San Juan 12:17 - Nuevo Testamento Tzeltal de Amatenango

¹⁷ Te genteetik te teꞌeyik sok a te Jesus te kꞌalal la yikꞌ tal lokꞌel te jLazaroe te ba mukꞌul y te la xchaꞌkuses tal te ba animaetike, jaꞌ a ba yalik te tutiꞌ yilike.

Bible in Tzeltal Bachajón

¹⁷ Te mach'atic sjoquic te Jesús te c'alal la yic' loq'uel tal ta muquenal te Lázaro, te c'alal la scha'cuxajtes tal ta yohlil chamen winiquetic, yac yalbelic te bin la yilique.

Bible in Tzeltal de Oxchuc y Tenejapa

¹⁷ Te ants-winiquetic te sjoinejic Jesús a te c'alal la yic' loq'uel tel ta muquenal te Lázaroe soc te la xcha'cuxes tele, ja'ic nix te ba xcholbeyic sc'oplal ta lum te bila la yilique.

San Juan 12:17 ပူးပေါင်းရင်းမြစ်များ

San Juan 1:19

Te juriyoetik ta Jerusalene la stikonik bael saserdoteetik sok levitaetik ta stojol te Juane, yuꞌun ba sjojkꞌobeyik machꞌa a.

San Juan 1:32

Te Juane jich a yal xan: —La kil te Chꞌul Espíritu te koj tal ta chꞌulchane, jich yilel te tutꞌil palomae.

San Juan 1:34

Te joꞌon kilojix, y joꞌon testigoon yuꞌun te jaꞌ Xnichꞌan te Diose —xchi te Juane.

San Juan 11:31

Te juriyoetik te talemik ta sna ta sjunutesbeyel yoꞌtane, la yilik te tsꞌin a jajch bael ta ora te xMariae. La stsꞌakliyik bael, yuꞌun la skuyik te ya xba okꞌuk te ba mukul te jLazaroe.

San Juan 11:42

Ya jnaꞌ te sil tiempo ya awaꞌibon te jkꞌope, pero la kal yuꞌun slekilik a te genteetik te liꞌ aylane, yuꞌun jich me ya xchꞌuunik a te jaꞌat la atikonon tale —xchi.

San Juan 12:9

Ay bayal juriyoetik la yaꞌiyik te ay ta Betania te Jesuse, jicha laj bajtik teꞌa. Ma jaꞌuk nax a ba yilik te Jesuse, jaꞌa ba yilik euk te jLazaroe te chaꞌkusesot yuꞌun te Jesuse.

San Juan 19:35

Te machꞌa la yil te jicha kꞌot ta pasele jaꞌ testigo yuꞌun. Ma slotuk te tut ya yale. Sok snaꞌoj te batsꞌi jich te tut ya yale, yuꞌun jich me ya achꞌuunik a te jaꞌexe.

San Juan 21:24

Jaꞌ mismo te jnopojel to te la yalix tal ta spisile y te stsꞌibayojix ta june. Y jnaꞌotik te tut ya yale batsꞌi jich te tuti stsꞌibaye.

Hechos 1:22

jaꞌ to te kꞌalal aꞌbot yichꞌ jaꞌ yuꞌun te Juane asta jaꞌ to te mo bael ta chꞌulchane. Ja yuꞌun puersa ya skꞌan ya yichꞌ tꞌujel jtuluk te machꞌa joy bajtik soke, yuꞌun jun nax me ya kaltik te tutꞌil a chaꞌkux te Jesuse —xchi te jPedroe.

Hechos 5:32

Joꞌotik testigootik yuꞌun tsꞌin to, y jich euk te Chꞌul Espiritue te Dios a akꞌtalanbot yuꞌun te machꞌatik ya xchꞌuunike —xchi te Pedroe.

Apocalipsis 1:2

Te Juane la yalix ta jamal ta spisil te tut la yile. Jaꞌ stukel testigo yuꞌun te skꞌop Dios y sok te tut ya yal te Jesucristoe.