San Juan 12:36 - Nuevo Testamento Tzeltal de Amatenango

³⁶ Chꞌuunaik me te sakil kꞌinale yuꞌun liꞌ to xan me ay awuꞌunik to, yuꞌun jich me yuꞌun ya xkꞌoex te sakil kꞌinale —xchi te Jesuse. Ta patil kꞌalal laj yoꞌtan te yalel to, bajt te Jesuse. Ma yilik ba bajt.

Bible in Tzeltal Bachajón

³⁶ Pero te c'alal ay to sacal q'uinal awu'unic, ch'uhunahic te sacal q'uinal scuenta yu'un al-nich'anex yu'un sacal q'uinal ya xc'ohex a, xchi. C'alal laj yalbel a, baht te Jesús soc la snac' sba ta stojolic.

Bible in Tzeltal de Oxchuc y Tenejapa

³⁶ Te bit'il ayex to ta bay te saquil q'uinal, ch'uunaic me, swenta yu'un ja' yal-snich'an ya xc'oex te saquil q'uinale —xi' te Jesuse. C'alal laj yo'tan ta yalel in to te Jesuse, ba snac' sba ta q'uejel.

San Juan 12:36 ပူးပေါင်းရင်းမြစ်များ

San Mateo 21:17

Y la sjileslan y bajt ta jtejklum Betania. Teꞌ kꞌax ajkꞌubal yuꞌun a.

San Mateo 5:14

“Te jaꞌexe lusex yuꞌun te genteetik ta balmilale. Jun jtejklum teme ay ta jol witse ma xjuꞌ ta nakꞌel.

San Lucas 16:8

“Te yajwale la snaꞌbe sluwar. Jich a yal: “Te jkanan ma tsaꞌamuke ay spꞌijil yuꞌun te tutik ya spase”, xchi yuꞌun. Jich te machꞌatik ayik ta skuenta te balmilal to, mas ay spꞌijilik ta xchapel sbaik stukelik ke te machꞌatik ayikix ta sakil kꞌinale.

San Juan 1:7

Jaꞌ a tal yalbe skꞌoplal te machꞌa ya sakub kꞌinal yuꞌune, yuꞌun jich me ya xchꞌuunik spisil te tut ya yale.

San Juan 11:54

Jaꞌ yuꞌun te Jesuse maꞌ beenix ta sitil komon a te ba juriyoetike. Lokꞌ bael teꞌa te ba estado yuꞌun Judea y bajt ta jun luwar ta jun jtejkꞌum te Efrain sbiil te nopol ay sok te jojchol luware. Teꞌ anin sok a te jnopojeletik yuꞌune.

San Juan 12:37

Manchuk me bayal señaetik smilagro a akꞌtalanbot yilik, pero ma xchꞌuunik te Jesuse,

San Juan 12:46

Joꞌon te sakil kꞌinal te talemon ta balmilale. Te machꞌa ya xchꞌuuunone makꞌ xjilix ta ijkꞌal kꞌinal.

San Juan 3:21

Pero te machꞌa ya skꞌayes sba ta spasel te tut batsꞌi jiche, ya xtijilajik ta sakil kꞌinal stukel, para ke jich ya xchiknaj ta ilel spisil te yaꞌtelike te jich ya skꞌan te Diose.

San Juan 8:12

Te Jesuse chaꞌsujt xan bael te ba ay te gentee. Jich a yal: —Joꞌon sakil kꞌinalon yuꞌun te genteetik ta balmilale. Te machꞌa ya stsꞌakliyone yichꞌojix te sakil kꞌinal te ya yakꞌ kuxlejale, y ni makꞌ xbeenix ta ijkꞌal kꞌinal —xchi te Jesuse.

San Juan 8:59

Jich te juriyoetike la stamik ton yuꞌun kꞌan yaꞌbeyik te Jesuse, pero te Jesuse la snakꞌ sba y lokꞌ bael te ba temploe, y bajt.

Efesios 5:8

Porke te ay tal kꞌaale ayex ta ijkꞌal kꞌinal, pero te ora to, yuꞌun te jun nax ayexix sok te Kajwaltike, ayexix ta sakil kꞌinal, jich me xꞌanex tutꞌil te machꞌatik ayix ta skuenta te sakil kꞌinale.

1 Tesalonicenses 5:5

Apisilik te jaꞌexe sakil kꞌinalex yuꞌun te kꞌaale. Ma joꞌukotikix ta skuenta te ajkꞌubale ni te ijkꞌal kꞌinale.

1 Tesalonicenses 5:8

Pero te joꞌotik te ayotik ta kꞌajkꞌaltike, ya skꞌan te siluk tiempo pꞌij ayotike. Ya skꞌan te jaꞌ ya jkoltay jbatik a ta skuenta te xchꞌuunel koꞌtantik y sok te skꞌuxul koꞌtantike. Y ya skꞌan ya jmak jbajtik jich tutꞌil jun kasko, jaꞌ te ay smukꞌul koꞌtanik yuꞌun te kolele.