Hechos 7:53 - Nuevo Testamento Tzeltal de Amatenango

⁵³ Te jaꞌexe la yaꞌbelexix ta akꞌabik te mantaletik ta skuenta te chꞌul angeletike, pero ma xꞌachꞌuunik —xchi te jꞌEstebane.

Bible in Tzeltal Bachajón

⁵³ ha'ex te awich'ojic te Ley ta scuenta ch'ul a'batetic, pero ma la ach'uhunic spasel, xchi te Esteban.

Bible in Tzeltal de Oxchuc y Tenejapa

⁵³ Te ja'exe, ac'botex ta ac'abic yu'un ch'ul abatetic te mandalile, ja'uc me to, ma la ac'an ach'uunic spasel —xi' te Estebane.

Hechos 7:53 ပူးပေါင်းရင်းမြစ်များ

San Juan 7:19

¿Ma me jaꞌuk te jMoises te la yaꞌbeyex te mantaliletike? Pero ni jtuluk te jaꞌexe ya achꞌuunik. ¿Tut yuꞌun te ya akꞌan ya amilikone? —xchi.

Hechos 7:38

Jaꞌ mismo te jMoises te anin ta yolilik te ba la stsob sbaik ta jojchol tꞌantꞌan luwar te israeletike, sok te kꞌoponot yuꞌun te chꞌul ángel ta Wits Sinai y sok te antibo jmeꞌ-jtatike. Y stukel a aꞌbot tal te kꞌop yuꞌun kuxuyinel te la skꞌasesbotik te joꞌotike.

Gálatas 3:19

Jich yuꞌun, ¿tut xan yes a te mantaliletik te? La yichꞌ akꞌel ta patil yuꞌun ya xchiknates a te ma xchꞌuunikix a te mantal te winiketike, jaꞌ to te tal te stsꞌumbal te Abrahame, te sjapoje te Diose te ya xtale. Te mantaliletike jaꞌ albil ta skuenta te chꞌul angeletike, y te jMoisese jaꞌ a tuun ta skꞌasesel.

Gálatas 6:13

Pero ni ma jaꞌuk a te machꞌatik ya yichꞌ sirkunsision te ya xjuꞌ yuꞌun spasel spisil te tut ya yal te mantaliletike. Jaꞌ nax ya skꞌanik te yauk awichꞌik sirkunsision te jaꞌexe. Yuꞌun jich me ya stoy sbaik te yauk xjuꞌ yuꞌunik te ya sujex ta yichꞌel te amarkaik ta atiꞌbalulike.

Hebreos 2:2

Te nameye tulan skꞌoplal te mantaliletik te Dios a yakꞌ ta skuenta te angeletike, y te machꞌatik mulawike y sok te machꞌatik maꞌ xchꞌuunik mantale akꞌtalanbot kastigo chikan te smulike.