Hechos 6:9 - Nuevo Testamento Tzeltal de Amatenango

⁹ Pero ay machꞌatik ay ta skuenta te sinagogae te sbiilinej te “Mosoetik te Kolemikix ta Libree”, sok ay machꞌatik talemik ta jtejklum Cirene sok ta Alejandria sok ta Cilicia sok ta jun estado yuꞌun Asia. Lijkik ta kꞌop sok te jꞌEstebane,

Bible in Tzeltal Bachajón

⁹ Pero ay mach'atic ayic ta scuenta te sinagoga yu'un te mach'atic libre ayic sbihil, soc te mach'atic talemic ta Cirene, Alejandría, Cilicia soc ta Asia te hahch sten sbahic ta c'op soc te Esteban.

Bible in Tzeltal de Oxchuc y Tenejapa

⁹ Ja'uc me to, ay la stejc'an sbaic jajch'el te mach'atic ayic ta sinagoga te sbiilinejic te Libre Ayique, soc ay mach'atic talemic ta lum Cirene soc ta lum Alejandría soc ta sq'uinal Cilicia soc ta smaquen-q'uinal Asia te jajch'ic ta c'op soc te Estebane.

Hechos 6:9 ပူးပေါင်းရင်းမြစ်များ

San Mateo 10:17

Ila me abaik yuꞌun te genteetike, yuꞌun ya me yakꞌex ta skꞌab te juꞌeletike, sok ya me awichꞌik majel ta sinagogaetik,

San Mateo 23:34

Ja sluwaril te ya jtikonbeyex tal te jꞌalwanejetik sok te machꞌatik ay spꞌijil yoꞌtanike sok te jpꞌijuteswanejetike. Ay ya amilik sok ay ya ajipanik ta krus. Sok ay ya amajik ta sinagogaetik sok ay tojtoj tenel lokꞌel awuꞌunik ta jujun jtejklume.

San Mateo 27:32

Ya to nax xlokꞌik bael a te ba tiꞌil jtejklume, la staik jtul winik te Simon sbiil te Cirene sbiil te slumale. Sujot yuꞌun te soltaroetike yuꞌun ya xkuchbe bael skrus te Jesuse.

San Marcos 13:9

“Ila me abaik te jaꞌexe. Ya me yakꞌelex ta skꞌab te juꞌeletike, y ya me awichꞌik majel ta chꞌulnaetik. Ya me stejkꞌanelex ta sit juꞌeletik sok ta sit gobierno ta skaj te achꞌuunejikone. Jich me kaj-testigoex ya xkꞌoex kuꞌun ta yolilik.

San Lucas 21:12

“Pero te kꞌalal ma to xkꞌot ta pasel a te tuti kale, te jaꞌexe ya me yakꞌelex ta kꞌabal y ya me yilbajinex. Ya me yikꞌelex bael ta ichꞌel ta kꞌop ta sinagogaetik. Sok ya me yotseselex ta prexo y ya me yikꞌelex bael ta stojol reyetik sok gobiernoetik ta joꞌon ta jkaj.

Hechos 11:20

Pero ay hermanoetik te talemik ta slum Chipre sok ta jtejklum Cirene te laj kꞌot ta jtejklum Antioquiae, y lijk yalbeyik te lek achꞌ kꞌop yuꞌun te Kajwaltik Jesus te machꞌatik ma juriyouke.

Hechos 13:1

Te hermanoetik te ayik ta jtejklum Antioquiae ay jꞌalwanejetik sok maestroetik yuꞌun te skꞌop Diose, jaꞌ te jBernabe, sok Simon te jNegro te jun xan sbiile, sok te jLucio te talem ta jtejklum Cirenee, sok jManaen te pajal a chꞌi sok te jHerodes te och ta gobierno ta Galileae, sok te Sauloe.

Hechos 13:45

Pero te juriyoetike la yilik te bayal gente stsoboj sbaike, jaꞌ yuꞌun lijk slaꞌoꞌtantayik, y lijkik ta yalel te ma jichuk te tut ya yal te jPabloe, sok la stoyba-kꞌoptayik.

Hechos 15:23

Jicha aꞌbot ba yichꞌik te karta te jich a yale: “Joꞌotik apostolotik y sok te ansianoetik te awermanotake, xkoltanuk te kermanotaktik te ma juriyouke, te ayik ta jtejklum Antioquia sok ta Siria y sok ta Cilicia.

Hechos 15:41

Kꞌaxik bael ta estado Siria y sok estado Cilicia. Kꞌa yaꞌbeyik spuersa yoꞌtan te juju-tijkꞌ hermanoetike.

Hechos 16:6

Beenik kꞌaxel ta estado Frigia sok ta estado Galacia, porke komot yuꞌun te Chꞌul Espíritu te ya xkꞌa yal skꞌop Dios te ba estado Asiae.

Hechos 18:24

Te tiempo abi kꞌot ta Efeso jtul juriyo-winik te jꞌApolos sbiil te ay slumal ta jtejklum Alejandria. Ben lek xkꞌopoj y ben lek ya snaꞌ yilel te Sjun Diose.

Hechos 19:10

Jich a spasulan cheb jaꞌbil teꞌa, jaꞌ to te la yaꞌibeyikix sluwar skꞌop Dios a spisil te juriyoetike sok euk te griegoetike te ayik ta estado Asiae.

Hechos 19:26

Pero te jaꞌexe awilojikix y awaꞌiyejikix te jPablo xꞌalbote yipal ta yalel te ma jaꞌuk diosetik te pasbil ta skꞌab winketike. Y jich a yakꞌ kꞌotukix ta yoꞌtanik bayal te gentee, ma jaꞌuk nax liꞌ ba Efesoe, kasi jich euk ta spisil te estado Asiae.

Hechos 21:27

Pero kꞌalal ya stsꞌakayix a te jukeb kꞌaale, ay juriyoetik te talemik ta estado Asia la yilik te jPablo te ay ta yutil temploe. La slijkesik kꞌop sok te gentee, y la sjumik ta tsakel te jPabloe.

Hechos 21:39

Te jPabloe la yalbe: —Te joꞌone juriyoon. Jaꞌ jlumal te jtejklum Tarsoe te ay ta estado yuꞌun Cilicia, te jun jtejklum te ben tulan skꞌoplale. Pero, awokoluk, aꞌbon permiso te ya jkꞌopon te gente —xchi te jPablo.

Hechos 22:19

Te joꞌone la kalbe: “Kajwal, snaꞌojik te ya xboilanon ta sinagogaetik te ya xba kikꞌ tal, ya xtal kakꞌ ta prexo te machꞌatik ya xchꞌuunate, y lek ya jmajtalan tal.

Hechos 22:3

—Te joꞌone juriyoon. Ayinemon ta jtejklum Tarso ta estado yuꞌun Cilicia. Pero liꞌ chꞌiemon ba Jerusalene. Jaꞌ a spꞌijuteson te jGamaliele, la yaꞌbon jnop te tutꞌil ay te mantaliletik yuꞌun te antibo jmeꞌ-jtatike. Batsꞌi jchꞌuunej te Diose sok spisil koꞌtan, jich tutꞌil ya apasik te ora to te jaꞌexe.

Hechos 23:34

Ta patil te laj skꞌopon te karta te gobiernoe, la sjojkꞌobe te ba talem te jPabloe. Kꞌalal la yaꞌiy te talem ta estado yuꞌun Ciliciae,

Hechos 24:18

Jich yipalon ta spasel a te la staikon ta yutil templo te chaꞌoxtul juriyoetik te talemik ta estado yuꞌun Asiae. Juꞌix kuꞌun te la jlekutes jkꞌoplal ae, y maꞌyuk jtsoboj bayal gente, sok maꞌyukon ta slijkesel kꞌop teꞌae.

Hechos 26:11

Bayal buelta a kilbajinlan yuꞌun jaꞌ ya jkꞌan te puersa ya xchꞌoj jilel te tut xchꞌuunej yoꞌtanike, y jicha jpasulan ta spisil sinagogaetik. Skaj te lijkem bayal slaꞌ-koꞌtan yuꞌunik, jicha ba kilbajinlan ta yanetik jtejklum.

Hechos 6:10

pero ma juꞌ yuꞌunik te ya stsalik ta kꞌope. Porke jaꞌ ya yal te tut aꞌbil spꞌijil yoꞌtan yuꞌun te Chꞌul Espiritue.

1 Corintios 1:20

¿Baꞌay te machꞌa pꞌije? ¿Y baꞌay te maestro yuꞌun te mandariletike? ¿Y baꞌay te machꞌa ya snaꞌ yalel tutꞌil ay bael te balmilale? Dios a sujtesbeyix ta jowil nax te spꞌijil te tut ya snaꞌ liꞌ ba balmilal to.

Gálatas 1:21

Ta patil boon ta estadoetik yuꞌun Siria sok Cilicia.