Hechos 8:3 - Nuevo Testamento Tzeltal de Amatenango

³ Te Sauloe ma laj yoꞌtan ta yilbajinel te hermanoetike. Ya xꞌoch kꞌael ta nanatik y ya xochtalan lokꞌel te winketik sok te antstike, y spisil ya xba yakꞌtalan ta prexo.

Bible in Tzeltal Bachajón

³ Yan te Saulo yac yuts'imbel te iglesia; la yochintay ta jujun na, la stsacticlan loq'uel tal antsetic winiquetic soc la yac'ticlan ta cárcel.

Bible in Tzeltal de Oxchuc y Tenejapa

³ Te Saulo ma ba laj yo'tan ta yuts'inel te jch'uunjeletique. Been ta nanatic. La stsac loq'uel tel te winiquetique soc te antsetique. La yac' ta chucjibal ta spisilic.

Hechos 8:3 ပူးပေါင်းရင်းမြစ်များ

Hechos 16:19

Pero te yajwale la yilik te ma staikix takꞌin ta skuenta a te achꞌixe. La stsakik te jPabloe sok te Silase y la yikꞌik bael ta parke ta stojol te juꞌeletike.

Hechos 22:19

Te joꞌone la kalbe: “Kajwal, snaꞌojik te ya xboilanon ta sinagogaetik te ya xba kikꞌ tal, ya xtal kakꞌ ta prexo te machꞌatik ya xchꞌuunate, y lek ya jmajtalan tal.

Hechos 7:58

La xchechik lokꞌel te ba stiꞌil jtejklume y teꞌ kꞌo yaꞌbeyik ton a. Y te machꞌatik la slebeyik smule la yakꞌik jilel ta kanantayel te skꞌuꞌ-spakꞌike. Jaꞌ skanantaye jilel te jtul soltero te Saulo sbiile.

Hechos 8:2

Te machꞌatik ben jun yoꞌtan xchꞌuunejik te Diose la smukbeyik stiꞌbalul te jꞌEstebane y beno yokꞌetayik.

Hechos 9:21

Spisil te machꞌatik la yaꞌiyike lom cham a yaꞌiyik y la yalik: —¿Me ma jaꞌuk tsꞌin to te ya yilbajinlan te machꞌatik ya staik ta alel te stsaꞌamul te sbiil te Jesus te aylan ta Jerusalene? ¿Me ma wan jaꞌuk mismo talem yuꞌun liye te ya xchuktalan bael te hermanoetik sok te ya xba yakꞌ entregal ta stojol te stataletik yuꞌun te saserdoteetike? —xchiik.

1 Corintios 15:9

Yuꞌun te joꞌone jaꞌ mas pekꞌ ayon yuꞌun te apostoletike. Y ni ma spas te apostol ya yalbelone, porke la jtentalan te hermanoeitk ta stojol Diose.

Gálatas 1:13

Te jaꞌexe awaꞌiyejikix te tut kilel te nail toe te kꞌalal jun ayon sok a te juriyoetike. La jtentalan sok la kilbajinlan te hermanoetik yuꞌun Dios y jnopoj ya jtupꞌbe skꞌoplal.

Filipenses 3:6

Sok te tutꞌil tulan skꞌoplal kꞌoem ta koꞌtane, jich a jtentalan te hermanoetike. Te tutꞌil juꞌem kuꞌun xchꞌuunel te mantaliletike, maꞌyuk machꞌa ya xjuꞌ ya stabon palta.

1 Timoteo 1:13

manchuk me snaꞌoj te la jtoyba-kꞌoptay ta nail toe, sok la jtentalan y la kikꞌtinlan. Pero te Diose la yaꞌbon slekil yoꞌtan ta jtojol, yuꞌun te joꞌon ma to jchꞌuunejuk aye, sok maꞌ jnaꞌ te tutꞌ ayon ta pasele.

Santiago 2:6

Yan te jaꞌexe ya apꞌajik te meꞌbaetike. ¿Meꞌn ma jaꞌuk te jkꞌulejetik te machꞌatik ya spojbeyex te tut ay awuꞌunike? ¿Meꞌn ma jaꞌuk te machꞌatik ya sle amulik te ya yikꞌex bael ta stojol te juꞌeletike?