Hechos 9:6 - Nuevo Testamento Tzeltal de Amatenango

⁶ Jich te Sauloe ben xꞌaꞌbot sik yuꞌun xiꞌel. La yal: —Kajwal, ¿tut ya skꞌan awoꞌtan te ya jpase? —xchi. Y albot yuꞌun te Kajwaltike: —Jajchan y ochan bael te ba jtejklume. Teꞌ me ya yalbelat a te tut ya skꞌan ya apase —xꞌutot.

Bible in Tzeltal Bachajón

⁶ Hahch ta nihquel soc ta xiwel te Saulo, hich la yal: Cajwal, ¿bin yac ac'an ya jpas? xchi. Hahchan, ochan bahel ta pueblo, tey ya xc'ohat ta halbeyel a te bin ya sc'an yac apas, xchi te Cajwaltique.

Bible in Tzeltal de Oxchuc y Tenejapa

⁶ Te Saulo jajch' ta nijq'uel yu'un xiwel. Jich la yal: —Cajwal, ¿bila ya sc'an awo'tan te ya jpase? —xi'. La yal te Cajwaltique: —Jajch'an, ochan bael ta lum. Tey me ya xc'o awich' alel a te bila ya sc'an ya apase —la yut.

Hechos 9:6 ပူးပေါင်းရင်းမြစ်များ

San Mateo 19:30

Pero te machꞌatik nail a talike, jaꞌ me patil ya xlaj kꞌot. Y bayal te machꞌatik patil ya xlaj tale, jaꞌ me nail ya xlaj kꞌot —xchi.

San Lucas 3:10

Jich te genteetike la sjojkꞌoyik: —¿Tut ya skꞌan ya jpastik tem jiche? —xchiik.

Hechos 10:22

Te winketike la sjakꞌik: —Jaꞌ stikonejotik tal te statal soltaro te jCornelio sbiile te toj ta winikile. Xchꞌuunej Dios, sok te ben kꞌanbil yuꞌun te juriyoetike. Jtul chꞌul ángel yuꞌun Dios a albot yuꞌun te ya stikonat ta ikꞌel, yuꞌun te ya xbaat ta snae. Yuꞌun jich me ya yaꞌibe sluwar te tut ya awalbeye —xchiik.

Hechos 10:32

Jaꞌ yuꞌun tikona tal ta ikꞌel te Simon te jPedro te xꞌalbote, te ay ta jtejklum Jopee, te smajanejbe sna te jtul xan Simon te jkꞌaꞌutesej-nujkul te ay sna ta tiꞌmare”, yuton.

Hechos 10:6

Jaꞌ smajanejbe sna te jtul xan Simon te jkꞌaꞌutesej-nujkule te ay sna ta tiꞌmare. Stukel me ya yalbeyat te tut ya skꞌan ya apase —xchi te chꞌul ángele.

Hechos 2:37

Te kꞌalal la yaꞌiyik te machꞌatik te tsobolik ae, lom kꞌux a yaꞌiyik kꞌot kꞌalal ta yoꞌtanik, y la sjojkꞌobeyik te jPedroe y sok te yanetik xan apostoletike: —Kermanotak, ¿tut lek ya skꞌan jpastik? —xchiik.

Hechos 22:10

Te joꞌone la jojkꞌobe “¿Tut skꞌan ya jpas, Kajwal?” xkut. Y te Kajwaltike la yalbon: “Jajchan, pasa seguir te ya xbaat ta Damascoe. Teꞌ me ya xkꞌo yalbelat a spisil te tut ya skꞌan ya apase”, xyut.

Hechos 26:16

Pero jajchan, tekꞌlan. Porke la kakꞌ jba ta ilel ta atojol yuꞌun ya xtuunat kuꞌun. Yuꞌun jaꞌat testigo ya xkꞌoat te tut la awil te ora to y sok te tut ya awil xan ta jkuentae.

Hechos 9:5

Te Sauloe la sjojkꞌobe: —¿Machꞌaat a Kajwal? —xchi. La sjakꞌ te machꞌa xkꞌopoje: —Joꞌon Jesuson, jaꞌ mismo te machꞌa yipalat ta yilbajinele. Jaꞌat mismo ya awilbajin aba jich tutꞌil te wakax te ya stꞌim ta tekꞌel te tut ya stojutesot ae —xchi.

Romanos 10:20

Sok la yaꞌbon jnaꞌ xan te Isaiase: “Te machꞌatik makꞌ sleikone ya me staikon, y ya me kakꞌ jba ta ilel yuꞌun te machꞌatik makꞌ sjojkꞌoyikone”, xchi me.

Romanos 10:3

Yuꞌun ma kꞌoemuk ta yoꞌtanik te tutꞌil Dios ya skoltay yuꞌun smul te winketike. Y jaꞌ yuꞌun jaꞌ ya sleik te skolelik ta skuenta nax te tut ya xjuꞌ ya spasike. Ma jaꞌuk ya yakꞌik ta jkuenta te tut yalojbe skꞌoplal te Diose.

Romanos 5:20

Tal te mantaliletik yuꞌun la sbayaltes te mulile. Pero te kꞌalal bayale te mulile, Dios a yakꞌ xan ta ilel ta mas te slekil yoꞌtane.

Romanos 7:9

Ay jun tiempo te ma kꞌoemuk ta koꞌtan te mantaliletike. Jich kuxulon te joꞌone. Pero te kꞌalal tal te mantaliletike, kux te mulile y chamon.

Filipenses 2:12

Jaꞌ yuꞌun, kermanotak te ben kꞌuxex ta koꞌtane, jich tutꞌil la achꞌuunbikon jmantal sil tiempo te kꞌalal joyinejex to aye, te ora to, aunke lom jakal ayon, jich me mas ya skꞌan ya achꞌuunbikon te jmantale. Oꞌtaninaik me te akolelike, xiꞌaik me, nijkꞌuk me te awoꞌtanike.

Santiago 4:6

Pero Dios ya skoltayotik ta mas sok te slekil yoꞌtane. Yuꞌun jich ya yal te Sjun Diose: “Dios skontrainej te machꞌatik ya stoy sbaike, pero te machꞌatik chꞌunulike, ya skoltay ta slekil yoꞌtan”, xchi me.