San Juan 1:4 - Nuevo Testamento Tzeltal de Amatenango

⁴ Stukel ay ta skuenta te kuxlejale, y te kuxlejale jaꞌ ya sakub kꞌinal yuꞌun te genteetike.

Bible in Tzeltal Bachajón

⁴ Ay cuxlejal ta stojol, soc te cuxlejal ha nix te sacal q'uinal ta stojol ants-winiquetic.

Bible in Tzeltal de Oxchuc y Tenejapa

⁴ Ja' ya yac' cuxlejal stuquel. In te cuxlejale, ja' te ay saquil q'uinal ta stojolic te ants-winiquetique.

San Juan 1:4 ပူးပေါင်းရင်းမြစ်များ

San Mateo 4:16

te jtejklum teꞌa te ayik ta ijkꞌal kꞌinale tilemix mukꞌul lus ta skuentaik. Jun mukꞌul lus te tilemix ta skuentaik te machꞌatik ay ta skuenta kastigoe”, xchi me.

San Lucas 2:32

Ya me sakub kꞌinal yuꞌun te ba ay te yan jtejklumetike, y ay me slekilal ya xkꞌot yuꞌun te jtejklum Israel awuꞌune —xchi te mam Simeone.

San Juan 11:25

Te Jesuse jich a yalbe xan: —Joꞌon ya kakꞌ chaꞌkuxel sok kuxlejal. Te machꞌa ya xchꞌuunone manchuk me ya xcham, pero ya xchaꞌkux tal.

San Juan 12:35

Te Jesuse la yaltalanbe: —Ay to me ta awolilik te machꞌa sakuben kꞌinal yuꞌune. Pero ma jaluk xan kꞌaal te ya ajoyinike. Benanik me yuꞌun liꞌ to xan me ay te sakil kꞌinal ta atojolike. Yuꞌun ma me xchꞌayemuk awoꞌtanik ya staex te ijkꞌal kꞌinale. Porke te machꞌa ya xbeen ta ijkꞌal kꞌinale ma snaꞌ ba ya xbajt.

San Juan 12:46

Joꞌon te sakil kꞌinal te talemon ta balmilale. Te machꞌa ya xchꞌuuunone makꞌ xjilix ta ijkꞌal kꞌinal.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

San Juan 3:19

Te machꞌatik ma xchꞌuunike, ayikix bael ta chꞌayel, yuꞌun te kꞌalal tal te machꞌa ya sakub kꞌinal ta stojolik yuꞌune, la spꞌajik. Jaꞌ ben skꞌanojik te ijkꞌal kꞌinale, skaj te ma tsaꞌamuk yaꞌtelike.

San Juan 5:21

Porke jich tutꞌil te Tatile ya xchaꞌkuses te animaetike y ya yaꞌbe xkuxlejal; jich euk te Nichꞌanile, ya yaꞌbe xkuxlejal te machꞌa ya skꞌan ya yaꞌbeye.

San Juan 5:26

Porke jich tutꞌil te Tatile ya xjuꞌ yuꞌun yakꞌel kuxlejal; jaꞌ nax jich yakꞌojbe ta skuenta euk te Nichꞌanile te ya xjuꞌ ya yakꞌ kuxlejale.

San Juan 8:12

Te Jesuse chaꞌsujt xan bael te ba ay te gentee. Jich a yal: —Joꞌon sakil kꞌinalon yuꞌun te genteetik ta balmilale. Te machꞌa ya stsꞌakliyone yichꞌojix te sakil kꞌinal te ya yakꞌ kuxlejale, y ni makꞌ xbeenix ta ijkꞌal kꞌinal —xchi te Jesuse.

San Juan 9:5

Te tutꞌil liꞌto ayon ta balmilale, joꞌon sakil kꞌinalon yuꞌun te genteetik ta balmilale —xchi.

Hechos 26:23

te puersa ya xcham te Cristoe, pero ta patil teme chame, jaꞌ nail ya xchaꞌkux tal te ba animaetike, yuꞌun ya yalbe skꞌoplal te sakil kꞌinal yuꞌun kolel ta stojol te jlumaltike sok te yanetik nasione —xchi te jPabloe.

1 Corintios 15:45

Jich ya yal te Sjun Diose: “Te primero winik jꞌAdan, aꞌbot stiꞌbalul sok xkuxlejal”, xchi me. Pero te slajibal jꞌAdane, jꞌakꞌ-kuxlejal stukel ta skuenta Espíritu.

Efesios 5:14

Porke te sakil kꞌinale ya yakꞌ ta ilel spisil. Jaꞌ yuꞌun jich ya xꞌalot: “Kuxa awoꞌtan jaꞌat te wayalate. Jajchan tal te ba ay te animaetike, y Cristo ya yakꞌ sakubuk kꞌinal ta atojol”, xchi me.

Colosenses 3:4

Jaꞌ akuxlejalik te Cristoe. Te kꞌalal stukel ya xchiknaj tale, te jaꞌexe jich me ya xchiknajex tal ta skuenta, sok ya me xkꞌot ta akuentaik te slekilale.

1 Juan 1:1

Te tut ya jtsꞌibabetikex a, jaꞌ skꞌoplal te Machꞌa ayix a desde slijkibale, te kaꞌiyejtik te skꞌope y te kilojtik ta sitike. Porke la kiltik y la jpiktik ta jkꞌabtik. Ja xyal te Machꞌa Kꞌop yuꞌun te Kuxlejale.

1 Juan 1:2

Kꞌo chiknajuk te Jꞌakꞌkuxlejale, y joꞌotik a kiltik, y joꞌotik a kalbetik skꞌoplal. Jaꞌ ya kalbetikex skꞌoplal te Machꞌa ya yakꞌ te kuxlejal sbajtel kꞌinale, jaꞌ te jun nax ay sok te Tatile, sok te la yakꞌ sba ta ilel ta jtojoltike.

1 Juan 5:11

Jaꞌ te testigo-kꞌop yuꞌun te Diose: Jaꞌ te la yaꞌbotikix te kuxlejaltik sbajtel kꞌinal, y te kuxlejal to ay ta skuenta te Xnichꞌane.

Apocalipsis 22:1

Te ángele la yaꞌbon kil jun sakil ukꞌum, te jaꞌ yuꞌun kuxlajele. Ben klaro jachik tutꞌil espejo. Y teꞌ ya xlokꞌ tal ba ay te smukꞌul naktajib te Diose y sok te Chꞌin Karnerae,

Apocalipsis 22:16

La yal xan te Jesuse: —Joꞌon Jesuson te la jtikon tal te ángel kuꞌune yuꞌun ya yal ta jamal ta spisil to ta stojol te juju-tijkꞌ hermanoetike. Joꞌon slujp kꞌoemon te stsꞌumbal te jDavide. Joꞌon te ekꞌ te ya xojobin ta ben sabe —xchi.