Hechos 9:16 - Nuevo Testamento Tzeltal de Amatenango

¹⁶ Joꞌon me ya kaꞌbe snaꞌ spisil te tutik swokolil ya sta ta jkuentae —xchi.

Bible in Tzeltal Bachajón

¹⁶ Ya ca'be sna' te ya me xc'ax bayel swocol ta scuenta te jbihile, xchi.

Bible in Tzeltal de Oxchuc y Tenejapa

¹⁶ Jo'on ya me cac'bey sna' stojol spisil ta jchajp swocol te ya sta ta jwentae —xi'.

Hechos 9:16 ပူးပေါင်းရင်းမြစ်များ

San Mateo 24:9

“Ya me yakꞌelex ta utel sok ya me yakꞌelex ta milel. Ya me awichꞌik pꞌajel yuꞌun spisil genteetik joꞌon ta jkaj.

San Mateo 5:11

“Ben me tsaꞌam alekilik teme ya sbolkꞌoptayexe, sok teme ya yilbajinelexe, sok teme ma tsaꞌamuk akꞌoplalik ta lot yuꞌun te genteetike teme joꞌon ta jkuentae.

San Juan 15:20

Naꞌik me te tuti kalbeyexe: “Ni jtuluk aj-aꞌtelil te mas mukꞌ yuꞌun te yajwale”, xchon me. Teme ya stenikon te joꞌone, jich euk te jaꞌexe ya me stenelex. Y teme la yakꞌik ta jkuenta te jkꞌope, jich euk te jaꞌexe ya me yakꞌik ta jkuenta te tut ya awalike.

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

Hechos 21:11

Kꞌot te ba ayotike. La yichꞌbe te sinturon jPabloe, la xchuk yokꞌ skꞌab a, y la yal: —Te Chꞌul Espiritue ya yal: “Te yajwal sinturon to jich ya xkꞌo chukek yuꞌun te juriyoetik te ba Jerusalene. Sok ya xꞌakꞌot entregal ta skꞌab jyanlumetik”, xchi me —xchi te jꞌAgaboe.

Hechos 21:13

Pero te jPabloe la sjakꞌ: —¿Tuꞌun te ya xꞌokꞌexe te ya awaꞌbikon yajtal koꞌtane? Te joꞌone dispuesto ayon a teme chukel o milel ya xkꞌo jta ta Jerusalen, teme jaꞌ ta skaj te Kajwaltik Jesuse —xchi.

Hechos 21:4

Teꞌ kꞌo jtajtik hermanoetik a, y la joyintik jukeb kꞌaal. Te hermanoetike altalanbot yuꞌun te Espiritue te ya yalbeyik te jPabloe te manchuk ya xbajt ta Jerusalene.

Hechos 9:14

Y te ora to jaꞌ talemix liꞌye yuꞌun tulan albil tal yuꞌun te stataletik yuꞌun saserdoteetike te ya yikꞌ bael ta prexo spisil te machꞌatik ya staik ta alel te stsaꞌamul te abiile —xchi.

Hechos 9:6

Jich te Sauloe ben xꞌaꞌbot sik yuꞌun xiꞌel. La yal: —Kajwal, ¿tut ya skꞌan awoꞌtan te ya jpase? —xchi. Y albot yuꞌun te Kajwaltike: —Jajchan y ochan bael te ba jtejklume. Teꞌ me ya yalbelat a te tut ya skꞌan ya apase —xꞌutot.

2 Corintios 6:4

Yuꞌun ta skuenta spisil ya jpastike, ya kaꞌbetik yilik te joꞌotik yaj-aꞌtelotik te Diose. Jich jun koꞌtantik ya me xkujch kuꞌuntik te ilbajinele, sok te tutik ay maꞌyuk kuꞌuntike, sok spisil te jwokoltike,

1 Tesalonicenses 3:3

Yuꞌun jich ni jtuluk te jaꞌexe ya xchebaj yoꞌtan yuꞌun te tutꞌil ayex ta ilbajinel a. Yuꞌun jaꞌex mismo ya anaꞌik te puersa ya xkꞌax jwokoltik,

2 Timoteo 1:12

Jaꞌ yuꞌun te ay jwokol ta ora to. Pero makꞌ me xkꞌexawon yuꞌun, porke te joꞌone jnaꞌoj machꞌa a te smukꞌulinej koꞌtane, y seguro ayon te stukel ay spoder yuꞌun ya skꞌejbon te tutꞌil yakꞌojbone, jaꞌ to te tut kꞌaalil te ya xchaꞌtal xane.

2 Timoteo 3:11

sok te ikꞌtinele y sok te wokoletike. Anaꞌoj spisil te tutiꞌ spasbelon ta Antioquia, ta Iconio y ta Listra sok te ikꞌtinel te kꞌax jwokol yuꞌune. Pero te Kajwaltike la yakꞌon ta libre ta spisil.

1 Pedro 4:14

Ben tsaꞌam alekilik teme ay machꞌa ya yixta-kꞌoptayex teme jaꞌ ta skꞌaj te Cristoe. Porke te slekilal te Espíritu yuꞌun Diose ay me ta atojolik te jaꞌexe.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.