Hechos 4:1 - Nuevo Testamento Tzeltal de Amatenango

¹ Yipal to ta kꞌop a te jPedro sok te Juane ta stojol te genteetike kꞌalal laj kꞌot te saserdoteetik sok te statal yuꞌun te jkanan-temploe y sok te saduseoetike.

Bible in Tzeltal Bachajón

¹ Te Pedro soc Juan yac sc'opombelic a te pueblo, hulic ta tahel yu'un sacerdotehetic, jtsobaw jcanan-templo, soc saduceohetic,

Bible in Tzeltal de Oxchuc y Tenejapa

¹ Te Pedro soc te Juane yacalic to ta c'op ta stojol a te lume, talic te sacerdoteetic soc te jwolwanej yu'un te jcanan-temploe soc uuc te saduceoetique.

Hechos 4:1 ပူးပေါင်းရင်းမြစ်များ

San Mateo 16:12

Jich a snaꞌik te jnopojeletik te ma jaꞌuk a yal te ya yil sbaik yuꞌun te levadura yuꞌun te pane. Jaꞌ a yal te ya skꞌan ya skanantay sbaik yuꞌun te tut ya yakꞌ ta nopel te fariseoetik sok te saduseoetike.

San Mateo 22:16

Jich a stikonik chaꞌoxtul te jnopojeletik yuꞌun te fariseoetik sok chaꞌoxtul te machꞌa jun yoꞌtan sba sok te Herodese. Jicha tal yalbeyik te Jesuse: —Maestro, ya jnaꞌtik te puru batsꞌi jich te tut ya awale, sok te sluwaril ya snojpeswanat te tut ya skꞌan te Diose. Maꞌyuk machꞌa ya xiꞌat ta kꞌop yuꞌun te genteetike. Porke ma tsabiluk nax awuꞌun te machꞌa ya awakꞌ ta jkuentae.

San Mateo 27:20

Pero te statal-saserdoteetik sok te moletik la yakꞌ kꞌotuk ta yoꞌtanik te genteetike te jaꞌ ya skꞌanik te ya xkol te Barrabase sok te jaꞌuk ta xlaj ta milel te Jesuse.

San Mateo 27:41

Jich a yikꞌtinik euk te statal-saserdoteetike sok te maestroetik yuꞌun te mantaliletike sok te fariseoetike sok te moletike. Jich a yalbe sbaik:

San Mateo 3:7

Te Juane la yil te bayal fariseoetik sok saduseoetik te talik yuꞌun ya skꞌan yichꞌik jaꞌ. La yaltalanbe: —Te jaꞌexe jaꞌ stsꞌumbalex kꞌoem te tiꞌawal chanetike. ¿Machꞌa kꞌa yalbeyex awaꞌiyik te ya xjuꞌ ya akoltay abaik lokꞌel a te tulan kastigo te nopol xtale?

San Lucas 20:1

Ay jun kꞌaal te Jesuse yipal ta spꞌijutesel genteetik ta templo, y jaꞌ yipal ta yalbeyel sluwar te lek achꞌ kꞌop yuꞌun te kolele. Laj kꞌot te statal saserdoteetike y sok te maestroetik yuꞌun te mantaliletike sok euk te moletik yuꞌun te jtejklume,

San Lucas 22:4

Stukel a ba skꞌopon te statal saserdoteetike y sok te statal jkananetik yuꞌun temploe. Kꞌo kꞌopojuk sok te tutꞌil ya yakꞌ entregal te Jesuse.

San Juan 15:20

Naꞌik me te tuti kalbeyexe: “Ni jtuluk aj-aꞌtelil te mas mukꞌ yuꞌun te yajwale”, xchon me. Teme ya stenikon te joꞌone, jich euk te jaꞌexe ya me stenelex. Y teme la yakꞌik ta jkuenta te jkꞌope, jich euk te jaꞌexe ya me yakꞌik ta jkuenta te tut ya awalike.

San Juan 18:3

Jich te Judase tal sok jtijk soltaroetik sok euk te polisiaetik yuꞌun te temploe te tikonlanbil tal yuꞌun te stataletik yuꞌun te saserdoteetike sok te fariseoetike. Chapalik tal sok stujkꞌik sok slampara y xtuchojlan tal skꞌajkꞌik.

Hechos 4:6

Teꞌey ekꞌa te statal saserdote Anase sok te jCaifase sok te Juane sok te jꞌAlejandroe, sok spisil te machꞌa stsꞌumbal sbaik sok te statal saserdotee.

Hechos 5:17

Te statal saserdotee y sok te sgrupo saduseoetik te jun nax ay soke, lijk bayal slaꞌ-yoꞌtanik.

Hechos 5:24

Te kꞌalal la yaꞌi te statal saserdotee sok te statal jkanan yuꞌun temploe sok te stataletik yuꞌun te saserdoteetike, lijk sjojkꞌobe sbaik tutꞌil batsꞌi ya xlaj kꞌot tsꞌin me to.

Hechos 5:26

Te statal jkanane sok te jkananetike laj bajt ta sleel. Pero ma yilbajinik, yuꞌun ya xiꞌ yuꞌun teme wolotal ta ton yuꞌun te gentee.

Hechos 6:12

Jich a slijkesbeyik slaꞌ-yoꞌtan a te jtejklume sok te moletike y sok te maestroetik yuꞌun te mantaliletike. Jich a skomon-tsakonik te jꞌEstebane, y la xjochik bael te ba tsobol te machꞌatik ay yaꞌtele.

Hechos 6:7

Te skꞌop Dios pujk bael, y te hermanoetike lom bayal yipal ta pꞌolel te ba Jerusalene. Asta bayal saserdoteetik yuꞌun juriyo la xchꞌuunik euk.