San Juan 1:29 - Nuevo Testamento Tzeltal de Amatenango

²⁹ Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

Bible in Tzeltal Bachajón

²⁹ Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

Bible in Tzeltal de Oxchuc y Tenejapa

²⁹ Ta yan c'aal te Juan la yil te yac ta noptsajel tel Jesús tey a te banti aye. Jich caj yal yu'un: —Ilawilic in to. Ja' te mero Alalchij yu'un Dios, te ya xch'aybey smul spisil te mach'atic ayic ta balumilale.

San Juan 1:29 ပူးပေါင်းရင်းမြစ်များ

San Mateo 1:21

Te xMariae ya me xꞌayin xchꞌin kerem. Jesus me sbiil ya xkꞌot awuꞌun. Jich ya xkꞌot te sbiile yuꞌun ya me skoltay te jtejklum yuꞌun te smulike —xchi te chꞌul ángele.

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Juan 1:35

Ta yoxebal kꞌaal, te Juane teꞌeyix sok xan a te cheb jnopojeletik yuꞌune.

San Juan 1:36

Kꞌalal la yil a kꞌax bael te Jesuse, te Juane la yal: —Ila awilik me to. Jaꞌ me te mera karnera yuꞌun te Diose —xchi.

San Juan 1:43

Ta yoꞌebal kꞌaal te Jesuse la snop te ya xbajt ta estado yuꞌun Galileae. La sta sba sok te Felipee, y la yalbe: —Laꞌ tsꞌakliyaon bael —xyut.

San Juan 2:1

Yoxebalix kꞌaal a, aya juꞌ jnujpunel ta jun jtejklum yuꞌun Galilea, Cana sbiil. Teꞌey ekꞌa te smeꞌ te Jesuse.

San Juan 3:16

Porke te Diose bayal a xpichꞌin yoꞌtan te genteetike. Jaꞌ yuꞌun la stikon tal te úniko jtul Xnichꞌane, para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal.

San Juan 4:42

Y la yalbeyik te antse: —Te ora to ma jaꞌuk xanix te tut la awalbotik te ya jchꞌuuntike. Yuꞌun mismo joꞌotik a kaꞌibetik sluwar te skꞌope, y la jnaꞌtikix te batsꞌi jich te jaꞌix te Cristo te jkoltaywane yuꞌun spisil te genteetike —xyutik.

San Juan 6:51

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

Hechos 13:39

Porke ta skuenta te Jesuse pasbilix perdon spisil te machꞌatik ya xchꞌuune. Yan te mantaliletik yuꞌun te jMoisese maꞌyuk perdon yuꞌun stukel.

Hechos 8:32

Te ba yipal kꞌael ta yilel te Sjun Diose jaꞌ te jich ya yale: “Ikꞌot bael ta milel jich tutꞌil jkojt karnera te ba ya xmilote. Jicha kꞌot tutꞌil jkojt chꞌin yal karnera te makꞌ xꞌokꞌ te kꞌalal ya xjoxbot stsotsile, jich ma kꞌopoj euk.

1 Corintios 15:3

Te tut nail a kaꞌbeyex anaꞌike, jaꞌ te tutiꞌ yaꞌbelon jnope. Jaꞌ a kakꞌ anoptalanik te Cristoe cham ta skaj jmultik, jich tutꞌil ya yal te Sjun Diose.

2 Corintios 5:21

Te Cristoe maꞌyuk a sle smul stukel. Pero joꞌotik ta jkajtik, te Diose la yaꞌbe skuch te jmultike, yuꞌun jich ta skuenta Cristo ya xkolotik yuꞌun te jmultike.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Gálatas 3:13

Te Cristoe jaꞌ a yakꞌotik ta libre yuꞌun te kastigo yuꞌun te mantaliletike. Yuꞌun stukel a slajinbe jilel skꞌoplal te chꞌayel ya xbootike. Porke te Sjun Diose ya yal: “Chꞌayel ya xbajt spisil te machꞌa jokꞌol ya xcham ta teꞌe”, xchi me.

1 Timoteo 2:6

Porke te Jesucristoe la yakꞌ sba entregal ta milel yuꞌun la stojbe stojol skolel ta spisil, jich tutꞌil te albil skꞌoplal te kꞌalal la sta skꞌaalele.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 1:3

Stukel yichꞌojbey stsaꞌamul slekil te Diose, sok jaꞌ mismo ya yakꞌ ta naꞌel tut yilel te Diose. Ta skuenta skꞌop te bayal spodere, jaꞌ te yipajtesej spisil te tutik aye. Ta patil te la spokotik yuꞌun te jmultike, la snajkan sba ta chꞌulchan ta sbatsꞌil te ba nakal te Diose.

Hebreos 2:17

Y jaꞌ yuꞌun te puersa pajal a kꞌot sok spisil te yijtsꞌinabe. Jich statal saserdote kꞌot ta stojol Dios te jun yoꞌtan y lek yoꞌtane, yuꞌun jich la xchꞌaybe smulik te genteetike.

Hebreos 9:28

jich euk jun nax buelta la yakꞌ sbaix ta milbil smajtan Dios yuꞌun ta xchꞌaybeyel smul bayal genteetik. Patil ya xchiknaj tal ta xchaꞌmelal. Ma yuꞌunuk ya xtal xan ta xchꞌayel mulil, sino ke yuꞌun ya skoltay te machꞌatik ayik ta smaliyele.

1 Pedro 1:19

sino ke jaꞌ te stsaꞌamul xchꞌichꞌel te Cristoe te la yichꞌ akꞌel ta milbil majtanil, jachik tutꞌil jkꞌojt karnera te limpio aye.

1 Pedro 2:24

Te Cristoe jaꞌ a yichꞌ bael te jmultike ta stiꞌbalul te ba kruse. Yuꞌun jich me a laj jilel skꞌoplal a te mulile, sok ya xkuxuyinotik bael ta spasel te tut leke. Te Cristoe ejchentesot yuꞌun jich me a lekubex a te jaꞌexe.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.

1 Juan 2:2

Te Jesucristoe la yakꞌ sba ta smajtan Dios yuꞌun jich la spasbelotikix perdon yuꞌun te jmultike. Y ma joꞌukotik nax, sino ke ta spisil te machꞌatik ayik ta balmilal.

1 Juan 3:5

Te jaꞌexe anaꞌojikix te Jesucristoe tal ta balmilal yuꞌun tal xchꞌay te muliletike. Sok anaꞌojik te maꞌyuk smul stukele.

1 Juan 4:10

Jich ya xchiknaj te kꞌuxul-oꞌtanile: Jaꞌ te ma joꞌukotik kꞌux a kaꞌitik te Diose, sino ke kꞌux a yaꞌiyotik stukel. Sok la stikon tal te Xnichꞌan yuꞌun la yakꞌ ta milbil majtanil, yuꞌun jich perdonado ya xjil te jmultike.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Apocalipsis 12:11

Te kermanotaktike la tsalikix jilel ta skuenta xchꞌichꞌel te la smal te Chꞌin Karnerae, y sok ta skuenta te skꞌop Dios te la yalik ta jamale. Maꞌ xiꞌik yuꞌun teme ya xlaj xkuxlejalik aye, sino ke spꞌejel yoꞌtanik la yakꞌ sbaik ta milel.

Apocalipsis 13:8

Te chanbalam to te xiꞌbentik sbae ichꞌot ta jkuenta yuꞌun spisil te machꞌatik ayik ta balmilale. Jaꞌ te machꞌatik ma tsꞌibabiluk sbiilik ta sjunal kuxlejal yuꞌun te Chꞌin Karnera te la yichꞌ milele. Te sjunal kuxlejale, jaꞌ te jun te la yichꞌ tsꞌibayel desde pas te balmilale.

Apocalipsis 14:1

La kil te chꞌin karnerae, te kotol te ba ay te wits Sione. Sjoyinej te siento kuarenta y kuatro mil ta jtul genteetike te yichꞌojlan tsꞌibayel ta stiꞌsbaik te sbiil te Chin Karnera y sok te State.

Apocalipsis 14:10

ya me yichꞌ te tulan kastigo yuꞌun Dios, te jich chapalix te maꞌyuk skꞌap te ayix ta yawil yuꞌun te kastigo yuꞌun Diose. Y ya me xꞌaꞌbot kꞌaxuk bayal swokolik ta kꞌajkꞌ y sok asufre ta stojol te chꞌul angeletik y sok te Chꞌin Karnerae.

Apocalipsis 14:4

Jaꞌ to jaꞌlan te machꞌatik te maꞌ yixlan sbaik sok antstike yuꞌun maꞌyuk tutꞌi spasik sok. Jaꞌ te machꞌatik stsꞌakliyejik te Chꞌin Karnera te bayuk ya xbajte. Laj kolik lokꞌel ta yolil te genteetik jachik tutꞌil primero smajtan Dios y sok yuꞌun te Chꞌin Karnerae.

Apocalipsis 15:3

Ya skꞌayojinik te skꞌayoj jMoises te yaj-aꞌtel Dios y sok te skꞌayojil te Chꞌin Karnerae. La yalik: “Lom mukꞌ y kꞌax lom tsaꞌam ta spisil te tutiꞌ apasoje, Kajwaltik Dios te spisil ya xjuꞌ awuꞌune. Toj y batsꞌi jich te beetik awuꞌune, jaꞌat ajwalilat yuꞌun te nasionetike.

Apocalipsis 17:14

Ya me yaꞌbe sbaik sok ta skontrainel te Chꞌin Karnerae, pero te Chin Karnerae ya me stsaltalan. Porke jaꞌ stukel Ajwalil yuꞌun te ajwaliletike y Rey yuꞌun te reyetike. Y te machꞌatik ay ta skuentae jaꞌ ikꞌtalanbil y tꞌujtalanbil yuꞌun Dios y jun yoꞌtanik ta stojol —xchi.

Apocalipsis 19:7

Junuk koꞌtantik sok ayuk me sbujts koꞌtantik te ya kalbetik te slekilale. Porke la staix yorail te nujpunel yuꞌun te Chꞌin Karnerae. Te machꞌa ya xnujpun soke chapalix.

Apocalipsis 19:9

Te ángele la yalbon: —Tsꞌibaya to: “Ben tsaꞌam slekilik te machꞌatik ikꞌtalanbil ta kꞌin yuꞌun nujpunel yuꞌun te Chꞌin Karnerae” —xchi. Sok la yal xan: —Te kꞌopetik to batsꞌi jich yuꞌun te Diose —xchi.

Apocalipsis 21:14

Te smakteꞌal ton te mukꞌul jtejklume ay yichꞌoj lajchayeb tonetik yuꞌun yiptajib, te teꞌ tsꞌibabil sbiilik a te lajchaytul apostoletik yuꞌun te Chꞌin Karnerae.

Apocalipsis 21:27

Pero ma xjuꞌ ya xꞌoch teꞌa te tut ma lekuke, ni ma xjuꞌ ya xꞌoch teꞌa te machꞌatik ya spasik te tut ma tsaꞌamuke sok te jloꞌlawanejetike. Jaꞌ nax ya xꞌoch teꞌa te machꞌatik ay tsꞌibabil sbiilik te ba libro yuꞌun kuxlejal yuꞌun te Chin Karnerae.

Apocalipsis 21:9

Tal jtul ta sjuktulul te angeletike te yichꞌojik te jukeb basoetik te nojel ta jukkaj te último tulan wokoletike. Y la yalbon: —Laꞌ. Ya kakꞌ awil te achꞌix te ya xnujpun sok te Chin Karnerae —xchi.

Apocalipsis 5:6

Y la kil jkojt Chꞌin Karnera teꞌ ta yolil te mukꞌul naktajibale, y te chaneb te tutik kuxajtike, y ta yolil te machꞌatik lom mamalikixe. Teꞌ kotol a, aunke milbil yilel. Ay jukeb xulbal y jukeb sit. Jaꞌ te jukeb Espirituetik yuꞌun Dios te tikonlanbil ta spisil balmilale.

Apocalipsis 5:8

Te kꞌalal la yichꞌ te balbil june, te chaneb te tutik kuxajtike y sok te beintikuatro ta jtul te lom mamalikixe la skejan sbaik ta sit te Chꞌin Karnerae. Te spisilik ay yarpaik, y yichꞌojik sbasoik pasbil ta oro nojel ta pom, te jaꞌ skꞌopik ta skꞌoponel Dios te machꞌatik yuꞌunik te Diose.

Apocalipsis 6:1

Te nax a la kil te kꞌalal te Chꞌin Karnerae la xchꞌiꞌ te primero ta sjukebal te seyoetike, y la kaꞌiy te jtul te ta xchanebal te tut kaxajtik tulan la yal ta kꞌop te pajal sok te ay tut ya xtꞌome: —Laꞌ —xchi.

Apocalipsis 6:16

Y ya yalbeyik te witstikil y sok te latsꞌ-tontikile: “Tꞌuxajanik tal ta jbajtik y nakꞌaotik ta sit te machꞌa nakal ta mukꞌul naktajibale y sok te kastigo ya yakꞌ te Chꞌin Karnerae.

Apocalipsis 7:14

La kalbe: —Jaꞌat anaꞌoj, kajwal —xkut. Y jich a yalbon: —Jaꞌlan to te machꞌatik te kꞌaxemik tal ta tulan wokole. Jaꞌlan te machꞌatik sakꞌojik te skꞌuꞌ-spakꞌike y jaꞌ sakutesojik a te xchꞌichꞌel te Chꞌin Karnerae.

Apocalipsis 7:17

Porke te Chꞌin Karnerae, te teꞌey ba yolil te mukꞌul naktajibale, ya skanantaylan jachik tutꞌil ya yichꞌ kanantayel te karneraetike. Y ya yikꞌtalan bael te ba lokꞌi-jaꞌ yuꞌun te kuxlejale. Y Dios ya skustalanbot yuꞌun spisil te yaꞌlel sitike —xchi.