Hechos 5:13 - Nuevo Testamento Tzeltal de Amatenango

¹³ Ni jtul maꞌyuk machꞌa te lom nax a tal stsob sbaik soke. Pero te genteetike ben akꞌtalanbil ta jkuenta yuꞌun.

Bible in Tzeltal Bachajón

¹³ te yantic ants-winiquetic mayuc mach'a tojol nax tal yac' sbahic soc; pero ich'bilic ta muc' yu'un te pueblo.

Bible in Tzeltal de Oxchuc y Tenejapa

¹³ Jtul ma'yuc mach'a jowil nax tal slaq'uic, ja'uc me to, te lume lec nax yo'tanic ta stojolic.

Hechos 5:13 ပူးပေါင်းရင်းမြစ်များ

San Lucas 19:48

Pero ma staik tut ya yutik, yuꞌun spisil te genteetike ben tsaꞌam ya yaꞌiyik te tut yipal ta yalel te Jesuse.

San Juan 12:42

Pero bayal juriyoetik la xchꞌuunik te Jesuse sok ay a xchꞌuunik euk te statal yuꞌunike. Pero ma xyal sbaik ta jamal yuꞌun ya xiꞌik te fariseoetik yuꞌun jich makꞌ xtenot lokꞌel a te ba sinagogae.

San Juan 19:38

Ay jtul winik Jose sbiil, te talem ta chꞌin jtejklum Arimatea, te ay ta jnopojel yuꞌun Jesus. Pero mukul nax ay, yuꞌun ya xiꞌ te statal juriyoetike. Te Josee ba skꞌanbe permiso te jPilatoe te yauk yichꞌbe bael stiꞌbalul te Jesuse. Te jPilatoe la yakꞌ permiso, y te Josee ba yichꞌbe bael stiꞌbalul te Jesuse.

San Juan 9:22

Te smeꞌ-state jich a yalik yuꞌun xiꞌik yuꞌun te juriyoetike. Jaꞌ yuꞌun te juriyoetik snopojikix te ya xchꞌojik lokꞌel ta sinagoga machꞌauk a teme ya yal te jaꞌ Cristo te Jesuse.

Hechos 19:17

La yaꞌiyik spisil te machꞌatik aylan ta jtejklum Efesoe, ay juriyoetik sok te ma juriyouke, y spisilik a la xiꞌik yuꞌun. Jicha pujk ta alel xan ta lek a te sbiil te Kajwaltik Jesuse.

Hechos 2:47

La skꞌayojinbeyik slekil te Diose, y ben lek skꞌoplalik yuꞌun spisil te jtejklume. Jujun kꞌaal te Kajwaltike la spꞌoles te hermanoetike, chikan te machꞌatik ya sta skolelike.

Hechos 4:21

Te jꞌuꞌeletike tulan a yalbeyik, y la skolesik bael. Yuꞌun ma stabeyik te tut ya yaꞌbeyik kastigo yuꞌune. Porke spisil te gentee ya yalbeyik kola yal Dios yuꞌun te tut kꞌoem ta pasele.

Hechos 5:26

Te statal jkanane sok te jkananetike laj bajt ta sleel. Pero ma yilbajinik, yuꞌun ya xiꞌ yuꞌun teme wolotal ta ton yuꞌun te gentee.

Hechos 5:5

Te kꞌalal laj yaꞌiye, te jꞌAnaniase jawtsꞌo bael y cham. Spisil te machꞌatik la yaꞌiyike beno la xiꞌ yuꞌun.

2 Corintios 10:15

Ma yuꞌunuk mukꞌ ya kakꞌ jbajtik yuꞌun te ba aꞌtejemix te yane. Ma yauk xlokꞌotik bael te ba kꞌalal jmajkojtike. Jaꞌ ya jmalitik te max ya xjuꞌ xꞌaꞌtejotik ta awolilik chikan te tutꞌil yipal ta mukꞌubel te xchꞌuunel awoꞌtanike. Pero sil tiempo liꞌ ayotik ta ba kꞌalal jmakojtike.