San Juan 12:28 - Nuevo Testamento Tzeltal de Amatenango

²⁸ JTat akꞌa ta ilel te slekilal abiile —xchi te Jesuse. Jicha chiknaj jun kꞌop ta chꞌulchan. Jich a yal: —La kakꞌix ta ilel slekil te jbiile, y ya me kakꞌ xan ta ilel —xchi.

Bible in Tzeltal Bachajón

²⁸ Jtat, ac'a ta ich'el ta muc' te abihile, xchi te Jesús. Tal c'op ta ch'ulchan te la yal: Cac'ojix ta ich'el ta muc', soc ya cac' xan ta ich'el ta muc', xchi.

Bible in Tzeltal de Oxchuc y Tenejapa

²⁸ Jich yu'un, Jtat, ac'a me ta ich'el ta muc' te abiile —xi' te Jesuse. Ay mach'a c'opoj tel ta ch'ulchan. Jich la yal: —La cac'atix ta ich'el ta muc' soc ya me cac'at xan ta ich'el ta muc' —xi'.

San Juan 12:28 ပူးပေါင်းရင်းမြစ်များ

San Mateo 11:25

Jich yorail a te la yal te Jesuse: —Tat te yajwalat te chꞌulchan sok te balmilale, ben bayal slekil awoꞌtan te jaꞌ la awaꞌbe snaꞌik sluwaril spisil te machꞌatik chꞌin ayike, te ma jaꞌuk la awakꞌbe snaꞌik sluwaril te machꞌatik ay spꞌijilike sok te ya snaꞌik kꞌinale.

San Mateo 11:26

Jich Tat te jich a skꞌan awoꞌtan atukele —xchi.

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

San Mateo 26:42

Jicha bajt xan ta xchaꞌmelal ta skꞌoponel te Diose. Jich a yal xan: —Tat, teme puersa ya xkꞌax jwokole, a me pasuk te tut ya skꞌan awoꞌtane —xchi.

San Mateo 3:17

Sok ay machꞌa kꞌopoj tal ta chꞌulchan: —Jaꞌ i to jaꞌ jNichꞌan te lom bayal kꞌux ta koꞌtane. Ben jun koꞌtan yuꞌun —xchi.

San Marcos 1:11

Sok ay machꞌa kꞌopoj ta chꞌulchan. Jich a yal: —Jaꞌat jnichꞌanat te jkꞌanojate. Ben tsaꞌam koꞌtan awuꞌun —xchi.

San Marcos 14:36

Jich a yal ta skꞌoponel Dios: —Jtat, te spisil ya xjuꞌ awuꞌune, te yakuk akꞌejbon bael te wokol to. Pero ma me jaꞌuk ya xkꞌot ta pasel te tut skꞌan koꞌtane, jaꞌ akꞌa pasuk te tut skꞌan awoꞌtan atukele —xchi.

San Marcos 9:7

Y teꞌ nax koj tal tokal, jul axintesek yuꞌun. Y teꞌ ta tokale ay machꞌa kꞌopoj, jich a yal: —Jaꞌ me jNichꞌan to te ben xpich ta koꞌtane. Aꞌiybeyaik me te tut ya yale —xchi.

San Lucas 3:22

Jicha koj tal te Chꞌul Espíritu ta stojol te Jesuse, chiknaj ta ilel jich tutꞌil te palomae. Sok ay a aꞌiyot kꞌop ta chꞌulchan te jich a yale: —Jaꞌat Jnichꞌanat te ben kꞌuxat ta koꞌtane. Ben tsaꞌam koꞌtan awuꞌun —xchi.

San Lucas 9:35

Jich ay machꞌa kꞌopoj tal ta tokal, jich a yal: —Jaꞌ to jaꞌ Jnichꞌan te tꞌujbil kuꞌune. Aꞌibeyaik te tut ya yale —xchi.

San Juan 11:4

Kꞌalal la yaꞌi te Jesuse la yal: —Te chamel te tabil ae makꞌ xcham yuꞌun. Yuꞌun nax ya xꞌakꞌot ta ilel slekil a te Diose, sok ya me xꞌakꞌot ta ilel slekil euk te xNichꞌan Diose —xchi te Jesuse.

San Juan 18:11

Te Jesuse la yalbe te jPedroe: —Sujtesa ochel ta sna te a puñale. ¿Me yuꞌun wan ma puersauk ya xkꞌax jwokol jich te tutꞌil ya skꞌan te jTate te ya yakꞌ kꞌotuk ta jkuenta? —xyut.

San Juan 9:3

Te Jesuse la sjakꞌtalanbe: —Ma ta skajuk smul, ni ma ta skajuk smul te smeꞌ-state. Yuꞌun nax jich ya xꞌakꞌot ta ilel te tut ya xjuꞌ ya spas a te Diose.

Efesios 2:7

Jich me ya xchiknaj ta ilel ta patil bael te lom bayal skꞌuxul yoꞌtan yakꞌojbotike, sok ay slekil yoꞌtan ta jtojoltik ta skuenta te Cristo Jesuse.

Efesios 3:10

Jich kꞌot ta pasel yuꞌun te ora to ta skuenta te juju-tijkꞌ hermanoetike, ta spisil te machꞌatik ay spoderik y ay yaꞌtelik ta chꞌulchan ya xkꞌo snaꞌik te tutꞌil ay bayal ta jkaj spꞌijil te Diose.

Efesios 3:21

Aꞌ chiknajuk slekilal te Dios te ba ay te juju-tijkꞌ hermanoetike, sok ta skuenta te Cristo Jesuse ta sil tiempo y ta sbajtel kꞌinal. Jichuk.

2 Pedro 1:17

La kiltik te kꞌalal te Dios Tatil la yakꞌ ta akꞌel ta jkuenta sok te stsaꞌamule. Te kꞌalal kꞌopoj te Diose, jaꞌ a yal sok stsaꞌamule: “Jaꞌ to jaꞌ Jnichꞌan te lom kꞌux ta koꞌtane. Ben jun koꞌtan yuꞌun”, xchi me.