Hechos 5:16 - Nuevo Testamento Tzeltal de Amatenango

¹⁶ Jich ay bayal a laj tal jtejklumetik te tijil nax ay sok te Jerusalene, yikꞌojlanik tal yaj-chamelik y sok machꞌatik ayik ta ilbajinel yuꞌun te pukujetike. Y spisil a laj lekubik.

Bible in Tzeltal Bachajón

¹⁶ Tsobol mach'atic ayic ta tut pueblohetic nopol tey a c'ohtic ta Jerusalén, la yic'ticlanic talel jchameletic soc mach'atic ayic ta uts'inel yu'un bohl espírituhetic; lecub spisilic.

Bible in Tzeltal de Oxchuc y Tenejapa

¹⁶ Soc ay tsobol ta jtul te talic ta bay lumetic te ayic ta sjoylejal te Jerusalene. La yiq'uic tel te mach'atic ayic ta chamel yu'unique soc te mach'atic ayic ta uts'inel yu'un te pucujetique. Spisilic la yich'ic coltayel yu'un.

Hechos 5:16 ပူးပေါင်းရင်းမြစ်များ

San Mateo 2:16

Kꞌalal la snaꞌ te Herodese te loꞌlayot yuꞌun te pꞌijil winketike, ma jtebuk a ilin yuꞌun. La yal mantal te ya xba milek spisil te chꞌin kermetike te chebcheb jabil yaꞌbilalike sok te ma to xlokꞌ cheb jaꞌbil yaꞌbilalike te ayik ta Belen sok ta sjoylejal. Jaꞌ a snaꞌik te tut ora albot yuꞌun te pꞌijil winketike.

San Mateo 4:24

Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.

San Mateo 8:16

Xꞌijkꞌubix a la yikꞌik tal ta stojol Jesus bayal ta jtul machꞌatik ay pukuj ta yoꞌtanike. Jujupꞌal nax skꞌop la slokꞌeslan te pukujetik te ay ta yoꞌtanike, y la slekutesbe xchamelik spisil te machꞌatik ayik ta chamele.

San Lucas 5:17

Jun kꞌaal te Jesuse yipal ta pꞌijuteswane, teꞌ nakajtik ekꞌa te fariseoetike sok te maestroetik yuꞌun te mantaliletike. Teꞌ talemik ta jtejklumetik ta estado Galilea, sok ta estado Judea, sok ta jtejklum Jerusalen. Te spoder te Diose ya xchiknaj ta skuenta te Jesuse te ya slekutes te jchameletike.

San Lucas 6:18

Te machꞌatik ayik ta wokol yuꞌun te pukuje laj lekubik ekꞌa.

San Lucas 9:11

Te kꞌalal la snaꞌbeyik sluwar te genteetike, jicha stsꞌakliyik bael. Te Jesuse la yikꞌ ta stojol, sok la yalbe yaꞌiyik te tutꞌil ay ta ajwalinel te Diose, sok la slekutes te machꞌatik ayik ta chamele.

San Juan 14:12

Jamal ya kalbeyex: Te machꞌa ya xchꞌuunone jich me ya spas euk te tut yipalon ta spasele. Y mas mukꞌ xan tut ya spas stukel, porke ya xboon te ba ay te jTate.

Hechos 4:30

Sok ta skuentauk apoder aꞌ koluk jchameletik y aꞌ pasuk seña milagroetik ta sbiil te achꞌul awaj-aꞌtel Jesuse —xchiik.

Hechos 5:15

Y la yikꞌik lokꞌel ta kayailtik te yaj-chamelike. La swayanlanik ta wayibal y ta kꞌabalteꞌ, yuꞌun te kꞌalal ya xkꞌax teꞌa te jPedroe, chaꞌoxtul ya me xtaot yuꞌun te skeawe.

Hechos 5:17

Te statal saserdotee y sok te sgrupo saduseoetik te jun nax ay soke, lijk bayal slaꞌ-yoꞌtanik.

1 Corintios 12:9

Ay yan ya xꞌaꞌbot xchꞌuunel yoꞌtan, pero jaꞌ nax ta skuenta te Espiritue. Y ay yanetik yichꞌoj smajtan ta slekutesel jchameletik.

Santiago 5:16

Jaꞌ yuꞌun, albeya abaik ta jamal ta juju-tul te amulike. Y kꞌoponbeya abaik Dios ta juju-tul, yuꞌun jich me ya xlekubex a. Bayal tut ya xkꞌot ta pasel teme jun yoꞌtan ya skꞌopon Dios te machꞌa toj yoꞌtane.