Hechos 5:14 - Nuevo Testamento Tzeltal de Amatenango

¹⁴ Y yan yan a pꞌol te machꞌa la xchꞌuune, ay winketik sok antstik a xchꞌuun te Kajwaltike.

Bible in Tzeltal Bachajón

¹⁴ Behbe p'ohlel te mach'atic la sch'uhunic te Cajwaltic, bayel antsetic soc winiquetic.

Bible in Tzeltal de Oxchuc y Tenejapa

¹⁴ Yanyan ta esmajel te jch'uunjeletique, melel tsobol ta jtul winiquetic soc antsetic tal xch'uunic te Cajwaltique.

Hechos 5:14 ပူးပေါင်းရင်းမြစ်များ

Hechos 11:24

Porke te jBernabee ben lek yoꞌtan ta winikil, y nojel ta yoꞌtan te Chꞌul Espiritue, y jun yoꞌtan ta stojol te Kajwaltike. Jich bayal xan gente a xchꞌuun te Kajwaltike.

Hechos 2:41

Jich te machꞌatik la yakꞌik ta jkuenta te skꞌop Dios te la yal te jPedroe, akꞌtalanbot yichꞌjaꞌ. Te kꞌaal abi ay wan tres mil ta jtul a pꞌolik te hermanoetike.

Hechos 2:47

La skꞌayojinbeyik slekil te Diose, y ben lek skꞌoplalik yuꞌun spisil te jtejklume. Jujun kꞌaal te Kajwaltike la spꞌoles te hermanoetike, chikan te machꞌatik ya sta skolelike.

Hechos 22:4

Te nameye jtsꞌakliyej ta milel te machꞌatik ya stamik te lekil achꞌ be yuꞌun te Jesuse. Ay a jchuk y la kotses ta prexo, sea me winik o antstik.

Hechos 4:4

Pero bayal te machꞌatik la xchꞌuunik te tuti altalanbot yuꞌun te jPedro sok te Juane. Y pꞌol te hermanoetike, jip ajtabil a te winketike ay wan sinko mil ta jtul.

Hechos 6:7

Te skꞌop Dios pujk bael, y te hermanoetike lom bayal yipal ta pꞌolel te ba Jerusalene. Asta bayal saserdoteetik yuꞌun juriyo la xchꞌuunik euk.

Hechos 8:12

Pero te kꞌalal la xchꞌuunik te lekil achꞌ kꞌop te albot yuꞌun te Felipee te tutꞌil ay ta ajwalinel te Diose y sok te Jesucristoe, ta winketik sok ta antstik la yichꞌtalan jaꞌ.

Hechos 8:3

Te Sauloe ma laj yoꞌtan ta yilbajinel te hermanoetike. Ya xꞌoch kꞌael ta nanatik y ya xochtalan lokꞌel te winketik sok te antstike, y spisil ya xba yakꞌtalan ta prexo.

Hechos 9:2

y la skꞌanbe junetik te ya xkꞌo yaꞌbe te machꞌatik ay ta skuenta te sinagogaetik te ay ta jtejklum Damascoe, yuꞌun ya xba sle te machꞌatik stamojik te achꞌ bee, winik o ants, y ya yikꞌtalan bael ta prexo ta Jerusalen.

Hechos 9:31

Jich te hermanoetik te aylan ta estadoetik yuꞌun Judeae sok ta Galilea y sok ta Samaria ben jun yoꞌtanik yipalik ta pꞌijubel ta skuenta Espíritu. La xchꞌuunik ta lek te Kajwaltike, y koltalanot yuꞌun te Chꞌul Espiritue jich yipalik ta pꞌolel ta mas.

Hechos 9:35

y spisil te machꞌatik aylan ta jtejklum Lida sok ta jtejklum Saron la yilik te jajch te jꞌEnease. Jich a sujtes yoꞌtanik ta stojol te Kajwaltike.

Hechos 9:42

Spisil te jtejklum Jopee la yaꞌiyik te jich a kꞌot ta pasele, y ben bayal a xchꞌuunik te Kajwaltike.

2 Corintios 6:15

Jich euk te Cristo ma spas te jun yoꞌtan sba sok te pukuje. Ni spas ya sta sba sok te jtul machꞌa xchꞌuunej Dios sok te jtul te ma xchꞌuunejuk Diose.

Gálatas 3:28

Ma kocheluk me juriyo o griego, me mosoil o libre ay, me winik o ants. Porke jun xanix ayex ta skuenta Cristo Jesus ta apisilik te jaꞌexe.