Hechos 4:13 - Nuevo Testamento Tzeltal de Amatenango

¹³ Kꞌalal ya yil te jꞌuꞌeletik te makꞌ ya xiꞌ te jPedro sok te Juane, y la snaꞌik te maꞌyuk estudio yuꞌunike sok te maꞌyuk tut ya snaꞌike, lom yan a yaꞌiyik yuꞌun, y la snaꞌik te jaꞌ te la sjoyinik te Jesuse.

Bible in Tzeltal Bachajón

¹³ C'alal la yilic te ay bayel yip yo'tan te Pedro soc Juan, xcham yo'tanic yu'un, como sna'ojic te mayuc yich'ojic p'ijubtesel soc hich nax ayic; la sna'ic te la sjoquinic te Jesús.

Bible in Tzeltal de Oxchuc y Tenejapa

¹³ Te jwolwanejetic la yilic te ma ba yacalic ta xiwel te Pedro te Juane, soc la sna'ic te ma'yuc banti p'ijubtesbilic ta yilel te june, soc te joch-winiquetic naxe. Jich bayal ayan yo'tanic yu'un, soc la sna'ic te ma'yuc banti p'ijubtesbilic ta leque soc te joch-winiquetic naxe.

Hechos 4:13 ပူးပေါင်းရင်းမြစ်များ

San Mateo 11:25

Jich yorail a te la yal te Jesuse: —Tat te yajwalat te chꞌulchan sok te balmilale, ben bayal slekil awoꞌtan te jaꞌ la awaꞌbe snaꞌik sluwaril spisil te machꞌatik chꞌin ayike, te ma jaꞌuk la awakꞌbe snaꞌik sluwaril te machꞌatik ay spꞌijilike sok te ya snaꞌik kꞌinale.

San Mateo 26:71

Te jPedroe lokꞌ bael ta tiꞌpuerta, teꞌ ilot xan yuꞌun jtul kriarail a, y la yalbe te yanetike: —Te winik to jaꞌ sjoy euk te Jesus te talem ta jtejklum Nazarete —xchi.

San Mateo 26:73

Tsꞌin to nax a tijilajik tal te machꞌatik teꞌ ayik ae, talik te ba ay te jPedroe. Albot yuꞌunik: —Batsꞌi jich a nix a te jaꞌate ajoy aba sok. Jich chikan ta akꞌop te ya xkꞌopojate —xchiik.

San Lucas 22:8

Te Jesuse la stikon bael te jPedroe sok te Juane. La yalbe: —Baanik, ban chapaik te weꞌelil yuꞌun te kꞌin Pascuae —xchi.

San Juan 19:26

Te Jesuse la yil te smeꞌ te teꞌ tekꞌel sok a te jnopojel te ben kꞌux a yaꞌi sba soke. La yalbe te smeꞌe: —Jmeꞌ, jaꞌ me awal ya xkꞌot te ya awile —xchi.

San Juan 7:15

Te juriyoetike ay yajtal yoꞌtanik y la yalik: —¿Tuti snaꞌtalan te tut ya yale?, si maꞌyuk ba yichꞌoj nojptesel —xchiik.

San Juan 7:49

Pero te genteetik to te ma snaꞌik te mantaliletike chꞌayemik stukelik —xchi skꞌoplalik yuꞌun.

Hechos 4:14

Te tutꞌil te tekꞌel ta sitik a te winik te lekubenixe, jich ma snaꞌik tuti yalikix a.

Hechos 4:19

Pero te jPedro sok te Juane la sjakꞌtalanbe: —Nopaik ta lek awaꞌiy te jaꞌexe: ¿me jaꞌ lek ya jchꞌuuntik te tut ya awalike, o jaꞌ lek ta stojol Dios ya jchꞌuuntik te tut yal te Diose?

Hechos 4:29

Te ora to Kajwal, ilawil te tut tulan a yalbotike, y aꞌbotik me spuersa koꞌtantik ta yalel achꞌul kꞌop joꞌotik te awaj-aꞌtelotike, ma me awakꞌ xiꞌukotik.

Hechos 4:31

Te kꞌalal laj yoꞌtanik ta skꞌoponel te Diose, nijkꞌ te luwar ba stsoboj sbaike. Y spisil a noj ta yoꞌtanik te Chꞌul Espiritue, y jamal a lijk yalik te skꞌop Diose.

Hechos 9:27

Pero te jBernabee la yikꞌ bael y ba yakꞌ ta stojol te apostoletike. Te Bernabe la yaltalanbe te tutꞌil a yil ta be te Kajwaltike sok te tuti albot yuꞌun Kajwaltik te Sauloe, sok te tutꞌil jamal la yalix ta Damasco te Sauloe te tutꞌil ay skꞌoplal te Jesuse.

Hechos 9:28

Jich te Sauloe la sjoyinlan te apostoletik te ba Jerusalene, y la sjoyinlan ta beel. Jamal a yalbe skꞌoplal te Kajwaltike.

1 Corintios 1:27

Yuꞌun jaꞌ tsabilik yuꞌun Dios te machꞌatik maꞌyuk spꞌijilike, yuꞌun jich me ya xꞌakꞌot ta kꞌexlal te machꞌatik ay spꞌijil skuyoj sbaik aye. Y jaꞌ atsaot te machꞌatik lom pekꞌik liꞌ ba balmilale, yuꞌun jich me ya xꞌakꞌot ta kꞌexlal te machꞌatik tulan skuyoj sbaik aye.

1 Corintios 14:25

Jich ya xchiknaj te tut mukul ay ta yoꞌtane, y jich me ya skejan sba ta stojol Dios, y jich me ya snaꞌ te batsꞌi jich te ay ta awolilik te Diose.

2 Corintios 3:12

Te tutꞌil jich ay ta koꞌtantike, jich a kaltik spisil ta jamal.