Naꞌbeyaik me sluwar te jun yoꞌtan ya xmaliwan te Kajwaltike te yuꞌun ya yaꞌbotik te jkoleltike. Jich tutꞌil te la stsꞌibabeyex te kermanotik jPablo te kꞌux ta koꞌtantike. Chikan te spꞌijil a aꞌbot yuꞌun te Diose.

1 Juan 4:14

Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.