San Juan 11:33 - Nuevo Testamento Tzeltal de Amatenango

³³ Te Jesuse la yil te ya xꞌokꞌ te xMariae sok te juriyoetik te sjoyinejik kꞌoele. La xpichꞌin yoꞌtan y lom triste sujt yuꞌun te yajtal yoꞌtane.

Bible in Tzeltal Bachajón

³³ C'alal la yil te Jesús te yac ta oq'uel te María soc te ha nix hich yaquic ta oq'uel te judíohetic te sjoquinejic tale, la spich' sba yo'tan, la smel yo'tan yu'un,

Bible in Tzeltal de Oxchuc y Tenejapa

³³ C'alal Jesús la yil te yac ta oq'uel te María soc uuc te judioetic te ts'aclinbilic tel yu'une, bayal la smel yo'tan yu'un uuc.

San Juan 11:33 ပူးပေါင်းရင်းမြစ်များ

San Marcos 3:5

Te Jesuse la skꞌelulanbe sit te machꞌatik joybil yuꞌune. Ilin yoꞌtan sok ay yajtal yoꞌtan yuꞌun te tutꞌil ben tulan yoꞌtanike. La yalbe tsꞌin te winike: —Jacha te akꞌabe —la yut. Te winike la xjach te skꞌabe y lek a jil.

San Marcos 9:19

La sjakꞌ tsꞌin te Jesuse: —Jal jaꞌex genteetik maꞌyuk xchꞌuunel awoꞌtanik. ¿Jayeb xan kꞌaal te joyinejexe? ¿Jayeb xan kꞌaal te ya jtsikꞌbeyex te tutꞌil ayexe? Ikꞌbonik tal te kereme —xchi.

San Juan 11:19

Talemik bayal juriyoetik ta yulutayel te xMartae sok te xMariae yuꞌun tal sjunutesbe yoꞌtan te yuꞌun cham te yijtsꞌine.

San Juan 11:31

Te juriyoetik te talemik ta sna ta sjunutesbeyel yoꞌtane, la yilik te tsꞌin a jajch bael ta ora te xMariae. La stsꞌakliyik bael, yuꞌun la skuyik te ya xba okꞌuk te ba mukul te jLazaroe.

San Juan 11:34

La sjojkꞌolanbe: —¿Ba la amukik? —xyut. La yalik: —Laꞌ ila awil, Kajwal —xchiik.

San Juan 11:35

Y te Jesuse okꞌ.

San Juan 11:38

Te Jesuse beno yajtal yoꞌtan a tijilaj bael te ba mukule. Te ba mukule jun chꞌen. Te stiꞌile makbil ta ton.

San Juan 12:27

“Te ora to bayal ayon ta ajtal-oꞌtan. ¿Y tut ya kal? ¿Me ya wan kal: “jTat, koltayaon yuꞌun te wokol to”, me xchon wan? Pero puersa jaꞌ talemon yuꞌun.

San Juan 13:21

Patil te laj yal to te Jesuse, bayal a yakꞌ yajtal yoꞌtan, y jamal a lijk yal xan: —Jamal ya kalbeyex: Ay jtul te jaꞌexe te ya awakꞌikon entregale —xchi.

Romanos 12:15

Kontento xꞌanex sok te machꞌatik kontento aylane. Okꞌanik sok te machꞌatik ya xlaj okꞌe.

Hebreos 4:15

Yuꞌun te mukꞌul saserdote kuꞌuntike ya xjuꞌ te ya snaꞌbotik yoꞌolil jbajtik te maꞌyuk kiptike, porke jich a kꞌax yuꞌun prewa euk jich tutꞌil te joꞌotike. Pero te stukele maꞌyuk a mulaw.