San Juan 10:20 - Nuevo Testamento Tzeltal de Amatenango

²⁰ Ay bayal te jich a yalike: —¿Tuꞌun te ya awakꞌik ta jkuentae? Porke ya xjowiy, yuꞌun ay pukuj ta yoꞌtan —xchiik.

Bible in Tzeltal Bachajón

²⁰ Ay tsobolic la yalic: Ay pucuj ta yo'tan, sohquem sjol. ¿Bin stuc awu'un yac awa'iybeyic sc'op? xchihic.

Bible in Tzeltal de Oxchuc y Tenejapa

²⁰ Ay tsobolic la yalic: —¿Bistuc ya awaiybeyic stojol te sc'ope? Ay pucuj ta yo'tan. Mero jowejem sjol ta jyalel —xiic.

San Juan 10:20 ပူးပေါင်းရင်းမြစ်များ

San Mateo 10:25

Jich te eskueleroe teyuk me ya yaꞌiy a teme pajal ya xkꞌot sok te yaj-maestroe. Sok te aj-aꞌtelile teyuk me ya yaꞌiy a teme pajal ya xkꞌot sok te yajwale. Teme “Beelzebu” xchi jkꞌoplal te joꞌon te Ajwalilon awuꞌunike, jich me ya yalbeyex akꞌoplalik euk te jaꞌexe.

San Mateo 11:18

“Jich te kꞌalal tal te Juane ma weꞌ-uchꞌa ta lek. “Ay pukuj ta yoꞌtan”, xaꞌex yuꞌun.

San Mateo 9:34

Pero te fariseoetike jich a yalik: —Jaꞌ mero statal-pukuj. Jaꞌ yuꞌun ya xjuꞌ yuꞌun te ya slokꞌes te pukujetike —xchiik.

San Marcos 3:21

Te tut ora la yaꞌiyik te machꞌatik ay yuꞌun te Jesuse, tal stsakꞌik bael yuꞌun la yalik te ya xjowiye.

San Juan 7:20

Te gentee la sjakꞌtalan: —Ay pukuj ta awoꞌtan. ¿Machꞌa a te ya smilate? —xchiik.

San Juan 8:52

Te juriyoetik la sjakꞌbeyik: —Te ora to seguro ya jnaꞌtik te ay pukuj ta awoꞌtane. Te jꞌAbrahame sok spisil te jꞌalwanejetike chamik bael. Y te jaꞌate ya awal: “Te machꞌa ya yakꞌ ta jkuenta te jkꞌope makꞌ cham”, te xchate.

Hechos 26:24

Te tutꞌil jich a yal ta kꞌop te jPabloe, te Festoe tulan a kꞌopoj yuꞌun: —Xjowiyat, Pablo. Ta skaj te bayal junetik ya awile, jowiyatix yuꞌun —xchi te Festoe.