San Juan 12:13 - Nuevo Testamento Tzeltal de Amatenango

¹³ Jich a sbojtalanik tal skꞌab palmera-teꞌ y lokꞌ staik te Jesuse. Xꞌawlajanik ta yalel: —¡Ben tsaꞌam te machꞌa talemix ta stojol te Kajwaltike! ¡Ben tsaꞌam slekil! ¡Ben tsaꞌam slekil te Rey yuꞌun te Israele! —xchiik.

Bible in Tzeltal Bachajón

¹³ la yich'ic bahel ya'binal xahn soc baht stahic tal te Jesús, hich la yalic ta aw: ¡Hosana! ¡Bayel yutsil te mach'a talem ta scuenta sbihil te Cajwaltic, te Ajwalil yu'un Israel! xchihic ta aw.

Bible in Tzeltal de Oxchuc y Tenejapa

¹³ Jich yu'un la sbojtilayic tel yabenal palmera. Jich loc' staic ta be te Jesuse. Jich la yalic ta aw: —¡Jelawen yutsil! ¡Bin nax yutsil te mach'a talem ta swenta te Cajwaltique! ¡Bin nax yutsil te Muc' Ajwalil yu'un te Israele! —xiic ta aw.

San Juan 12:13 ပူးပေါင်းရင်းမြစ်များ

San Mateo 23:39

Ya kalbeyex mismo ora to makꞌ me ya awilbikonix jsit a jaꞌ to teme ya awalik: “Ben tsaꞌam slekil te machꞌa tikonbil tal yuꞌun te Kajwaltike”, teme xchaexe —xchi te Jesuse.

San Mateo 27:42

—La skoltay te yanetik, pero ma xjuꞌ yuꞌun ya skoltay sba stukel. Teme jich te jaꞌ rey kuꞌuntik joꞌotik te jꞌisraelotike, aꞌ kouk tal te ba kruse. Jich me ya jchꞌuuntik euk.

San Juan 1:49

Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

San Juan 12:14

Te Jesuse la sta jkojt chꞌin buru y mo a, jich tutꞌil ya yal te Sjun Diose:

San Juan 12:15

“Ma me xiꞌan, mukꞌul jtejklum Sion. Ila awil te Rey awuꞌunike, moem tal ta jkojt chꞌin buru”, xchi me.

San Juan 19:15

Pero te juriyoetike lijkik ta aw: —¡Bajtuk ta milel! ¡Bajtuk ta milel ta krus! —xchiik. Te jPilato la sjojkꞌolanbe: —¿Me ya wan spas ya kakꞌ ta milel ta krus te rey awuꞌunike? —xchi. Te stataletik yuꞌun te saserdoteetike la sjakꞌbeyik: —Te joꞌotike maꞌyuk yan rey kuꞌuntik, jaꞌ nax te César te ay ta Romae —xchiik.

Apocalipsis 15:3

Ya skꞌayojinik te skꞌayoj jMoises te yaj-aꞌtel Dios y sok te skꞌayojil te Chꞌin Karnerae. La yalik: “Lom mukꞌ y kꞌax lom tsaꞌam ta spisil te tutiꞌ apasoje, Kajwaltik Dios te spisil ya xjuꞌ awuꞌune. Toj y batsꞌi jich te beetik awuꞌune, jaꞌat ajwalilat yuꞌun te nasionetike.

Apocalipsis 19:16

Te ba spalala kamixe y sok te ba yaꞌ tsꞌibabil a te jich ya yale: “Mukꞌul Rey yuꞌun reyetike, y Mukꞌul Ajwalil yuꞌun ajwaliletike”, xchi te sbiile.

Apocalipsis 7:9

Ta patil la kil bayal genteetik yuꞌun te nasionetik te skajalskaj stsꞌumbale, sok yanetik tutꞌ xkꞌopojik, y sok yanetik slumalik. Tekꞌajtik ta sit te ba ay te mukꞌul naktajibale y ta sit te Chꞌin Karnerae. Lom bayalik, te maꞌyuk machꞌa ya xjuꞌ yuꞌun yajtayele. Sak skꞌuꞌ-spakꞌ yichꞌojik y yichꞌojik bael yaꞌnimal xan ta skꞌabik.