San Juan 1:45 - Nuevo Testamento Tzeltal de Amatenango

⁴⁵ Te jFelipee ba slej tal te jNatanaele, y la yalbe: —La jtatikix te machꞌa stsꞌibayejbe jilel skꞌoplal te jMoisese te ba sjunal te mantaliletike, sok te tsꞌibabil jilel skꞌoplal yuꞌun te jꞌalwanejetike. Jaꞌix te Jesus te xnichꞌan Jose te talem ta jtejklum Nazarete —xchi.

Bible in Tzeltal Bachajón

⁴⁵ Te Felipe la sta te Natanael, hich la yalbe: La jtahcotiquix te mach'a ts'ihbabil sc'oblal yu'un te Moisés soc yu'un te jalwanejetic, ha te Jesús te snich'an José, te talem ta Nazaret, xchi.

Bible in Tzeltal de Oxchuc y Tenejapa

⁴⁵ Te Felipe la sta sba soc te Natanaele, jich la yalbey: —La jtatiquix te mach'a ts'ibubil jilel sc'oplal yu'un Moisés ta sjunal mandalil soc te ts'ibubil jilel sc'oplal yu'un te j'alwanejetique. Ja' te Jesús te snich'an José te talem ta lum Nazarete —xi'.

San Juan 1:45 ပူးပေါင်းရင်းမြစ်များ

San Mateo 10:3

sok Felipe, sok jBartolome, sok jTomas, sok jMateo te jkꞌan-tojemale, sok Jacobo te xnichꞌan Alfeoe, sok jLebeo te jTadeo a kꞌot sbiile,

San Mateo 13:55

¿Me ma wan jaꞌuk te xnichꞌan karpinteroe sok ma wan jaꞌ smeꞌ te xMariae? ¿Me ma wan jaꞌuk yijtsꞌinab te Jacoboe sok te Josee sok te Simone sok te Judase?

San Mateo 2:23

Teꞌ kꞌo kuxuyinuk a te ba jtejklum Nazaret. Jich a kꞌot ta pasel te tut yalojlan te jꞌalwanej yuꞌun Dios te jaꞌ Jesus Nazaret ya xkꞌot te sbiile.

San Mateo 21:11

Te genteetike la yalik: —Jaꞌ te jꞌalwanej yuꞌun Dios te Jesus sbiile te talem ta jtejklum Nazaret ta estado yuꞌun Galilea —xchiik.

San Marcos 14:67

la yil te Pedroe te yipalik ta kꞌatimal teꞌa. La skꞌelubey sit sok la yalbe: —Te jaꞌate jaꞌ ajoy aba sok te Jesus Nazarete —xchi.

San Marcos 6:3

Karpintero te winike, te yal te xMariae. Sok jaꞌ yitsꞌinab te Jacobe, te Josee, te Judase sok te Simone. Sok jaꞌ yitsꞌinab ekꞌa te achꞌixetike te liꞌ ayik ba koliltike, xchiik. Jich ma yakꞌik ta kuenta.

San Lucas 18:37

La yalbeyik te jaꞌ te Jesus Nazaret te yipal ta kꞌaxel teꞌ ae.

San Lucas 2:4

Jich te Josee lokꞌ bael ta jtejklum Nazaret te ay ta estado yuꞌun Galilea. Bajt ta Belen ta estado Judea, yuꞌun jaꞌ slumal te antibo rey David, sok jaꞌ stsꞌumbal jDavid te Josee.

San Lucas 2:48

Te kꞌalal ilot yuꞌun te smeꞌ-state, la sjikꞌ yoꞌtanik yuꞌun. Jicha albot yuꞌun te smeꞌe: —Jchꞌin kal, ¿tuꞌun te jich la apasbotik to? Te atate sok te joꞌone beno yajtal koꞌtantik ya jlejtikat —xchi.

San Lucas 24:27

Te nax a lijk yalbe sluwar spisil te tut tsꞌibabil jilel te Sjun te Diose te tutꞌ ay skꞌoplal te Cristoe. Lijk kꞌalal ta sjun jMoises jaꞌ to kꞌalal ta sjun spisil te jꞌalwanejetik yuꞌun te Diose.

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

San Lucas 3:23

Kꞌalal ayix treinta jaꞌbil yaꞌbilal a te Jesuse, lijk ta aꞌtel. Kuybil te jaꞌ xnichꞌan te Josee. Jich skajalskaj te stsꞌumbale:

San Lucas 4:22

Spisilik lek skꞌoplal yuꞌunik te Jesuse, sok toj cham a yaꞌiyik yuꞌun te ben tsaꞌam te skꞌope. Sok la sjojkꞌobe sbaik: —¿Me ma wan jaꞌuk te xnichꞌan Jose te winik to? —xchiik.

San Juan 1:44

Te jFelipee jaꞌ slumal te Betsaidae. Teꞌ talem ekꞌa te jꞌAndrese sok te jPedroe.

San Juan 12:21

Te griegoetik to tijilajik tal te ba ay te jFelipee te talem ta Betsaida te jun jtejklum yuꞌun Galileae. Ba skꞌanbeyik pawor ta stojol: —Mam bankil, ya jkꞌan kiltik euk te Jesuse —xchiik.

San Juan 14:8

Te Felipe jich a yalbe: —Kajwal, aꞌbotik kiltik te jTatike, y teyotik abi —xchi.

San Juan 18:5

La sjakꞌtalanik: —Jaꞌ ya jlejtik te Jesus te Nazarete —xchiik. Te Judas te akꞌawan-entregale sjoyinej tal euk.

San Juan 18:7

Te Jesuse la xchaꞌ jojkꞌobe xan: —¿Machꞌa a te ya aleike? —xchi. Y la yalik xan: —Jaꞌ te Jesus talem ta Nazarete —xchiik.

San Juan 19:19

Te jPilato la yal mantal te ya xba kꞌojbek jilel jun letrero ta sjol te kruse te jich ya yale: “Jesus yuꞌun Nazaret, Rey yuꞌun te juriyoetike”, xchi te letreroe.

San Juan 21:2

Stsoboj sbaik a te Simon Pedroe sok te jTomas, te Loꞌalal xꞌalbote, sok te jNatanael te talem ta jtejklum Cana te ay ta slum Galileae, sok te xnichꞌnab Zebedeoe, sok xan te cheb jnopojeletik yuꞌun te Jesuse.

San Juan 6:42

Y la yalik: —¿Me ma wan jaꞌuk te Jesus te xnichꞌan Josee? Te joꞌotike ya jnaꞌbetik sba te state y sok te smeꞌe. ¿Tuꞌun te ya yal te ora to te koem tal ta chꞌulchane? —xchiik.

San Juan 6:5

Kꞌalal la yil te Jesuse te bayal genteetik tsꞌaklibil yuꞌune, la yalbey te jFelipee: —¿Ba ya xba jmanbetik sweꞌel spisil te genteetik to? —xchi.

San Juan 6:7

Te jFelipe la yal: —Te ayuk dosiento denario takꞌin yuꞌun ya jmantik a te waje, ma teyuk ya sta chꞌinuk a te juju-tule —xchi.

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

Hechos 22:8

La jojkꞌobe: “¿Machꞌaat a, Kajwal? xkut. Y te kꞌope la sjakꞌbon: “Joꞌon Jesuson ta Nazarete, mismo te yipalat ta yilbajinele”, xchi.

Hechos 26:9

“Joꞌon mismo nail a jnop te tutik bayal a jkontrain a te Jesus te talem ta Nazarete.

Hechos 3:6

Pero te jPedroe la yalbey: —Maꞌyuk plata ni oro kuꞌun. Pero te tut ay kuꞌune ya kaꞌbeyat. Ta skuenta te Jesucristo ta Nazarete jajchan y benan —xchi te jPedroe.