San Juan 11:26 - Nuevo Testamento Tzeltal de Amatenango

²⁶ Y spisil te machꞌa kuxajtik to a te ya xchꞌuunone makꞌ xcham sbajtel kꞌinal. ¿Me ya achꞌuun tsꞌin to? —xchi.

Bible in Tzeltal Bachajón

²⁶ Spisil te mach'a cuxajtic soc te ya sch'uhunonic, ma ba ya xchamic sbahtel q'uinal. ¿Hich bal ach'uhunej? xchi.

Bible in Tzeltal de Oxchuc y Tenejapa

²⁶ Soc spisil mach'a cuxulic te ya xch'uunonique ma xlaj sbajt'el q'uinal. ¿Jich bal ach'uunej in to? —xi'.

San Juan 11:26 ပူးပေါင်းရင်းမြစ်များ

San Mateo 26:53

¿Meꞌn ma xꞌanaꞌ te ya xjuꞌ kuꞌun te ya jkꞌanbey te jTat te ya skoltayone? Ya me stikonbon tal ta ora mas ta lajchaytijkꞌ te chꞌul angeletik te jichuke.

San Mateo 9:28

Te kꞌalal ochix ta na a te Jesuse, tijilaj tal ta stojol te choketike. Te Jesuse la sjojkꞌobe: —¿Me achꞌuunejik te tutꞌil ya xjuꞌ kuꞌune? —xchi. La yalik: —Jich Kajwal, jchꞌuunejtik —xchiik.

San Marcos 9:23

La yal te Jesuse: —¿Tut a te ma xjuꞌ kuꞌune? Te machꞌa ya xchꞌuune spisil ya xjuꞌ ta pasel —xchi.

San Juan 10:28

Te joꞌone ya kaꞌbe xkuxlejal sbajtel kꞌinal, y ni jaymel ya xchꞌay, ni maꞌyuk machꞌa ya xjuꞌ ya spojbon ta jkꞌab.

San Juan 14:10

¿Meꞌn ma xꞌachꞌuun te jun nax ayon sok te jTate? Te tutꞌil ya kalbeyexe, ma joꞌukon jkꞌop te tut ya kale. Te jTat, te jun nax ayon soke, stukel yaꞌtel te ya spase.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

San Juan 6:47

Jamal ya kalbeyex: Te machꞌa ya xchꞌuunone ay xkuxlejal sbajtel kꞌinal.

San Juan 9:35

Te Jesuse la yaꞌi te tenotix lokꞌel a te machꞌa chok ta nail toe. Te kꞌalal la sta sba soke, la sjojkꞌobe: —¿Me ya achꞌuun te Nichꞌanile? —xchi.

Romanos 8:13

Porke teme jaꞌ kuxulex ta skuenta te tut ya skꞌan te atiꞌbalulike, ya me xlajex. Pero teme jaꞌ ta skuenta te Espiritue ya awakꞌik ta lajel te tut ya skꞌan te atiꞌbalulike, ya me xkuxuyinex.