San Juan 11:28 - Nuevo Testamento Tzeltal de Amatenango

²⁸ Patil te laj yal to, te xMartae ba yikꞌ tal te yijtsꞌine, jaꞌ te xMariae. Jicha kꞌo yalbe ta mukul: —Liꞌiyix to te Maestroe. Baan laj me —xchi.

Bible in Tzeltal Bachajón

²⁸ C'alal laj yalbel a, baht sjuc ta c'op te María te yihts'in, hich muquen la yalbe: Hulix te Maestro, yac yic'belat, xchi.

Bible in Tzeltal de Oxchuc y Tenejapa

²⁸ Te c'alal laj yo'tan ta yalel in to te Martae, ba yic' tel te María ja' te yijts'ine. Jich c'o yalbey ta muquen: —Te Maestroe li' ayix to. Ya me yic'at —xi'.

San Juan 11:28 ပူးပေါင်းရင်းမြစ်များ

San Mateo 26:18

Te Jesuse la sjak; —Baanik te ba mukꞌul jtejklume. Te ba sna te jtul winike jich me xꞌawalbeyik: “La yal te maestroe: ‘Xnopetix te koraile. Ya me xtalon ta ana yuꞌun teꞌ ya xtal weꞌukon sok a te jnopojeletik kuꞌune ta spasel te kꞌin Pascuae’”, ya me awutik —xchi te Jesuse.

San Marcos 10:49

Yo tejkꞌaj tsꞌiin te Jesuse, sok la yal: —Ikꞌaik tal —xchi. Jich a yikꞌik tal te chok winike. Albot yuꞌunik: —Junuk awoꞌtan. Jajchan. Ya yikꞌatix —xchiik.

San Marcos 14:14

Te na te ba ya xꞌoch baele, kꞌoponbeyaik te yajwal te nae. Jich me xꞌawalbe: “Te Maestro ya sjojkꞌoy: ‘¿Ba ay te kuarto te ya xweꞌon sok te kaj-nopojeletik yuꞌun te skꞌinul Pascuae?’ xchi me”, uta me.

San Lucas 22:11

Albeyaik te yajwal nae: “Te Maestro ya sjojkꞌoy: ‘¿Ba ay te kuarto te ba ya xweꞌon sok te jnopojeletik kuꞌun yuꞌun te kꞌin Pascuae?’ xchi me”, ya me awutik.

San Juan 1:41

Te jꞌAndrese jaꞌ a bajt ta yoꞌtan ta sleel ta ora te sbankile, jaꞌ te Simone, y la yalbe: —La jtatikix te jMesiase —xchi kꞌoel. Te jMesias, “Cristo”, xchi kꞌoeme.

San Juan 1:45

Te jFelipee ba slej tal te jNatanaele, y la yalbe: —La jtatikix te machꞌa stsꞌibayejbe jilel skꞌoplal te jMoisese te ba sjunal te mantaliletike, sok te tsꞌibabil jilel skꞌoplal yuꞌun te jꞌalwanejetike. Jaꞌix te Jesus te xnichꞌan Jose te talem ta jtejklum Nazarete —xchi.

San Juan 10:3

Te jkanan-tiꞌ korale ya sjeꞌ te trankae, y te jkanane ya yikꞌ te juju-kojt te karnerae, ya sbiiltes, y ya xnaꞌbot sba skꞌop yuꞌun. Ya slokꞌes bael ta koral,

San Juan 11:20

Kꞌalal la yaꞌi te xMarta te ya xkꞌotix te Jesuse, lokꞌ bael ba staj tal. Pero te xMariae teꞌ jil ta sna.

San Juan 11:29

Te kꞌalal la yaꞌi te xMariae, tsꞌin a jajch bael ba yil te Jesuse.

San Juan 11:30

Te Jesuse ma to xꞌoch bael a te ba jtejklume, teꞌ to ay a ba kꞌo taek yuꞌun te xMartae.

San Juan 13:13

Te jaꞌexe ya awalbikon: “Maestro” y “Kajwal”. Ay rason te jich ya awalike, yuꞌun joꞌon a nix a.

San Juan 20:16

La yal te Jesuse: —Maria —xyut. Te antse sujt skꞌelu y la yalbe ta hebreo-kꞌop: —¡Raboni! —xchi. “Maestro”, xchi kꞌoem abi.

San Juan 21:7

Jich te jtul jnopojel, te machꞌa ben kꞌux ya yaꞌi sba sok te Jesuse, la yalbe te jPedroe: —Jaꞌ te Kajwaltike —xchi. Y kꞌalal la yaꞌi te Simon Pedroe te jaꞌ te Kajwaltike, ba slap ta ora te skꞌuꞌ-spakꞌe yuꞌun tꞌaxal, y la xchoj sba ochel ta jaꞌ.

1 Tesalonicenses 5:11

Jaꞌ yuꞌun junutesbeya aba awoꞌtanik y aꞌbeya abaik spuersa awoꞌtanik jich tutꞌil te yipalexix ta spasele.

Hebreos 12:12

Jich yuꞌun aꞌbeya yichꞌ xan yipik te akꞌabik te ben lubene y sok te sjol awakanik te maꞌyuk spuersae.