San Juan 10:40 - Nuevo Testamento Tzeltal de Amatenango

⁴⁰ Te Jesuse sujt bael ta Jordan ta stojil ba xlokꞌ tal kꞌajkꞌale. Teꞌ jalaj a te ba luwar ba la yakꞌ ichꞌjaꞌ te nail to te Juane.

Bible in Tzeltal Bachajón

⁴⁰ Cha'baht xan ta jehch Jordán te Jesús, ta banti nahil la yac' ich'-ha' te Juan; tey hil a.

Bible in Tzeltal de Oxchuc y Tenejapa

⁴⁰ Te Jesús bajt' yan buelta c'alal ta jejch' ja' Jordán ta stojol sloq'uib c'aal. Tey jalaj a ta bay la yac' ich'ja' ta neelal te Juane.

San Juan 10:40 ပူးပေါင်းရင်းမြစ်များ

San Juan 1:28

Spisil to jicha kꞌot ta pasel te ba luwar Betania sbiile te ay ta stojil te ba xlokꞌ tal kꞌajkꞌale ta jejch jaꞌ Jordan te ba yipal ta yakꞌel ichꞌjaꞌ te Juane.

San Juan 11:54

Jaꞌ yuꞌun te Jesuse maꞌ beenix ta sitil komon a te ba juriyoetike. Lokꞌ bael teꞌa te ba estado yuꞌun Judea y bajt ta jun luwar ta jun jtejkꞌum te Efrain sbiil te nopol ay sok te jojchol luware. Teꞌ anin sok a te jnopojeletik yuꞌune.

San Juan 11:7

Patil la yalbe te jnopojeletik yuꞌun: —Konik xan ta Judea —xchi.

San Juan 3:26

Ba yalbeyik te Juane: —Maestro, ila awil te machꞌa ajoyinej aba sok tal ta stojil ba xlokꞌ tal kꞌajkꞌal ta jejch Jordane, te machꞌa la awalbotik skꞌoplale. Te ora to yipalix ta yakꞌel ichꞌjaꞌ, y spisil te genteetike ya stsꞌakliyik bael —xchiik.

San Juan 7:1

Ta patil tsꞌin to te Jesuse been bael ta estado yuꞌun Galilea, yuꞌun ma skꞌan a anin ta Judea porke te juriyoetik te teꞌey ae ya sleik ta milel.