Hechos 4:31 - Nuevo Testamento Tzeltal de Amatenango

³¹ Te kꞌalal laj yoꞌtanik ta skꞌoponel te Diose, nijkꞌ te luwar ba stsoboj sbaike. Y spisil a noj ta yoꞌtanik te Chꞌul Espiritue, y jamal a lijk yalik te skꞌop Diose.

Bible in Tzeltal Bachajón

³¹ C'alal laj yo'tanic ta sc'oponel Dios, nihc te lugar te banti stsoboj sbahic; soc ta spisilic nojesbot ta yo'tanic te Ch'ul Espíritu, soc bayel yip yo'tanic la yalic te sc'op Diose.

Bible in Tzeltal de Oxchuc y Tenejapa

³¹ Te c'alal laj yo'tanic ta sc'oponel te Diose, nijc' la yaiyic te banti na stsoboj sbaique, soc noj ta yo'tanic ta spisilic te Ch'ul Espiritue. Jich ma ba xiwic ta yalel te sc'op Diose.

Hechos 4:31 ပူးပေါင်းရင်းမြစ်များ

San Mateo 21:22

Spisil te tut ya akꞌanbeyik te Diose ya yaꞌbelex teme jich xchꞌuunej awoꞌtanike —xchi te Jesuse.

Hechos 2:4

Ta spisilik a noj ta yoꞌtanik te Chꞌul Espiritue, y lijk kꞌopojikuk ta yanetik kꞌop chikan te tutꞌil a akꞌot kꞌopojuk yuꞌun te Espiritue.

Santiago 1:5

Teme ay machꞌaex a te maꞌyuk spꞌijil yoꞌtane, kꞌanbeyaik te Diose, y ya me yaꞌbeyex. Yuꞌun te Diose spisil ya yaꞌbe te machꞌa ya skꞌanbeye. Ma xatbiluk y maꞌyuk machꞌa ya spꞌaj.

Hechos 2:2

Ben te ora a ay tuti kꞌopoj tal ta chꞌulchan jich tutꞌil te ben tulan xpuminaj te ikꞌe, xpumumet ta swolol te na te ba ayike.

Hechos 4:29

Te ora to Kajwal, ilawil te tut tulan a yalbotike, y aꞌbotik me spuersa koꞌtantik ta yalel achꞌul kꞌop joꞌotik te awaj-aꞌtelotike, ma me awakꞌ xiꞌukotik.

San Juan 15:7

“Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

San Juan 14:12

Jamal ya kalbeyex: Te machꞌa ya xchꞌuunone jich me ya spas euk te tut yipalon ta spasele. Y mas mukꞌ xan tut ya spas stukel, porke ya xboon te ba ay te jTate.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

Filipenses 1:14

Y bayal te hermanoetik te la yilik te ayon ta prexoe ayix spuersa yoꞌtanik ta yalel tutꞌil ay skꞌoplal te kolele. Ni makꞌ xiꞌik y mas ay spuersa yoꞌtanik ta skuenta te Kajwaltike.

Hechos 2:1

Te kꞌalal kꞌot skꞌaalel te kꞌin Pentecostese, spisil te hermanoetike stsoboj sbaik ta jun nax luwar a.

Hechos 4:13

Kꞌalal ya yil te jꞌuꞌeletik te makꞌ ya xiꞌ te jPedro sok te Juane, y la snaꞌik te maꞌyuk estudio yuꞌunike sok te maꞌyuk tut ya snaꞌike, lom yan a yaꞌiyik yuꞌun, y la snaꞌik te jaꞌ te la sjoyinik te Jesuse.

Hechos 14:3

Pero te apostoletike bayal kꞌaal a jalajik teꞌa. Jaꞌ yip yoꞌtanik te Kajwaltike, jicha juꞌ yuꞌunik yalel te tutꞌil ayotik ta kꞌuxutayel yuꞌun te Kajwaltike. Jaꞌ a yakꞌ ta ilel te tut batsꞌi jich te tut ya yalike yuꞌun te Kajwaltike la yaꞌbe spoderik ta spasel señaetik y sok milagroetik.

Filipenses 1:20

Jich yuꞌun jaꞌ mukꞌ skꞌoplal ta koꞌtan te maꞌyuk tut ya jta kꞌexlal yuꞌune. Sinoke ya xjuꞌ xkꞌopojon sok spuersa koꞌtan ta sit ta spisilik. Y te ora to sok siluk tiempo ya me kakꞌ ta ichꞌel ta jkuenta te Cristoe. Chikan teme ya to xkuxuyinone o teme tey ya xlajonix aye.