Hechos 8:9 - Nuevo Testamento Tzeltal de Amatenango

⁹ Pero ay jtul winik teꞌa Simon sbiil te snopoj uulil te nailtoe, sok te sloꞌlayej te gente yuꞌun Samariae yuꞌun ya yal te stukel ben tulane.

Bible in Tzeltal Bachajón

⁹ Pero ay jtuhl winic, Simón sbihil, te ya'telinej spasel seña tey ta pueblo soc slo'loyejix te ants-winiquetic ta Samaria, yu'un la scuy sba ta muc' sc'oblal.

Bible in Tzeltal de Oxchuc y Tenejapa

⁹ Ja'uc me to, ay jtul winic tey a te Simón sbiil te la yat'elin spasel mágia ta neelal ta bay te lume. Jich lo'laybilic yu'un te samariaetique, yu'un muc' scuyoj sba tey a.

Hechos 8:9 ပူးပေါင်းရင်းမြစ်များ

San Juan 7:18

Te machꞌa stukel nax ya snop te tut ya yale, jich ya spas yuꞌun ya skꞌan akꞌel ta jkuenta yuꞌun te gentee. Yan teme jaꞌ ya skꞌan ya yakꞌ ta akꞌel ta jkuenta te machꞌa tikonbil tal yuꞌune, batsꞌi jich te tut ya yale sok maꞌyuk loꞌlawanej ta yoꞌtan.

Hechos 13:6

La yokliyik spisil te slum Chipre te joybil ta mare, asta laj kꞌot ta jtejklum Pafos. Teꞌ staik jtul jꞌakꞌ-chamel te jBarJesus xꞌalbote, te jaꞌ jloꞌlawanej te ya yal te jꞌalwanej yuꞌun Dios ta skꞌope.

Hechos 13:8

Pero te jꞌakꞌchamele, te jꞌElimas sbiil ta griego-kꞌope, la skontrain te jBernabe sok te Sauloe. La xchebal-kꞌoptay te gobiernoe te manchuk ya xchꞌuune.

Hechos 5:36

Naꞌaik me te ay jich kꞌot ta pasel te nameye, te ay jtul winik Teudas sbiil te la yal te ay tulan yichꞌoj yaꞌtele. Y ay wan kuatro sien ta jtul winketik a stsꞌakliyik. Pero te winik abi milot. Y te machꞌatik stsꞌakliyeje laj pujke bael y teꞌ kꞌo chꞌayuk spisil a.

Hechos 8:11

Y yakꞌojik ta jkuenta yuꞌun bayalix tiempo te sloꞌlaylanej yuꞌun te tut ma tsaꞌamuk snopoje.

2 Tesalonicenses 2:4

Jaꞌ te machꞌa to jaꞌ ya xlijk skontrain spisil te tutik skuenta te Diose sok spisil te tut chꞌuuntaybile. Y ya xkꞌo snajkan sba ta naktajibal ta templo yuꞌun te Diose, sok ya me yal sba te stukel Diose.

2 Timoteo 3:2

Te winketike stukel nax lek ya skꞌan sbaik, sok ya me xbikꞌtaj yoꞌtanik yuꞌun te takꞌine, sok ya me stoy sbaik y lom mukꞌ me ya yakꞌ sbaik. Ya me stoyba-kꞌoptayik te Diose, sok ma xchꞌuunbe smantal smeꞌ-statik. Ma me snaꞌik yalel kola yal y maꞌyuk tut ya xchꞌuunik.

2 Timoteo 3:5

Batsꞌi xchꞌuunejik Dios yilel pero jaꞌ ya xchiknaj a ta skuenta te tut ya spasik te maꞌyuk spoder te sreligione. Ma me xꞌachꞌik aba a sok te genteetik te jich aye.

2 Pedro 2:18

Jaꞌ nax ya yalik te toyba-kꞌopetike y te tut lom naxe. Y kꞌayemik a te ya xloꞌlawanik yuꞌun te tut ya skꞌan spas te stiꞌbalulike. Jaꞌ ya sloꞌlayik te machꞌatik lokꞌelik to tal ta tulan wokol te ba ay te machꞌatik chꞌayemike.

Apocalipsis 22:15

Pero ya me xjilik ta fuera te machꞌatik ma lekuk yoꞌtanike, sok te machꞌatik ya snopik yakꞌel pox ta skuenta pukuje, sok te machꞌatik ya sꞌantsiwejike, sok te machꞌatik ya xmilawanike, sok te machꞌatik ya yichꞌik ta mukꞌ te lotil diosetike, y spisil te machꞌatik ya skꞌupinik spasel te lote.