Hechos 6:1 - Nuevo Testamento Tzeltal de Amatenango

¹ Te tiempo abi yipal ta bayalubel te hermanoetike. Te machꞌatik xkꞌopoj ta griego lijk yaꞌbiyanik te machꞌatik xkꞌopoj ta hebreoe. Ya yalik te griega meꞌba antstike ma kꞌuxutaybiluk lek yuꞌun makꞌ xꞌaꞌbot lek sweꞌelik te jujun kꞌaale.

Bible in Tzeltal Bachajón

¹ Ta hich ora, te bin ut'il yac ta p'ohlel te jnopojeletic, hahchic wulajanel te griegohetic ta stojol te hebreohetic yu'un te me'ba' antsetic ma ba ts'acal yac yich'belic te bin ya yich' pucticlambeyel jujun c'ahc'al.

Bible in Tzeltal de Oxchuc y Tenejapa

¹ Jich ora te jajch' c'op yu'un te jnopojeletic te bit'il bayal yacalic ta esmajele. Te jayeb mach'atic griego te sc'opique, jajch' scomon yaanic te yermanotac te ya xc'opojic ta hebreo-c'ope. Yu'un la yalic te ma ba ya yich' c'uxtayel te me'ba antsetic yu'unic te c'alal ya spucbeyic swe'elic ta jujun c'aale.

Hechos 6:1 ပူးပေါင်းရင်းမြစ်များ

San Mateo 23:13

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe atsꞌusojikix ta yawe kꞌoem ta stojol te genteetik te spuertaul te ba ay ta mantal te Diose. Ni makꞌ xꞌochex teꞌa te jaꞌexe, sok ma xꞌawakꞌik te ay machꞌa ya skꞌan ya xꞌochik teꞌae.

Hechos 11:20

Pero ay hermanoetik te talemik ta slum Chipre sok ta jtejklum Cirene te laj kꞌot ta jtejklum Antioquiae, y lijk yalbeyik te lek achꞌ kꞌop yuꞌun te Kajwaltik Jesus te machꞌatik ma juriyouke.

Hechos 11:26

Kꞌalal la stae, la yikꞌ bael ta jtejklum Antioquia. Teꞌeyik jun jaꞌbil sok a te hermanoetike, la spꞌijuteslan bayal gente. Jaꞌ te Antioquiae te ba nail a aꞌbot sbiilinik Cristoetik te jnopojeletike.

Hechos 11:29

Jich te hermanoetik te ayik ta Antioquiae la snopik te ya stikonbeyik koltayel te hermanoetik te ayik ta slum Judea, chikan te tutꞌil ya xjuꞌ yuꞌunik yakꞌel ta juju-tule.

Hechos 2:41

Jich te machꞌatik la yakꞌik ta jkuenta te skꞌop Dios te la yal te jPedroe, akꞌtalanbot yichꞌjaꞌ. Te kꞌaal abi ay wan tres mil ta jtul a pꞌolik te hermanoetike.

Hechos 2:45

La xchonik te slumike y spisil te tut ay yuꞌunike, y la spukbe sbaik te takꞌin, chikan te tut nesesidad yuꞌun te juju-tule.

Hechos 2:47

La skꞌayojinbeyik slekil te Diose, y ben lek skꞌoplalik yuꞌun spisil te jtejklume. Jujun kꞌaal te Kajwaltike la spꞌoles te hermanoetike, chikan te machꞌatik ya sta skolelike.

Hechos 4:35

la yakꞌbeyik ta skꞌab te apostoletike. Jich a spukik te takꞌine chikan te tut nesesidad yuꞌun ta juju-tul te hermanoetike.

Hechos 4:4

Pero bayal te machꞌatik la xchꞌuunik te tuti altalanbot yuꞌun te jPedro sok te Juane. Y pꞌol te hermanoetike, jip ajtabil a te winketike ay wan sinko mil ta jtul.

Hechos 5:14

Y yan yan a pꞌol te machꞌa la xchꞌuune, ay winketik sok antstik a xchꞌuun te Kajwaltike.

Hechos 5:28

—Te joꞌotike jkomojtikix te ma xjuꞌix te ya snojpeswanex tutꞌil ay skꞌoplal te winik abi. ¿Y tut a te ya apasike? Pujkejix awuꞌunik ta spisil ta Jerusalen te tut ya awakꞌik ta nopele. Y ya akꞌan ya awaꞌbotik jkuchtik te tutꞌil a cham te winik abi —xchi.

Hechos 6:2

Te lajchaytul apostoletike la stsob sbaik sok te hermanoetike, y la yaltalanbe: —Ma lekuk teme ya jkom jbatik ta yalel skꞌop Dios ta skaj spukel te weꞌelile.

Hechos 6:7

Te skꞌop Dios pujk bael, y te hermanoetike lom bayal yipal ta pꞌolel te ba Jerusalene. Asta bayal saserdoteetik yuꞌun juriyo la xchꞌuunik euk.

Hechos 9:29

La skꞌopon te juriyoetik te ya xkꞌopojik ta griego-kꞌope ta yaꞌbiyanel te tutꞌil ay skꞌoplal te Kajwaltike. Pero kꞌan smilik yuꞌun.

Hechos 9:39

Y te jPedroe laj bajt sok ta ora. Te kꞌalal laj kꞌot ta Jopee, la yikꞌik bael te ba kuarto baꞌ xchawanejbeyik te stiꞌbalule. Spisil te meꞌba antstike la sjumik te jPedroe, ben xlaj okꞌik, y la yaꞌbeyik yil te skꞌuꞌ-spakꞌik te pasbil yuꞌun te xDorcase te kꞌalal kuxul to ae.

Hechos 9:41

Te jPedroe la xchechbe te skꞌabe y la xjach. Te nax a la yikꞌ tal te hermanoetik y sok te meꞌba antstike, y la yakꞌtalanbe yil te kuxulix te xDorcase.

Romanos 12:7

Teme jaꞌ yakꞌojbotik te majtanil te ya xtuunotik yuꞌun te yane, lek me a wak tuunukotik. Te machꞌa yichꞌoj te majtanil yuꞌun te ya snojpeswanej, a me nojpeswanuk.

1 Corintios 10:10

Sok ma me awixtaꞌkꞌoptayik te Diose jich tutꞌil te la yixta-kꞌoptayik stukelike, te jich a miltalanot yuꞌun te chꞌul ángel te ya xmilawane.

2 Corintios 11:22

Teme hebreoetik te stukelike, jichon euk. Teme israeletike, jichon euk. Teme jaꞌ stsꞌumbal te jꞌAbrahame, jichon euk.

Filipenses 3:5

Yuꞌun la yaꞌbelon sirkunsision ta waxkebal kꞌaal te ayinon ae. Joꞌon stsꞌumbalon te israeletike, ayon ta skuenta jtijkꞌ te stsꞌumbal Benjamine, jꞌhebreoon y xnichꞌanon hebreoetik. Te tutꞌil jich kꞌoem ta koꞌtan te mantaliletike, ayon ta skuenta jtijkꞌ fariseo.

1 Timoteo 5:3

Koltaya te meꞌba antstike te maꞌyuk machꞌa ya xkoltayot yuꞌune.

1 Timoteo 5:9

Te ba slistaul te meꞌba antstike, jaꞌ nax ya skꞌan te machꞌatik kꞌaxemix sesenta jaꞌbile, sok te jun yoꞌtan a kꞌax sok te jtul smamlale.

Hebreos 13:1

Ma me akom abaik te kꞌux ya awil abaik ta juju-tul, jich tutꞌil te machꞌatik jun nax smeꞌ-statike.

Santiago 1:27

Te tut ay ta chꞌuunel te maꞌyuk tut kapal a sok maꞌyuk yijkꞌal ta sit te Dios Tatile, jaꞌ te machꞌa xba yil te meꞌbaetike y sok te meꞌba antstik te kꞌalal ayik ta wokole, y makꞌ yixlan sba a te tut ma lekuk te skuenta balmilale.

Santiago 4:5

Jaꞌ sluwaril te ya yal te Sjun Diose: “Lek kꞌanbil yuꞌun Dios te Espíritu te yakꞌoj nainuk ta koꞌtantike”, xchi me.

Santiago 5:9

Kermanotak, ma me tutiꞌ awalbey abaik ta juju-tul. Yuꞌun jich me mak ya yichꞌelex jkuenta ekꞌa, y te machꞌa ya xꞌichꞌawan jkuentae ayix ta tiꞌ puerta.