San Juan 10:28 - Nuevo Testamento Tzeltal de Amatenango

²⁸ Te joꞌone ya kaꞌbe xkuxlejal sbajtel kꞌinal, y ni jaymel ya xchꞌay, ni maꞌyuk machꞌa ya xjuꞌ ya spojbon ta jkꞌab.

Bible in Tzeltal Bachajón

²⁸ soc ho'on ya ca'be scuxlejalic sbahtel q'uinal, ma jaymehl ya xch'ayic, soc mayuc mach'a ya xhu' ya spojbonic ta jc'ab.

Bible in Tzeltal de Oxchuc y Tenejapa

²⁸ Jo'on ya cac'bey xcuxlejal sbajt'el q'uinal, soc xujt' ma xch'ayic sbajt'el q'uinal. Ma'yuc mach'a ya spojbon loq'uel ta jc'ab.

San Juan 10:28 ပူးပေါင်းရင်းမြစ်များ

San Marcos 13:22

Porke ay me ya xchiknaj lotil-cristoetik y lotil-alwanejetik. Ya me yakꞌ ta ilel señailetik sok milagroetik. Ya me sloꞌlayik ekꞌa te machꞌatik tꞌujtalanbilik yuꞌun te Diose te yauk xjuꞌ yuꞌunike.

San Lucas 23:46

Te Jesuse tulan a awun y la yal: —Jtat, ya kaꞌbeyat ta akꞌab te jchꞌulele —xchi. Y te jich a yale, lok xchꞌulel.

San Juan 10:29

Jaꞌ yakꞌojbon te jTate, sok jaꞌ mas mukꞌ ke spisil tut aye. Maꞌyuk machꞌa ya xjuꞌ ya spojbon lokꞌel ta jkꞌab.

San Juan 11:25

Te Jesuse jich a yalbe xan: —Joꞌon ya kakꞌ chaꞌkuxel sok kuxlejal. Te machꞌa ya xchꞌuunone manchuk me ya xcham, pero ya xchaꞌkux tal.

San Juan 14:19

Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

San Juan 17:2

Yuꞌun la awaꞌbonix kaꞌtel ta stojol spisil te genteetike, yuꞌun jich me ya kakꞌ kuxuyinuk sbajtel kꞌinal spisil te machꞌa la awaꞌbon ta jkꞌabe.

San Juan 18:9

Jich a kꞌot ta pasel te tut yaloj te Jesuse: “Te machꞌatik la yaꞌbon ta jkuenta te jTate ni jtul a chꞌay kuꞌun”, xchi me.

San Juan 3:36

Te machꞌa ya xchꞌuun te Nichꞌanile ay xkuxlejal sbajtel kꞌinal; pero te machꞌa ma skꞌan xchꞌuun te Nichꞌanile, makꞌ xkuxuyin sbajtel kꞌinal. Ja nax ya yichꞌ tulan kastigo te ya xꞌakꞌtalanbot yuꞌun te Diose.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

San Juan 6:27

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

San Juan 6:37

Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

San Juan 6:47

Jamal ya kalbeyex: Te machꞌa ya xchꞌuunone ay xkuxlejal sbajtel kꞌinal.

San Juan 6:68

Te Simon Pedroe la sjakꞌ: —Kajwal, machꞌa yan ya xbootik sok, porke yuꞌun kuxlejal sbajtel kꞌinal te akꞌope.

Hechos 7:59

Te kꞌalal yipalik ta yaꞌbeyel ton ae, te jꞌEstebane la skꞌopon Dios. Jich a yal: —Kajwal Jesus, ikꞌbon me te jchꞌulele —xchi.

Romanos 5:17

Yuꞌun te lajele jmel nax a och ta skaj nax te smul jtul winike. Mas to xan te machꞌatik Dios a kꞌuxutayot yuꞌun, ya xꞌalbot ta jamal te kolemix yuꞌun te smul ta majtanil nax, sok jmel nax ayik ta achꞌ kuxlejal ta skuenta nax jtul winik, jaꞌ te Jesucristoe.

Romanos 5:2

Yuꞌun ta skuenta Cristo te kꞌot ta jkuentatik te slekil yoꞌtan Dios, ta skuenta nax te xchꞌuunel koꞌtantike. Y jich jun koꞌtantik ayotik sok ben butsꞌan kꞌinal ya jmalitik ya kichꞌtik te slekilal Diose.

Romanos 5:21

Jich tutꞌil te jmel nax a och te mulil yuꞌun te yichꞌoj tal te lajele, jaꞌ nax jich euk te slekil yoꞌtan Diose jmel nax a och yuꞌun te ya xꞌakꞌawan ta libre yuꞌun te mulile, y jaꞌ ya yaꞌbotik te kuxlejal sbajtel kꞌinal ta skuenta te Kajwaltik Jesucristoe. Jich me ay jkuxlejaltik sbajtel kꞌinal te jayebotik te chapbilotikix ta skuenta te Diose.

Romanos 5:9

Y te ora to libreix ayotik yuꞌun te jmultik ta skuenta te cham te Cristoe, sok mas to xan ya xkolotik ta libre yuꞌun te kastigo ta slajibal kꞌaal ta skuenta te Cristoe.

Romanos 6:23

Te stojol te ya yakꞌ te mulile, jaꞌ te lajele. Pero te majtanil ya yakꞌ te Diose jaꞌ te kuxlejal sbajtel kꞌinal, te jun nax ya xkꞌootik sok te Cristo Jesus te Kajwaltik stukele.

Romanos 8:1

Jaꞌ yuꞌun, ni maꞌyuk tut kastigoil ay ta skuenta te machꞌatik jun nax ay sok te Cristo Jesuse. Jaꞌ bi, jaꞌ te machꞌatik ma ta skuentaukix stiꞌbalul kuxulike; jaꞌikix te kuxulik ta skuenta te Espiritue.

Romanos 8:29

Jaꞌ te machꞌatik tsabilik ta nail to yuꞌun te Diose, te la snop Dios ta slijkibal to te jich ya xkꞌotik te tutꞌil Xnichꞌane. Yuꞌun jich ya xkꞌot te Xnichꞌan te jaꞌ bankilal yuꞌun te bayal yijtsꞌinabe.

Filipenses 1:6

Seguro ayon yuꞌun Dios, te la slijkes ta pasel lekil aꞌtel ta atojolik, ya me sjuꞌutes slekil yaꞌtel jaꞌ to te tut kꞌaalil ya sujt tal te Jesucristoe.

2 Tesalonicenses 2:13

Pero te joꞌotike sil tiempo ya skꞌan kalbetik kola yal Dios ta akuentaik, kermanotak te ben kꞌuxex ta koꞌtan ta skuenta te Kajwaltike. Porke Dios a stsaex yuꞌun jich me nail ya kꞌo ataik te kolel ta skuenta te Espíritu ya slekutesexe, sok ta skuenta te tut batsꞌi jich te la achꞌuunikixe.

1 Timoteo 1:16

Jaꞌ yuꞌun Dios la yaꞌbon bayal slekil yoꞌtan, skuenta yuꞌun jich me ya xchiknaj ta jtojol te ay bayal perdon ta yoꞌtan te Jesucristoe. Yuꞌun joꞌon seña ya yilik a te machꞌatik patil ya xchꞌuunik te Kajwaltike yuꞌun ya staik a te kuxlejal sbajtel kꞌinale.

2 Timoteo 1:12

Jaꞌ yuꞌun te ay jwokol ta ora to. Pero makꞌ me xkꞌexawon yuꞌun, porke te joꞌone jnaꞌoj machꞌa a te smukꞌulinej koꞌtane, y seguro ayon te stukel ay spoder yuꞌun ya skꞌejbon te tutꞌil yakꞌojbone, jaꞌ to te tut kꞌaalil te ya xchaꞌtal xane.

Hebreos 7:25

Jaꞌ yuꞌun ya xjuꞌ ya xkoltawan sbajtel kꞌinal yuꞌun te machꞌatik ya xtijilajik ta stojol Dios ta skuentae. Yuꞌun kuxul sbajtel kꞌinal, yuꞌun ya skꞌanulanbe Dios ta skuentaik.

1 Pedro 1:5

Ta skuenta te achꞌuunejik te Diose, ya me skanantayex ta spoder, yuꞌun jich me ya ataik a te kolel te chapal yuꞌune, te ya xba yakꞌ ta ilel ta slajibal kꞌaale.

1 Juan 1:2

Kꞌo chiknajuk te Jꞌakꞌkuxlejale, y joꞌotik a kiltik, y joꞌotik a kalbetik skꞌoplal. Jaꞌ ya kalbetikex skꞌoplal te Machꞌa ya yakꞌ te kuxlejal sbajtel kꞌinale, jaꞌ te jun nax ay sok te Tatile, sok te la yakꞌ sba ta ilel ta jtojoltike.

1 Juan 2:19

Te stukelike lokꞌik tal ta koliltik. Pero yuꞌun nanix ma joytikuk a. Te yuꞌunuk joytikuke, maꞌ lokꞌ bael ta koliltik te jichuke. Pero jicha kꞌot ta pasel yuꞌun te ya xchiknaj ta jamal a te ma joy jbajtikuke.

1 Juan 2:25

Jaꞌ to jaꞌ yalojbotikix te Jesucristoe te ya yakꞌ te kuxlejal sbajtel kꞌinale.

1 Juan 5:11

Jaꞌ te testigo-kꞌop yuꞌun te Diose: Jaꞌ te la yaꞌbotikix te kuxlejaltik sbajtel kꞌinal, y te kuxlejal to ay ta skuenta te Xnichꞌane.

Judas 1:1

Joꞌon Judason, yaj-aꞌtelon te Jesucristoe y sok jaꞌ jbankil te Jacoboe. La jtsꞌibay te karta to jaꞌ yuꞌun te machꞌatik kꞌuxutaybil yuꞌun te Jtatik Dios sok te ikꞌtalanbilix yuꞌune, sok jaꞌ te machꞌatik kanantaylanbilix yuꞌun te Jesucristoe.

Judas 1:21

Akꞌa abaik ta kanantayel ta skuenta xkꞌuxul yoꞌtan te Diose. Y maliyaik te tut kꞌaalil te ya yaꞌbotik te kuxlejal sbajtel kꞌinale te Kajwaltik Jesucristo, ta skuenta slekil yoꞌtan.

Judas 1:24

Te úniko Dios te jKoltawanej kuꞌuntike ta skuenta te Kajwaltik Jesucristoe, ay spoder yuꞌun te ya skꞌanantayex te jaꞌexe, makꞌ yakꞌ xyalex ta mulil ae, yuꞌun jich me ya yikꞌex ochel te ba aye. Ben jun awoꞌtanik te maꞌyuk amulik te ya xkꞌoex ta stojol te ba ay te slekilale. Te stukele ay slekilal, sok ben mukꞌ, sok ay spoder, sok yichꞌoj yaꞌtel, jaꞌ to ta slijkibal to, y te ora to, y ta sbajtel kꞌinal. Jichuk.