San Juan 12:25 - Nuevo Testamento Tzeltal de Amatenango

²⁵ Te machꞌa ya xkuxutay te xkuxlejale, ya me xchꞌay. Pero te machꞌa makꞌ xkuxutay xkuxlejal liꞌ ba balmilale, ya xkuxuyin sbajtel kꞌinal stukel.

Bible in Tzeltal Bachajón

²⁵ Te mach'a ya sc'uxultay te scuxlejal, ya me xch'ay te scuxlejal; yan teme ya sloq'ues sba ta yo'tan li' ta bahlumilal, ya me yich' scuxlejal sbahtel q'uinal stuquel.

Bible in Tzeltal de Oxchuc y Tenejapa

²⁵ Ja' te mach'a ya xc'uxtay sbae, ya me xch'ay soc xcuxlejal. Yan te mach'a ma xc'uxtay sba te bit'il cuxul ta balumilale, sbajt'el q'uinal ya xcuxin stuquel.

San Juan 12:25 ပူးပေါင်းရင်းမြစ်များ

San Mateo 10:39

Te machꞌa ya xkꞌuxutay sba sok te xkuxlejale, ya me xchꞌay sok te xkuxlejale. Yan te machꞌa ya xchꞌay xkꞌuxlejal teme joꞌon ta kaje, ya me xkuxuyin stukel.

San Mateo 16:25

Jich te machꞌa ya xkꞌuxutay sba sok te xkuxlejale ya me xchꞌay sok te xkuxlejale. Yan te machꞌa ya xchꞌay xkuxlejal teme joꞌon ta jkaje, ya me sta xkuxlejal stukel.

San Mateo 19:29

Y spisil te machꞌa sjilesej stutik yuꞌun teme joꞌon ta jkuentae, me sna, o sbankiltak, o xwixitak, o yijtsꞌinab, o smeꞌ-stat, o yinam, o yuntikil, o jaꞌ te slume, ya me yichꞌbeyik sjelol sien ta jmel sok ya me xꞌaꞌbot xkuxlejal sbajtel kꞌinal.

San Marcos 8:35

Spisil te machꞌa ya skꞌuxutay sba sok te skuxlejale, ya me xchꞌay sok te skuxlejal. Yan te machꞌa ya xchꞌay skuxlejal teme joꞌon ta jkaje y sok ta skuenta te lek yachꞌil kꞌope, jaꞌ me xkuxuyin stukel.

San Lucas 14:26

—Te machꞌa ya xtal ta jtojole, teme ma xchꞌoj ta yoꞌtan te smeꞌ-state, te yiname, te xnichꞌnabe, te sbankiltake, te xwixitake, te yijtsꞌinabe, sok te skuxlejal ta balmilale, ma spas te jnopojel kuꞌun ya xkꞌote.

San Lucas 17:33

Te machꞌa ya sle tutꞌ ya xkol sok te xkuxlejale, ya me xchꞌay sok te xkuxlejale. Pero te machꞌa ya xchꞌay sok te xkuxlejale, jaꞌ me ya xkuxuyin stukel.

Hechos 20:24

Pero makꞌ yakꞌ yajtal koꞌtan yuꞌun. Ma kocheluk te tutꞌ ay te jkuxlejale. Jaꞌ nax tulan skꞌoplal ta koꞌtan te ben jun koꞌtan ya jlokꞌes te jayeb kꞌaal ay ta jkuentae, jaꞌ to te ya xkꞌot koraile. Sok te ya juꞌutes kaꞌtel te yakꞌojbon te Kajwaltik Jesuse te jamal ya kal te tutꞌil ay te lekil achꞌ kꞌop yuꞌun te slekil yoꞌtan te Diose.

Hechos 21:13

Pero te jPabloe la sjakꞌ: —¿Tuꞌun te ya xꞌokꞌexe te ya awaꞌbikon yajtal koꞌtane? Te joꞌone dispuesto ayon a teme chukel o milel ya xkꞌo jta ta Jerusalen, teme jaꞌ ta skaj te Kajwaltik Jesuse —xchi.

Hebreos 11:35

Ay antstik te la yichꞌik chaꞌkusesel te machꞌatik ay yuꞌunike. Ay yax te laj chamik yuꞌun te tulan wokole, maꞌ skꞌanik te ya xjilik ta libree yuꞌun jaꞌ ya skꞌanik te ya xchaꞌkuxik te ba ay te lom tsaꞌamix kuxlejal ae.

Apocalipsis 12:11

Te kermanotaktike la tsalikix jilel ta skuenta xchꞌichꞌel te la smal te Chꞌin Karnerae, y sok ta skuenta te skꞌop Dios te la yalik ta jamale. Maꞌ xiꞌik yuꞌun teme ya xlaj xkuxlejalik aye, sino ke spꞌejel yoꞌtanik la yakꞌ sbaik ta milel.