San Juan 12:26 - Nuevo Testamento Tzeltal de Amatenango

²⁶ Teme ay machꞌa ya skꞌan yakꞌ sba ta tuuntesel kuꞌune, a me stsꞌakliyon te ba ya xboone. Y te ba ya xkꞌoone, te ya xkꞌot ekꞌa te machꞌa ya xtuun kuꞌune. Te machꞌa ya yakꞌ sba ta tuuntesel kuꞌune kꞌanbil me yuꞌun te jTate.

Bible in Tzeltal Bachajón

²⁶ Teme ay mach'a ya yac' sba ta a'batinel cu'un, ac'a st'unon; te banti ayon, ha nix hich tey ay a te a'bat cu'une. Te mach'a ya yac' sba ta a'batinel cu'un, ya me x'ich'ot ta cuenta yu'un te Jtate.

Bible in Tzeltal de Oxchuc y Tenejapa

²⁶ Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

San Juan 12:26 ပူးပေါင်းရင်းမြစ်များ

San Mateo 16:24

Te Jesuse jich a yalbe te jnopojeletik yuꞌune: —Te machꞌa ya skꞌan yakꞌ sba ta jnopojel kuꞌune, aꞌ me skoltay sba ta yoꞌtan. Aꞌ me xkuch skrus kꞌoem. Aꞌ me stsꞌakliyon.

San Mateo 25:21

“Te yajwale la yal: “Lek ay. Te jaꞌate lekil jꞌaꞌtelat sok ben jun awoꞌtan ta jtojol. Te tutꞌil ben jun awoꞌtan la akanantaybon te tuti kaꞌbeyat chꞌinuke, ya me kaꞌbeyat xan akanantaybon mas bayal. Laꞌ me, ochan, joyinaon ta lekilal”, xchi.

San Marcos 8:34

Te tsꞌin abi te Jesuse la yikꞌ tal te gentee y sok euk te jnopojeletike. Jich a yalbe: —Teme ay jtuluk machꞌa ya skꞌan xꞌoch ta jnopojel kuꞌune, a me skoltay sba ta yoꞌtan, a me skuch skrus, y a me stsakliyon.

San Lucas 12:37

Ben tsaꞌam slekil te jꞌaꞌteletik te kuxul yoꞌtanik ya xjul taek yuꞌun te yajwalike. Jamal ya kalbeyex, te yajwalike ya me xchap sba, ya me yakꞌ sba ta mantaltesel yuꞌunik, ya me yikꞌ tal ta mexa, y ya me xꞌaꞌbot sweꞌelik yuꞌun.

San Lucas 6:46

¿Tuꞌun te “Kajwal, Kajwal”, ya awutikone y makꞌ ya apasik te tut ya kalbeyexe?

San Lucas 9:23

Ta patil la yaltalanbe spisilik: —Teme ay machꞌa ya skꞌan xꞌoch ta jnopojel kuꞌune, aꞌ me skoltay sba ta yoꞌtan, aꞌ xkuch skrus jujun kꞌaal kꞌoem, y aꞌ stsꞌakliyon.

San Juan 10:27

Te jkarnera ya snaꞌbonik sba te jkꞌope, y te joꞌone ya jnaꞌbe sba, y ya stsꞌakliyikon.

San Juan 13:16

Jamal ya kalbeyex: Ni jtuluk aj-aꞌtelil te mas kꞌaxem yuꞌun te yajwale. Sok ni jtuluk te machꞌa tikonbil te jaꞌ mas kꞌaxem ta stojol te machꞌa tikonbil tal yuꞌune.

San Juan 14:15

“Teme kꞌux ya awaꞌiyikone, ya achꞌuunik spisil te jmantale.

San Juan 14:3

Y ta patil teme boone, y teme chajpay te jun luware, ya me xchꞌatalon xan yuꞌun ya xtal kikꞌex bael. Jich te jaꞌexe teꞌ me ya xkꞌoex a te ba ya xkꞌoon te joꞌone.

San Juan 15:20

Naꞌik me te tuti kalbeyexe: “Ni jtuluk aj-aꞌtelil te mas mukꞌ yuꞌun te yajwale”, xchon me. Teme ya stenikon te joꞌone, jich euk te jaꞌexe ya me stenelex. Y teme la yakꞌik ta jkuenta te jkꞌope, jich euk te jaꞌexe ya me yakꞌik ta jkuenta te tut ya awalike.

San Juan 17:24

“JTat, jaꞌat la awaꞌbon te machꞌatik xchꞌuunejonixe, y ya jkꞌan te yauk sjoyinon te ba ya xkꞌoone. Yuꞌun ya me yilik te jlekilal te awakꞌojbone, porke ben kꞌuxon ta awoꞌtan te kꞌalal ma to xchiknaj a te balmilale.

San Juan 21:22

Te Jesuse la sjakꞌbe: —Teme ya skꞌan koꞌtan te kuxul to a te ya xchaꞌtalone, ¿tuti wochel a te jaꞌate? Laꞌ me, laꞌ tsꞌakliyaon —xyut.

Romanos 1:1

Joꞌon jPabloon, te yaj-aꞌtelon te Jesucristoe, ya jtsꞌibabeyex te karta to. Dios la yikꞌon sok spitojon te apostol ya xkꞌoon yuꞌune, yuꞌun ya kalbe skꞌoplal te kolele.

Romanos 14:18

Te machꞌa jich ya yakꞌ sba ta abatinel yuꞌun te Cristoe, jaꞌ lek ya xꞌilot yuꞌun te Diose y sok te genteetike.

2 Corintios 4:5

Ma joꞌukotik mismo ya kaltik jkꞌoplaltik. Jaꞌ ya kaltik skꞌoplal te Jesucristo, te jaꞌ Kajwaltik stukele. Te joꞌotike jaꞌ nax jꞌaꞌtelotik awuꞌunik ta slekil nax yoꞌtan te Jesuse.

2 Corintios 5:8

Ay xchꞌuunel koꞌtantik, y koꞌtantikukix te yauk xjilix te jtiꞌbalultik to. Yuꞌun jich ya xba joyin jbatik sok te Kajwaltike.

Gálatas 1:10

Te joꞌone ma jaꞌuk ya jle te lek jkꞌoplal yuꞌun te winketike, yuꞌun jaꞌ ya jle te lek jkꞌoplal yuꞌun te Diose. Teme jaꞌ ya jkꞌan te lek ayon sok te winketike, ma joꞌukonix a te yaj-aꞌtelon te Cristoe.

Filipenses 1:23

Yuꞌun ma jnaꞌ te ba ay te mas lek ta xchaꞌkajale. Koꞌtanuk te ya jkꞌan xchamonixe, yuꞌun jich ya xba joyinix a te Cristoe, yuꞌun jaꞌ mas lek ya kaꞌiy te jichuk ya xkꞌote.

Colosenses 3:24

Porke te jaꞌexe, jaꞌ ya xtuunex yuꞌun te Cristoe, te batsꞌi jaꞌ awajwalike.

Colosenses 4:12

Xkoltanukex laj me yuꞌun euk te Epafras te jtul yaj-aꞌtel te Cristo Jesuse, te lokꞌem tal ta awolilike. Sil tiempo ya skꞌoponbeyex Dios ta akuentaik yuꞌun jich me jun awoꞌtanik a, y sok spisiluk awoꞌtanik ya apasik te tut ya skꞌan yoꞌtan te Diose.

2 Pedro 1:1

Joꞌon Simon Pedroon, jꞌaꞌtelon y apostolon yuꞌun te Jesucristoe. Ya jtsꞌibabeyex te karta to ta akuentaik, te pajal ay ta jkuentaik xchꞌuunel te tut ben tsaꞌame, porke toj yoꞌtan stukel te Diose y sok te jKoltawanej Jesucristoe.

1 Juan 5:3

Te xkꞌuxutayel te Diose jaꞌ teme ya jchꞌuunbetik te mantaliletik yuꞌune. Y te mantaliletik yuꞌune ma aluk ta aꞌiyel.

Judas 1:1

Joꞌon Judason, yaj-aꞌtelon te Jesucristoe y sok jaꞌ jbankil te Jacoboe. La jtsꞌibay te karta to jaꞌ yuꞌun te machꞌatik kꞌuxutaybil yuꞌun te Jtatik Dios sok te ikꞌtalanbilix yuꞌune, sok jaꞌ te machꞌatik kanantaylanbilix yuꞌun te Jesucristoe.

Apocalipsis 14:4

Jaꞌ to jaꞌlan te machꞌatik te maꞌ yixlan sbaik sok antstike yuꞌun maꞌyuk tutꞌi spasik sok. Jaꞌ te machꞌatik stsꞌakliyejik te Chꞌin Karnera te bayuk ya xbajte. Laj kolik lokꞌel ta yolil te genteetik jachik tutꞌil primero smajtan Dios y sok yuꞌun te Chꞌin Karnerae.