Hechos 6:7 - Nuevo Testamento Tzeltal de Amatenango

⁷ Te skꞌop Dios pujk bael, y te hermanoetike lom bayal yipal ta pꞌolel te ba Jerusalene. Asta bayal saserdoteetik yuꞌun juriyo la xchꞌuunik euk.

Bible in Tzeltal Bachajón

⁷ Puhc xan ta lec te sc'op Dios soc bayel p'ohl te jnopojeletic ta Jerusalén; soc ay tsobol sacerdotehetic la yich'ic ta cuenta te bin ay ta ch'uhunel.

Bible in Tzeltal de Oxchuc y Tenejapa

⁷ Pujc' te sc'op Diose. Bayal esmaj te jnopojeletic ta bay Jerusalén. Ay tsobol sacerdoteetic te la yac' xch'uunjel yo'tanique.

Hechos 6:7 ပူးပေါင်းရင်းမြစ်များ

San Mateo 19:30

Pero te machꞌatik nail a talike, jaꞌ me patil ya xlaj kꞌot. Y bayal te machꞌatik patil ya xlaj tale, jaꞌ me nail ya xlaj kꞌot —xchi.

San Lucas 2:34

Te mam Simeone la skꞌambe bendision ta stojolik, sok la yalbe te xMaria te smeꞌ te alal Jesuse: —Aꞌiybeya awaꞌi sluwar, ta skuenta te alal to ay me bayal te jꞌisraeletike ya xjim yuꞌun, y ay me bayal ya xtojob yuꞌun. Te alale jaꞌ seña yakꞌoj Dios te bayal machꞌa ya xpꞌajot yuꞌune.

San Juan 12:42

Pero bayal juriyoetik la xchꞌuunik te Jesuse sok ay a xchꞌuunik euk te statal yuꞌunike. Pero ma xyal sbaik ta jamal yuꞌun ya xiꞌik te fariseoetik yuꞌun jich makꞌ xtenot lokꞌel a te ba sinagogae.

Hechos 12:24

Pero te skꞌop Diose pujk bael ta alel ta bayuk nax y mukꞌub.

Hechos 13:8

Pero te jꞌakꞌchamele, te jꞌElimas sbiil ta griego-kꞌope, la skontrain te jBernabe sok te Sauloe. La xchebal-kꞌoptay te gobiernoe te manchuk ya xchꞌuune.

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

Hechos 19:20

Jicha pujk xan ta mas te skꞌop Kajwaltike, y la yakꞌ xan ta ilel te spodere.

Hechos 2:47

La skꞌayojinbeyik slekil te Diose, y ben lek skꞌoplalik yuꞌun spisil te jtejklume. Jujun kꞌaal te Kajwaltike la spꞌoles te hermanoetike, chikan te machꞌatik ya sta skolelike.

Hechos 21:20

Te kꞌalal la yaꞌiybeyik sluware, la yalbeyik kolayal Dios yuꞌun, y la yalbeyik te jPabloe: —Lek ay, hermano Pablo, la awilix te ay bayal ta jmil juriyoetik te xchuꞌuunejikix te Jesuse, y spisilik tulan skꞌoplal ta yoꞌtanik te puersa ya skꞌan chꞌuunel te mantaliletik yuꞌun jMoisese.

Hechos 6:1

Te tiempo abi yipal ta bayalubel te hermanoetike. Te machꞌatik xkꞌopoj ta griego lijk yaꞌbiyanik te machꞌatik xkꞌopoj ta hebreoe. Ya yalik te griega meꞌba antstike ma kꞌuxutaybiluk lek yuꞌun makꞌ xꞌaꞌbot lek sweꞌelik te jujun kꞌaale.

Romanos 1:5

Ta skuenta te Jesucristoe, Dios la yaꞌbonix ta majtanil te ya xꞌochon ta apostol yuꞌune, yuꞌun ta spꞌejel balmilal ayuk machꞌa ya xchꞌuun te Jesucristoe.

Romanos 16:26

Pero te ora to la yakꞌix ta naꞌel te tut stsꞌibayej jilel te jꞌalwanejetike, jich tutꞌil te smantal Dios te sbajtel kꞌinal aye. Te tut snopoj ta yoꞌtan te Diose la yakꞌix ta naꞌel ta spisil te nasionetike. Yuꞌun jich me ya xchꞌuunik sok ya yakꞌik ta kuenta te Jesucristoe.

Gálatas 1:23

Jaꞌ nax te la yaꞌiyik te ya xꞌalote: “Jaꞌ te machꞌa la stenotik ta nail toe, te ora to yipalix ta yalel te tutꞌil ay skꞌoplal ta chꞌuunel te Cristoe, te nail to kꞌan stupꞌbe skꞌoplale”, xchi te jkꞌoplale.

Gálatas 6:10

Jaꞌ yuꞌun, siluk me tiempo te ya xjuꞌ kuꞌuntike, aꞌ jpastik te tut lek ta spisile. Y mas jaꞌ ta stojol te kermanotaktik te jun nax jchꞌuunejtik sok Diose.

Colosenses 1:6

Jaꞌ te kꞌop to te la awaꞌiyikixe, yipalix ta mukꞌubel y yipal ta sitinel ta bayuk ta spisil balmilal. Jaꞌ pajal sok te kꞌotix ta pasel ta akuentaik te kꞌalal la awaꞌiyik te ya xꞌalot te skꞌuxul yoꞌtan Dios, y la anaꞌikix te batsꞌi jich te skꞌuxul yoꞌtane.

2 Tesalonicenses 1:8

Yuꞌun ya xtal yaꞌbe kastigo te machꞌatik maꞌ snaꞌbeyik sba Dios ni maꞌ xyakꞌik ta jkuenta te skꞌoplal kolel yuꞌun te Kajwaltik Jesuse.

2 Timoteo 2:9

Y ta skaj te lek yachꞌil kꞌop to te ay kuꞌun te wokoletike. Asta chukulon ta kadena jich tutꞌil te jtul jmulawil te lom tulan smule. Pero te skꞌoplal te Diose ma chukuluk ta kadena stukel.

Hebreos 11:8

Ta skuenta xchꞌuunel yoꞌtan, te jꞌAbraham la xchꞌuun te ikꞌel yuꞌun te Diose. Lokꞌ bael yuꞌun teꞌ bajt te ba luwar te Dios ya yalbe te jaꞌ smajtan ya xkꞌote. Lokꞌ bael te ba slumale ni ma snaꞌ te ba ya xbajte.

Hebreos 5:9

Te tutꞌil lek a juꞌ yuꞌun spasele, chiknaj ta skuenta te kolel sbajtel kꞌinal yuꞌun spisil te machꞌatik ya xchꞌuunike.

Judas 1:20

Pero te jaꞌexe, kermanotak te kꞌuxex ta koꞌtane, junuk me awoꞌtanik yuꞌun te chꞌul kꞌop achꞌuunejike. Kꞌoponaik Dios ta skuenta te Chꞌul Espiritue.

Judas 1:3

Kermanotak te kꞌuxex ta koꞌtane, ben jun koꞌtan a jkꞌan a jtsꞌibabeyex te tutꞌil ay te kolele te pajal ayix kuꞌuntike. Pero te ora to ya kil te tut puersa ya skꞌan pasel te kartae, yuꞌun ya kalbeyex te ya apasik puersa sok te xchꞌuunel awoꞌtanike te jmel nax aꞌbilotikix sok te machꞌatik ayix ta skuenta te Diose.