San Juan 12:46 - Nuevo Testamento Tzeltal de Amatenango

⁴⁶ Joꞌon te sakil kꞌinal te talemon ta balmilale. Te machꞌa ya xchꞌuuunone makꞌ xjilix ta ijkꞌal kꞌinal.

Bible in Tzeltal Bachajón

⁴⁶ Ho'on te sacal q'uinalon te talemon ta bahlumilal scuenta yu'un spisil te mach'a ya sch'uhunon, ma ba ya x'ayin ta yihc'al q'uinal.

Bible in Tzeltal de Oxchuc y Tenejapa

⁴⁶ Jo'on te sacuben q'uinal cu'un, talemon ta balumilal swenta yu'un spisil te mach'a ya xch'uunone ma x'ain ta ijc' q'uinal.

San Juan 12:46 ပူးပေါင်းရင်းမြစ်များ

San Mateo 4:16

te jtejklum teꞌa te ayik ta ijkꞌal kꞌinale tilemix mukꞌul lus ta skuentaik. Jun mukꞌul lus te tilemix ta skuentaik te machꞌatik ay ta skuenta kastigoe”, xchi me.

San Lucas 2:32

Ya me sakub kꞌinal yuꞌun te ba ay te yan jtejklumetike, y ay me slekilal ya xkꞌot yuꞌun te jtejklum Israel awuꞌune —xchi te mam Simeone.

San Juan 1:9

Te machꞌa batsꞌi sakil kꞌinal te ya xtil ta stojol spisil te genteetike, ya xtalix ta balmilal.

San Juan 3:19

Te machꞌatik ma xchꞌuunike, ayikix bael ta chꞌayel, yuꞌun te kꞌalal tal te machꞌa ya sakub kꞌinal ta stojolik yuꞌune, la spꞌajik. Jaꞌ ben skꞌanojik te ijkꞌal kꞌinale, skaj te ma tsaꞌamuk yaꞌtelike.

San Juan 8:12

Te Jesuse chaꞌsujt xan bael te ba ay te gentee. Jich a yal: —Joꞌon sakil kꞌinalon yuꞌun te genteetik ta balmilale. Te machꞌa ya stsꞌakliyone yichꞌojix te sakil kꞌinal te ya yakꞌ kuxlejale, y ni makꞌ xbeenix ta ijkꞌal kꞌinal —xchi te Jesuse.

San Juan 9:39

Te nax a la yal te Jesuse: —Joꞌon te talemonix liꞌ ba balmilal to yuꞌun jich me ya xchiknaj a te machꞌa leke sok te machꞌa ma lekuke. Yuꞌun jich te machꞌatik chokike ya me yilik kꞌinal; y te machꞌatik ya yilik kꞌinal ta skꞌopike, ya me xlaj sujt ta chok —xchi.

San Juan 9:5

Te tutꞌil liꞌto ayon ta balmilale, joꞌon sakil kꞌinalon yuꞌun te genteetik ta balmilale —xchi.

Hechos 26:18

Yuꞌun ya xba awikꞌtalanbe sit, jich makꞌ xbeenikix ta ijkꞌal kꞌinal a, ta sakil kꞌinal xlaj beenix a. Yuꞌun ma sigueuk ya xjapuyot yuꞌun a te pukuje, jaꞌ ya xjapuyotix yuꞌun a te Diose. Yuꞌun teme la xchꞌuunikone, jich me ya staik perdon yuꞌun a te smulike. Sok ya me kakꞌ ayinuk te ba aylan te chꞌul jtejklum yuꞌun Diose”, xyuton te Jesuse.

Efesios 5:14

Porke te sakil kꞌinale ya yakꞌ ta ilel spisil. Jaꞌ yuꞌun jich ya xꞌalot: “Kuxa awoꞌtan jaꞌat te wayalate. Jajchan tal te ba ay te animaetike, y Cristo ya yakꞌ sakubuk kꞌinal ta atojol”, xchi me.