Hechos 8:1 - Nuevo Testamento Tzeltal de Amatenango

¹ Te Sauloe teꞌey ekꞌa, la yakꞌ sba ekꞌa te milot te jꞌEstebane. Te kꞌaal abi lijk ta jun gran tenel te hermanoetik te ayik ta Jerusalene. Spisilik a pujkejik bael te hermanoetik ta estadoetik yuꞌun Judea sok ta Samaria. Ja xanix a laj jil ta Jerusalen te apostoletike.

Bible in Tzeltal Bachajón

¹ Te Saulo lec la ya'iy te la yich' milel te Esteban. Ta hich ora hahch bayel uts'inel ta stojol te iglesia te ay ta Jerusalén; spisilic puhquic bahel ta sq'uinal Judea soc Samaria, stuquel xanix hil te jpuc-c'opetique.

Bible in Tzeltal de Oxchuc y Tenejapa

¹ Te Saulo lec yo'tan yu'un uuc te laj ta milel te Estebane. Jich ora jajch' ta uts'inel te jch'uunjeletic te ayic ta lum Jerusalene. Spisilic pujq'uic bael ta sq'uinal Judea soc ta sq'uinal Samaria. Ja' xanix jilic ta Jerusalén te jpuc-c'opetique.

Hechos 8:1 ပူးပေါင်းရင်းမြစ်များ

San Mateo 22:6

Te yane la stsakik te jmantaletik yuꞌun te reye, la yilbajinik y la smilik.

San Mateo 23:34

Ja sluwaril te ya jtikonbeyex tal te jꞌalwanejetik sok te machꞌatik ay spꞌijil yoꞌtanike sok te jpꞌijuteswanejetike. Ay ya amilik sok ay ya ajipanik ta krus. Sok ay ya amajik ta sinagogaetik sok ay tojtoj tenel lokꞌel awuꞌunik ta jujun jtejklume.

San Mateo 5:13

“Te jaꞌexe yatsꞌamul kꞌoemex te genteetik ta balmilale. Teme chꞌayix xchiꞌil te atsꞌame, ¿me ya wan xchiꞌub xan? Max tuunix a, ya yichꞌ chꞌojel bael ta be te ba ya xtekꞌulanot yuꞌun te genteetike.

San Juan 15:20

Naꞌik me te tuti kalbeyexe: “Ni jtuluk aj-aꞌtelil te mas mukꞌ yuꞌun te yajwale”, xchon me. Teme ya stenikon te joꞌone, jich euk te jaꞌexe ya me stenelex. Y teme la yakꞌik ta jkuenta te jkꞌope, jich euk te jaꞌexe ya me yakꞌik ta jkuenta te tut ya awalike.

San Juan 16:2

Ya me stenelex lokꞌel ta sinagoga, y ya me sta yorail te machꞌauk ya smilexe, yuꞌun skuyojik te jaꞌ yaꞌtel Dios te ya spasike.

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

Hechos 13:1

Te hermanoetik te ayik ta jtejklum Antioquiae ay jꞌalwanejetik sok maestroetik yuꞌun te skꞌop Diose, jaꞌ te jBernabe, sok Simon te jNegro te jun xan sbiile, sok te jLucio te talem ta jtejklum Cirenee, sok jManaen te pajal a chꞌi sok te jHerodes te och ta gobierno ta Galileae, sok te Sauloe.

Hechos 13:36

Jich te jDavide la yakꞌ sba ta mantaltesel ta stojol te machꞌatik pajal a kꞌax sok ta balmilale, jich te tutꞌil yaloj ta primero te Diose. Y ta patil cham, ba mukek te ba mukul te smeꞌ-state y te stiꞌbalule te kꞌaꞌ a.

Hechos 2:47

La skꞌayojinbeyik slekil te Diose, y ben lek skꞌoplalik yuꞌun spisil te jtejklume. Jujun kꞌaal te Kajwaltike la spꞌoles te hermanoetike, chikan te machꞌatik ya sta skolelike.

Hechos 22:20

Y te kꞌalal milot te awaj-aꞌtel jꞌEstebane te ya yalbeyat akꞌoplale, joꞌon mismo teꞌeyon ekꞌa. Akuerdo ayon ekꞌa te milote, y joꞌon a jkanantaybe skꞌuꞌ-spakꞌ te machꞌatik jmilawetike”, xkut.

Hechos 26:10

Y jich a jpas ta Jerusalen. Ta orden yuꞌun te stataletik yuꞌun te saserdoteetike la kotses ta prexo bayal hermanoetik te xchꞌuunejik te Jesuse. Y te kꞌalal ya smilike, akuerdo ayon ekꞌa.

Hechos 5:18

La stsakik bael te apostoletike y la yotsesik ta prexo te ba jtejklume.

Hechos 5:20

—Baanik. Ban tejkꞌana abaik te ba temploe. Albeyaik te jtejklume spisil te tutꞌil ay te achꞌ kuxlejale —xchi.

Hechos 5:33

Kꞌalal jich a yaꞌiyike, kꞌajkꞌubik yuꞌun y kꞌan smilik.

Hechos 5:40

Spisil te machꞌatik ay yaꞌtele la xchꞌuunik. Jicha yikꞌik ta ochel te apostoletike. La yaꞌbeyik aresial y la skomik te makꞌ yalikix a te skꞌoplal Jesuse. Patil la skolesik bael.

Hechos 7:38

Jaꞌ mismo te jMoises te anin ta yolilik te ba la stsob sbaik ta jojchol tꞌantꞌan luwar te israeletike, sok te kꞌoponot yuꞌun te chꞌul ángel ta Wits Sinai y sok te antibo jmeꞌ-jtatike. Y stukel a aꞌbot tal te kꞌop yuꞌun kuxuyinel te la skꞌasesbotik te joꞌotike.

Hechos 7:54

Kꞌalal la yaꞌiyik te tuti yal te jꞌEstebane, lijk slaꞌ-yoꞌtanik yuꞌun, y la xkꞌuxuxan yeik ta skontrainel te jꞌEstebane.

Hechos 7:58

La xchechik lokꞌel te ba stiꞌil jtejklume y teꞌ kꞌo yaꞌbeyik ton a. Y te machꞌatik la slebeyik smule la yakꞌik jilel ta kanantayel te skꞌuꞌ-spakꞌike. Jaꞌ skanantaye jilel te jtul soltero te Saulo sbiile.

Hechos 8:14

Kꞌalal la yaꞌiybeyik sluwar te apostoletik te ayik ta Jerusalene te la xchꞌuunikix skꞌop Dios te samariaetike, la stikonik bael teꞌa te jPedroe sok Juane.

Hechos 8:2

Te machꞌatik ben jun yoꞌtan xchꞌuunejik te Diose la smukbeyik stiꞌbalul te jꞌEstebane y beno yokꞌetayik.

Hechos 8:4

Pero te machꞌatik lokꞌik bael ta anel ta Jerusalene lijk yalik te lekil achꞌ kꞌope chikan te ba laj bajte.

Hechos 8:5

Te Felipee bajt ta mero jtejklum yuꞌun Samaria, y lijk yalbe skꞌoplal teꞌa te Cristoe.

Hechos 9:31

Jich te hermanoetik te aylan ta estadoetik yuꞌun Judeae sok ta Galilea y sok ta Samaria ben jun yoꞌtanik yipalik ta pꞌijubel ta skuenta Espíritu. La xchꞌuunik ta lek te Kajwaltike, y koltalanot yuꞌun te Chꞌul Espiritue jich yipalik ta pꞌolel ta mas.

Romanos 1:32

Te machꞌatik jich yaꞌtelik ya snaꞌik te jich yaloj ta smantal te Diose teme jich ya spasik to ya me xꞌakꞌot bael ta lajel yuꞌun. Pero jich ya spasulanik ta sil tiempo asta ben tsaꞌam ya yil te jich ya spas te yane.

Filipenses 1:12

Kermanotak ya jkꞌan ya anaꞌik te tutik kꞌaxemix kuꞌune. Jaꞌa tal yuꞌun te ya xpujk xan ta mas a te skꞌoplal kolele.

Hebreos 11:27

Ta skuenta xchꞌuunel yoꞌtan, te jMoises lokꞌ bael te ba slum Egiptoe. Ni ma xiꞌ yuꞌun teme ya xꞌilin te reye, yuꞌun jaꞌ yipinej yoꞌtan te Diose, te ya sta ta ilel ya yaꞌiy aunke ma chikanuk ta ilele.