Hechos 6:5 - Nuevo Testamento Tzeltal de Amatenango

⁵ Y spisilik akuerdo a laj kꞌot y la stꞌujik te jꞌEsteban te ay xchꞌuunel yoꞌtan y nojel ta yoꞌtan te Chꞌul Espiritue, y sok te Felipee, sok te jProcoroe, sok jNicanor, sok jTimon, sok te jParmenase, sok jNicolas jtul talem ta Antioquia te ma juriyouk te kꞌajtajemix ta juriyoe.

Bible in Tzeltal Bachajón

⁵ Lec la ya'iyic spisilic, hich la stsahic te Esteban, te ay sch'uhunel yo'tan ta lec soc te nojel ta yo'tan te Ch'ul Espíritu; soc te Felipe, Prócoro, Nicanor, Timón, Parmenas soc te Nicolás te talem ta Antioquía, te ma judíohuc pero te yac'oj sba ta judíohil.

Bible in Tzeltal de Oxchuc y Tenejapa

⁵ Spisilic lec la yaiyic te c'ope. Jich la stsaic te Esteban te ay bayal xch'uunjel yo'tane soc te nojel ta yo'tan te Ch'ul Espiritue, soc uuc te Felipe, te Prócoro, te Nicanor, te Timón, te Parmenas, soc te Nicolás te talem ta Antioquía te yac'ojix sba ta judioile.

Hechos 6:5 ပူးပေါင်းရင်းမြစ်များ

San Mateo 23:15

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe bayuk nax ya xbeenex yuꞌun ya awaꞌbeyik xchꞌuun Dios ta akꞌopik te genteetike. Pero teme ay la ataik jtuluke, kꞌax jich yuꞌun infierno ya xtꞌot a te tutꞌil jaꞌexe.

Hechos 11:19

Ta patil chamenix a te jꞌEstebane, lijk ta ilbajinel te hermanoetike. Jaꞌ yuꞌun ay a laj bajtik ta anel ta slum Fenicia, sok ta slum Chipre, sok ta jtejklum Antioquia. Teꞌ kꞌo yalbeyik skꞌop Dios a te juriyoetike, pero ma jaꞌuk a yalbe te machꞌa ma juriyouke.

Hechos 11:20

Pero ay hermanoetik te talemik ta slum Chipre sok ta jtejklum Cirene te laj kꞌot ta jtejklum Antioquiae, y lijk yalbeyik te lek achꞌ kꞌop yuꞌun te Kajwaltik Jesus te machꞌatik ma juriyouke.

Hechos 11:22

Kꞌalal te hermanoetik te ayik ta Jerusalene la yaꞌiyik te jich ay skꞌoplale, la stikonik bael ta Antioquia te jBernabee.

Hechos 11:24

Porke te jBernabee ben lek yoꞌtan ta winikil, y nojel ta yoꞌtan te Chꞌul Espiritue, y jun yoꞌtan ta stojol te Kajwaltike. Jich bayal xan gente a xchꞌuun te Kajwaltike.

Hechos 11:26

Kꞌalal la stae, la yikꞌ bael ta jtejklum Antioquia. Teꞌeyik jun jaꞌbil sok a te hermanoetike, la spꞌijuteslan bayal gente. Jaꞌ te Antioquiae te ba nail a aꞌbot sbiilinik Cristoetik te jnopojeletike.

Hechos 11:27

Te tiempo abi ay jꞌalwanejetik yuꞌun Dios lijkik tal ta Jerusalen y laj bajt ta Antioquia.

Hechos 13:1

Te hermanoetik te ayik ta jtejklum Antioquiae ay jꞌalwanejetik sok maestroetik yuꞌun te skꞌop Diose, jaꞌ te jBernabe, sok Simon te jNegro te jun xan sbiile, sok te jLucio te talem ta jtejklum Cirenee, sok jManaen te pajal a chꞌi sok te jHerodes te och ta gobierno ta Galileae, sok te Sauloe.

Hechos 15:22

Te apostoletike sok te ansianoetike y sok spisil te hermanoetike la snopik te ay machꞌa stꞌujik ta yolilik te ya stikonik bael ta jtejklum Antioquia sok te jPablo y sok te jBernabee. Jaꞌa biiltesot te Judas te Barsabas xꞌalbote, sok te Silas, te akꞌtalanbil ta jkuenta yuꞌun te hermanoetike.

Hechos 2:4

Ta spisilik a noj ta yoꞌtanik te Chꞌul Espiritue, y lijk kꞌopojikuk ta yanetik kꞌop chikan te tutꞌil a akꞌot kꞌopojuk yuꞌun te Espiritue.

Hechos 21:8

Ta xchebal kꞌaal lokꞌotik bael sok te jPabloe y kꞌootik ta jtejklum Cesarea. Teꞌ bootik ta sna te Felipe te yaꞌtelinej yalel ta bayuk te skꞌop Diose. Jaꞌ jtul ta sjukebal te la skoltalan ta aꞌtel te apostoletike. Teꞌ olanotik a.

Hechos 22:20

Y te kꞌalal milot te awaj-aꞌtel jꞌEstebane te ya yalbeyat akꞌoplale, joꞌon mismo teꞌeyon ekꞌa. Akuerdo ayon ekꞌa te milote, y joꞌon a jkanantaybe skꞌuꞌ-spakꞌ te machꞌatik jmilawetike”, xkut.

Hechos 6:10

pero ma juꞌ yuꞌunik te ya stsalik ta kꞌope. Porke jaꞌ ya yal te tut aꞌbil spꞌijil yoꞌtan yuꞌun te Chꞌul Espiritue.

Hechos 6:3

Jaꞌ yuꞌun, kermanotak, leaik jukebuk winketik ta awolilik te lek skꞌoplalike, sok te ay spꞌijil yoꞌtanike, sok te nojel ta yoꞌtanik te Chꞌul Espiritue. Yuꞌun jaꞌ me ya xkꞌot ta skuentaik te aꞌtel to.

Hechos 6:8

Te jꞌEstebane aꞌbil spoder sok bendision yuꞌun te Diose, jich ya spas seña milagroetik ta stojol te jtejklume.

Hechos 7:1

Te statal saserdotee la sjojkꞌobe te jꞌEstebane: —¿Me jich awaloj te tut ya yalike? xchi.

Apocalipsis 2:15

Sok teꞌey awuꞌun jtul cheb te ma skꞌan xchꞌojik jilel te tutiꞌ yakꞌ ta nopel te jnicolaitaetike.

Apocalipsis 2:6

Pero ay to tut lek ay ta akuenta: Jaꞌ te ya apꞌajbey te tut ya spasik te jnicolaitaetike. Te joꞌone ya jpꞌajbey euk.