Hechos 5:2 - Nuevo Testamento Tzeltal de Amatenango

² Te mamal to komon a snop sok te yiname te la yichꞌik jilel olil te takꞌine, y te olil xane tal yaꞌbe ta skꞌab te apostoletike.

Bible in Tzeltal Bachajón

² pero la yich' j'ohlil te stojole, ha nix hich sna'oj te yihname; j'ohlil nax baht ya'be ta stojol te jpuc-c'opetique.

Bible in Tzeltal de Oxchuc y Tenejapa

² Te winique la yijq'uitay jilel olil te stojol sq'uinale, soc sna'oj stojol uuc te yiname. Te yan olile tal yac'bey ta stojol te jpuc-c'opetique.

Hechos 5:2 ပူးပေါင်းရင်းမြစ်များ

San Mateo 23:5

Spisil te tut ya spasike jaꞌ nax ya yakꞌ sbaik ta akꞌel ta jkuenta a yuꞌun te genteetike. Yuꞌun ya skꞌupinik yichꞌel ta yelawik sok ta skꞌabik te chꞌin yawil Sjun Dios te tsꞌibabile, sok ya skꞌupinik te ben najt stsijtsomal te skꞌuꞌ-spakꞌ ya slapike.

San Juan 12:6

Pero te Judase ma jichuk xyal yuꞌun yajtaluk yoꞌtan te meꞌbaꞌetike, yuꞌun jaꞌ ay ta yoꞌtan te elekꞌe. Stukel jtesorero, sok kꞌayem ta yelkꞌanel te takꞌin ya stsobike.

Hechos 2:44

Yan te machꞌatik xchꞌuunejikix te Jesuse ben jun yoꞌtan stsoboj sbaik, y komon a tuun yuꞌunik te stutik yuꞌunike.

Hechos 4:37

Te winik to ay slum te la xchone, y te stojole la yichꞌ tal, la yaꞌbe ta skꞌab te apostoletike.

Hechos 5:1

Pero ay jtul, Ananias sbiil, sok Safira te jaꞌ yiname, la xchonik jlom slumik.

Hechos 5:3

Te jPedroe la yalbe: —Ananias, ¿tuꞌun te och pukuj ta awoꞌtane? Yuꞌun la apasix ta lot te Chꞌul Espiritue te tutꞌil la akꞌej jilel oliluk te stojol alume.

Hechos 5:8

Te jPedroe la sjojkꞌobe: —Albon kaꞌitik: ¿me jachik stojol te lum te la achonik te la awalike? xchi. Te antse la sjakꞌ: —Jicha nix a te stojole —xchi.

Filipenses 2:3

Ma me ayuk tuti ya apasik ta skuenta tsalaw sok ta skuenta toybael. Chꞌin me ya skꞌan ya awakꞌ abaik, y ta juju-tul jaꞌ me mukꞌ skꞌoplal awuꞌunik te yanetike te tutꞌil te jaꞌat mismoe.

1 Timoteo 6:10

Porke te skꞌupinel te takꞌine jaꞌ me te ya xlijk spisil ta jkaj te tut ma lekuke. Y ay machꞌatik ta skaj sbikꞌtal yoꞌtan yuꞌun takꞌin te la xchꞌayikix te xchꞌuunel yoꞌtanike. Y la staix bayal swokolik sok te xkuxlejalike.