Hechos 4:18 - Nuevo Testamento Tzeltal de Amatenango

¹⁸ Jicha ba yikꞌik xan tal ochel y tulan a yalbeyik te makꞌ yakꞌikix ta nopel a te skꞌoplal sbiil te Jesuse.

Bible in Tzeltal Bachajón

¹⁸ Hich la sticonic xan ta iq'uel tal, la yalbeyic tulan mandar te ma me xc'opojiquix soc ma me xyaq'uiquix ta nopel ta scuenta sbihil te Jesús.

Bible in Tzeltal de Oxchuc y Tenejapa

¹⁸ Jich la yiq'uic xan ochel. Tulan mandal la yalbeyic te ma ba ya spuquic xan ta alel soc ta nopel sc'oplal te Jesuse.

Hechos 4:18 ပူးပေါင်းရင်းမြစ်များ

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

Hechos 5:20

—Baanik. Ban tejkꞌana abaik te ba temploe. Albeyaik te jtejklume spisil te tutꞌil ay te achꞌ kuxlejale —xchi.

Hechos 5:28

—Te joꞌotike jkomojtikix te ma xjuꞌix te ya snojpeswanex tutꞌil ay skꞌoplal te winik abi. ¿Y tut a te ya apasike? Pujkejix awuꞌunik ta spisil ta Jerusalen te tut ya awakꞌik ta nopele. Y ya akꞌan ya awaꞌbotik jkuchtik te tutꞌil a cham te winik abi —xchi.

Hechos 5:40

Spisil te machꞌatik ay yaꞌtele la xchꞌuunik. Jicha yikꞌik ta ochel te apostoletike. La yaꞌbeyik aresial y la skomik te makꞌ yalikix a te skꞌoplal Jesuse. Patil la skolesik bael.