San Juan 11:25 - Nuevo Testamento Tzeltal de Amatenango

²⁵ Te Jesuse jich a yalbe xan: —Joꞌon ya kakꞌ chaꞌkuxel sok kuxlejal. Te machꞌa ya xchꞌuunone manchuk me ya xcham, pero ya xchaꞌkux tal.

Bible in Tzeltal Bachajón

²⁵ Halbot yu'un te Jesús: Ho'on te cha'cuxajelon soc ho'on te cuxlejalone; te mach'a ya sch'uhunon, aunque chamen, ya me xcuxaj.

Bible in Tzeltal de Oxchuc y Tenejapa

²⁵ Te Jesús la yalbey: —Jo'on cha'cuxelon soc jo'on cuxlejalon. Ja' te mach'a ya xch'uunone, teme ya xlaje, ya me xcha'cux tel.

San Juan 11:25 ပူးပေါင်းရင်းမြစ်များ

San Lucas 23:43

Te Jesuse la sjakꞌbe: —Jamal ya kalbeyat, te ora to ya me joyin jbajtik ta lekilal —xchi.

San Juan 1:4

Stukel ay ta skuenta te kuxlejale, y te kuxlejale jaꞌ ya sakub kꞌinal yuꞌun te genteetike.

San Juan 14:19

Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

San Juan 3:16

Porke te Diose bayal a xpichꞌin yoꞌtan te genteetike. Jaꞌ yuꞌun la stikon tal te úniko jtul Xnichꞌane, para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal.

San Juan 3:36

Te machꞌa ya xchꞌuun te Nichꞌanile ay xkuxlejal sbajtel kꞌinal; pero te machꞌa ma skꞌan xchꞌuun te Nichꞌanile, makꞌ xkuxuyin sbajtel kꞌinal. Ja nax ya yichꞌ tulan kastigo te ya xꞌakꞌtalanbot yuꞌun te Diose.

San Juan 5:21

Porke jich tutꞌil te Tatile ya xchaꞌkuses te animaetike y ya yaꞌbe xkuxlejal; jich euk te Nichꞌanile, ya yaꞌbe xkuxlejal te machꞌa ya skꞌan ya yaꞌbeye.

San Juan 5:26

Porke jich tutꞌil te Tatile ya xjuꞌ yuꞌun yakꞌel kuxlejal; jaꞌ nax jich yakꞌojbe ta skuenta euk te Nichꞌanile te ya xjuꞌ ya yakꞌ kuxlejale.

San Juan 6:35

Te Jesuse la yaltalanbe: —Joꞌon wajon yuꞌun te kuxlejale. Te machꞌa ya xtal ta jtojole ni makꞌ xwiꞌnajix a, y te machꞌa ya xchꞌuunone, ni makꞌ xtakejix yoꞌtan a.

San Juan 6:44

Ni maꞌyuk machꞌa ya xtal ta jtojol teme ma jaꞌuk ikꞌbil tal yuꞌun te jTat te la stikonon tale. Y joꞌon ya jchaꞌkuses tal ta slajibal kꞌaal.

Hechos 3:15

Y jich la amilik te machꞌa ya yikꞌotik bael ta kuxlejale. Pero Dios a xchaꞌkuses tal te ba ay te animaetike, y joꞌotik testigootik yuꞌun.

Romanos 4:17

jich tut ya yal te Sjun Diose: “Te jaꞌ kakꞌojat ta tatil yuꞌun bayal nasionetik”, xchi me. Jaꞌ to jaꞌ te Dios te la xchꞌuun te jAbraham te ya yaꞌbe xkuxlejal te machꞌatik chamenike. Y sok ya yakꞌ chiknajuk te tut ma chikanuk ta nail toe.

Romanos 8:2

Porke kꞌalal la kakꞌ jbatik ta skuenta te Espiritue, te ya yakꞌ kuxlejal ta skuenta te Cristo Jesuse, jaꞌ la skoltayotik ta skꞌab te mulile sok te lajele.

1 Corintios 15:18

Jich euk te machꞌatik chamenikix ta skuenta Cristoe jich chꞌayemik euk teme jich aye.

1 Corintios 15:29

Teme makꞌ xchaꞌkux te animaetike, lom nax te ay machꞌatik la yichꞌik jaꞌ yuꞌun te machꞌatik chamenikixe. Teme makꞌ xlaj chaꞌkuxe te machꞌatik chamenik, ¿tuꞌun te la yakꞌ sbaik ta ichꞌjaꞌ yuꞌun teme jichte?

2 Corintios 4:14

Porke jnaꞌojtik te Diose, te la chaꞌkuses tal te ba ay te animaetik te Kajwaltik Jesuse, jich me ya xchaꞌkusesotik tal sok te Jesuse, y jun nax ya yikꞌotik bael ta ba aye.

Filipenses 1:23

Yuꞌun ma jnaꞌ te ba ay te mas lek ta xchaꞌkajale. Koꞌtanuk te ya jkꞌan xchamonixe, yuꞌun jich ya xba joyinix a te Cristoe, yuꞌun jaꞌ mas lek ya kaꞌiy te jichuk ya xkꞌote.

Filipenses 3:10

Te tut ya jkꞌane, jaꞌ te yauk jnaꞌbey sba te Cristoe, sok te yauk kaꞌiy tutꞌil ay te spoder te la yichꞌ chaꞌkusesel yuꞌune, sok te pajaluk ya xkꞌax jwokol soke, y asta jich ya xkꞌoon ekꞌa te tutꞌil a laje.

1 Tesalonicenses 4:14

Jich tutꞌil te jchꞌuunejtik te cham te Jesuse y chaꞌkux tale, jich jchꞌuunejtik te Dios ya xchꞌakuses tal sok Jesus te machꞌatik xchꞌuunej Dios a chamike.

Apocalipsis 1:18

Jtalel kuxulon. Chamon, pero te ora to kuxulonix sbajtel kꞌinal. Joꞌon kichꞌojbe te syaweal te lajele y sok te yawil te ba ya stsobot te animaetike.

Apocalipsis 20:5

Pero te yanetik xan te chamenixe maꞌ chaꞌkuxik a, jaꞌto te tsꞌakay jmil jaꞌbile. Jaꞌ to jaꞌ te primero chaꞌkuxele.

Apocalipsis 21:4

Ya me skustalanbot yaꞌlel sitik yuꞌun. Y ma me ayukix lajel a, ni okꞌel, ni ajtal-oꞌtan, ni tut kꞌux. Porke spisil te tut ay ta nail toe, chꞌayix bael”, xchi.

Apocalipsis 22:1

Te ángele la yaꞌbon kil jun sakil ukꞌum, te jaꞌ yuꞌun kuxlajele. Ben klaro jachik tutꞌil espejo. Y teꞌ ya xlokꞌ tal ba ay te smukꞌul naktajib te Diose y sok te Chꞌin Karnerae,

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.