Hechos 9:2 - Nuevo Testamento Tzeltal de Amatenango

² y la skꞌanbe junetik te ya xkꞌo yaꞌbe te machꞌatik ay ta skuenta te sinagogaetik te ay ta jtejklum Damascoe, yuꞌun ya xba sle te machꞌatik stamojik te achꞌ bee, winik o ants, y ya yikꞌtalan bael ta prexo ta Jerusalen.

Bible in Tzeltal Bachajón

² la sc'an bahel cartahetic ta sinagogahetic ta Damasco, scuenta yu'un teme ya sta winic o ants te ay ta scuenta te Be ini, ya yic'ticlan talel ta chuquel ta Jerusalén.

Bible in Tzeltal de Oxchuc y Tenejapa

² La sc'anbey carta te ya xc'o yac'bey te mach'atic swentainejic te sinagogaetic ta bay lum Damasco, swenta yu'un jich me ya sle te mach'atic xch'uunejic te yach'il nopjibale, chican teme winiquetic o antsetic, te jich me chucul ya yic' tel ta Jerusalén.

Hechos 9:2 ပူးပေါင်းရင်းမြစ်များ

San Mateo 10:17

Ila me abaik yuꞌun te genteetike, yuꞌun ya me yakꞌex ta skꞌab te juꞌeletike, sok ya me awichꞌik majel ta sinagogaetik,

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

Hechos 18:25

Sok snaꞌojix tutꞌil ay ta chꞌuunel te Kajwaltike y ben jun yoꞌtan ya xkꞌopoj. Tsꞌakal ya yakꞌ ta nopel te tutꞌil ay skꞌoplal te Jesuse, aunke jip nax ya snaꞌbe sluwar a te tutꞌil ay te ichꞌjaꞌ te la yakꞌ te Juane.

Hechos 19:23

Te tiempo abi lijk bayal kꞌop ta jtejklum Efeso ta skꞌaj te lekil achꞌ be yuꞌun te Jesuse.

Hechos 19:9

Pero ay machꞌa lom tulan a yakꞌ sbaik, ma skꞌan a xchꞌuunik. Ta sit te gentee lijk sbol-kꞌoptayik te lekil achꞌ be yuꞌun te Jesuse. Jich te jPabloe la spit sba bael te ba ayike, la yikꞌ bael te hermanoetik te ba eskuela yuꞌun te Tirano sbiile. Teꞌ yalulan jujun kꞌaal a te skꞌop Diose.

Hechos 24:14

Pero te tut ya kal ta jamale jaꞌ te jchꞌuunej te Dios yuꞌun te jmeꞌ-jtate, jaꞌ te lekil achꞌ be te ma lek ta chꞌuunel ta skꞌopike, porke jchꞌuunej spisil te tut tsꞌibabil jilel ta mantaliletik sok ta sjun te jꞌalwanejetik yuꞌun te Diose.

Hechos 24:22

Kꞌalal te Felix la yaꞌiy te jich aye, yuꞌun lom lek albil te tutꞌil ay te lek achꞌ be yuꞌun te Jesuse, jich a xkejchan jilel ta xchapel te kꞌope. Y la yaltalanbe: —Te kꞌalal ya xtal te statal soltaro jLisiase, ya jojkꞌobe tutꞌil ay te kꞌop awuꞌunike —xyut.

Hechos 26:10

Y jich a jpas ta Jerusalen. Ta orden yuꞌun te stataletik yuꞌun te saserdoteetike la kotses ta prexo bayal hermanoetik te xchꞌuunejik te Jesuse. Y te kꞌalal ya smilike, akuerdo ayon ekꞌa.

Hechos 26:12

“Te tutꞌil jich jnopoje, boon ta jtejklum Damasco. Aꞌbilon kaꞌtel y tikonbilon bael yuꞌun te stataletik yuꞌun te saserdoteetike.

Hechos 6:9

Pero ay machꞌatik ay ta skuenta te sinagogae te sbiilinej te “Mosoetik te Kolemikix ta Libree”, sok ay machꞌatik talemik ta jtejklum Cirene sok ta Alejandria sok ta Cilicia sok ta jun estado yuꞌun Asia. Lijkik ta kꞌop sok te jꞌEstebane,

Hechos 7:19

Te rey to lijk sloꞌlay te jtsꞌumbaltike y la yilbajin te antibo jmeꞌ-jtatike. La spastalan obligar te ya xchꞌojtalanik lokꞌel ta snaik te yuntikilik te ya xlaj ayine yuꞌun te ya xlaj cham a.

Hechos 9:14

Y te ora to jaꞌ talemix liꞌye yuꞌun tulan albil tal yuꞌun te stataletik yuꞌun saserdoteetike te ya yikꞌ bael ta prexo spisil te machꞌatik ya staik ta alel te stsaꞌamul te abiile —xchi.

Hechos 9:21

Spisil te machꞌatik la yaꞌiyike lom cham a yaꞌiyik y la yalik: —¿Me ma jaꞌuk tsꞌin to te ya yilbajinlan te machꞌatik ya staik ta alel te stsaꞌamul te sbiil te Jesus te aylan ta Jerusalene? ¿Me ma wan jaꞌuk mismo talem yuꞌun liye te ya xchuktalan bael te hermanoetik sok te ya xba yakꞌ entregal ta stojol te stataletik yuꞌun te saserdoteetike? —xchiik.

2 Corintios 11:32

Te kꞌalal ayon ta Damascoe, te gobierno te ay ta aꞌtel yuꞌun te rey Aretas la yakꞌ ta kanantayel te puertaetik yuꞌun te mukꞌul jtejklume, yuꞌun ya me stsakikon bael.

Gálatas 1:17

ni ma ba jojkꞌoy ta Jerusalen te ba ay te apostoletik te nail kuꞌune. Ma jichuk, sinoke boon ta estado yuꞌun Arabia. Patil sujton tal ta Damasco.