Hechos 4:30 - Nuevo Testamento Tzeltal de Amatenango

³⁰ Sok ta skuentauk apoder aꞌ koluk jchameletik y aꞌ pasuk seña milagroetik ta sbiil te achꞌul awaj-aꞌtel Jesuse —xchiik.

Bible in Tzeltal Bachajón

³⁰ c'alal ha'at yac ahach ac'ab ta slecubtesel jchameletic soc ta spasel señahiletic soc jchahp a'teliletic ta scuenta te sbihil Jesús te Ach'ul-nich'an, xchihic.

Bible in Tzeltal de Oxchuc y Tenejapa

³⁰ Soc ta swenta awu'el ac'a coluc jchameletic soc pasuc señailetic soc jchajp at'eliletic ta swenta te Ach'ul-nich'an Jesús —xiic ta sc'oponel te Diose.

Hechos 4:30 ပူးပေါင်းရင်းမြစ်များ

San Juan 4:48

Te Jesuse la sjakꞌbe: —Te jaꞌexe ma xꞌachꞌuunuk te jichuk makꞌ ya awilik te señaetik sok te milagroetike —xyut.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

Hechos 2:43

Spisilik lom yan a yilik te tutꞌil ay bayal milagroetik y señaetik te la yichꞌ pasel ta skuenta te apostoletike.

Hechos 3:13

Te Dios yuꞌun te jꞌAbrahame sok te jꞌIsaake sok te Jacobe, te Dios yuꞌun te antibo ameꞌ-atatike yakꞌojix ta akꞌel ta jkuenta ta mas te yaj-aꞌtele, jaꞌ te Jesuse, jaꞌ te machꞌa la awakꞌik entregal ta stojol te jꞌuꞌeletike. Jaꞌ te machꞌa kꞌan skoles te jPilatoe, pero te jaꞌexe ma la akꞌanik.

Hechos 3:16

Te tutꞌil ayix spuersa yok te winik to te ya awilik te ya anaꞌbeyik sbae, jaꞌ ta xchꞌuunel-oꞌtanil ta skuenta te Jesuse. Te xchꞌuunel-oꞌtanil ta skuenta te Jesuse jaꞌ te batsꞌi la slekutesix te winike te tutꞌil tekꞌelix ta asitike.

Hechos 3:6

Pero te jPedroe la yalbey: —Maꞌyuk plata ni oro kuꞌun. Pero te tut ay kuꞌune ya kaꞌbeyat. Ta skuenta te Jesucristo ta Nazarete jajchan y benan —xchi te jPedroe.

Hechos 4:10

Lek ay, ya kaltik ta jamal ta atojolik, yuꞌun jich ya snaꞌik a spisil te jtejklum israele. Te winik te liꞌiyix ta atojolike, ta skuenta te Jesucristo te talem ta Nazarete jich lekubenix. Jaꞌ mismo te jaꞌex la ajojkꞌanik ta kruse, y te Dios a chaꞌkusesot tal yuꞌun te ba ay te animaetike.

Hechos 4:27

Jichix a spas te Herodese sok te Poncio Pilatoe. La stsob sbaik liꞌ ba jtejklum to sok te jyanlumetik y sok te israeletike, la skontrainik te achꞌul awaj-aꞌtel Jesus te jaꞌ Cristo te tsabil awuꞌune.

Hechos 5:12

Te apostoletike juꞌ yuꞌunik spasel bayal señaetik y milagroetik ta yolil te gentee. Y spisil te hermanoetike jun yoꞌtanik la stsobilan sbaik te ba yamakꞌ te Salomone.

Hechos 6:8

Te jꞌEstebane aꞌbil spoder sok bendision yuꞌun te Diose, jich ya spas seña milagroetik ta stojol te jtejklume.