Hechos 3:22 - Nuevo Testamento Tzeltal de Amatenango

²² Te jMoisese la yalbe te antibo jmeꞌ-jtatike: “Te Kajwaltik Diose ya me yaꞌbeyex tal jtul jꞌalwanej te ya xchiknaj ta awolilik jich tutꞌil te la xchiknateson te joꞌone. Chꞌuunbeyaik me spisil te tut ya yalbeyexe,

Bible in Tzeltal Bachajón

²² como hich la yal te Moisés: Te Cajwaltic Dios awu'unic ya me schicnajtes jtuhl jalwanej ta yohlil te awermanotac hich te bin ut'il ho'on; ya me awa'iyic spisil bintic ya yalbeyex,

Bible in Tzeltal de Oxchuc y Tenejapa

²² Jich bit'il te Moisés te la yalbey yaiy te namey q'uinal jme'-jtatique: “Te Cajwaltic te Dios cu'untique, ya me yac'beyex jtul j'alwanej te ya xchicnaj ta yolil te awermanotaque, jich te bit'il chicnajon ta awolilic te jo'one. Ja' me x'awich'beyic ta muc' spisil te bila ya yalbeyex awaiyique.

Hechos 3:22 ပူးပေါင်းရင်းမြစ်များ

San Mateo 21:11

Te genteetike la yalik: —Jaꞌ te jꞌalwanej yuꞌun Dios te Jesus sbiile te talem ta jtejklum Nazaret ta estado yuꞌun Galilea —xchiik.

San Lucas 13:33

Porke ya to me xbeenon te ora to sok pajel sok chaꞌbej. Yuꞌun ma xjuꞌ te yan ba ya xlaj jtuluk jꞌalwanej yuꞌun te Diose; puersa me teꞌ ya xlaj te ba Jerusalene.

San Lucas 24:19

Te Jesuse la sjojkꞌolambe: —¿Tut a te kꞌoem ta pasele? —xchi. La yalik: —Jaꞌ te tuti kꞌot ta pasel ta stojol te Jesus Nazarete. Jaꞌ jtul jꞌalwanej yuꞌun Dios te spisil tut ya xjuꞌ yuꞌun spasel, sok ay spoder te skꞌop ta stojol Dios sok ta stojol spisil te jtejklume.

San Juan 1:17

Te mantaliletike Dios a yaꞌbotik tal ta skuenta te jMoisese. Yan te slekil yoꞌtane sok te tut batsꞌi jiche jaꞌ a chiknaj ta skuenta stukel te Jesucristoe.

San Juan 12:46

Joꞌon te sakil kꞌinal te talemon ta balmilale. Te machꞌa ya xchꞌuuunone makꞌ xjilix ta ijkꞌal kꞌinal.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

San Juan 8:12

Te Jesuse chaꞌsujt xan bael te ba ay te gentee. Jich a yal: —Joꞌon sakil kꞌinalon yuꞌun te genteetik ta balmilale. Te machꞌa ya stsꞌakliyone yichꞌojix te sakil kꞌinal te ya yakꞌ kuxlejale, y ni makꞌ xbeenix ta ijkꞌal kꞌinal —xchi te Jesuse.

Hechos 7:37

Y jaꞌ mismo te jMoisese te la yalbe te israeletik: “Te Diose ya me yakꞌ chiknajuk ta awolilik jtul jꞌalwanej jich tutꞌil te joꞌone. Jaꞌ me xꞌawaꞌibeyik te tut ya yalbeyexe”, xchi me.

Romanos 8:3

Porke Dios a spasix te tut maꞌ juꞌ yuꞌun spasel te mantaliletik yuꞌun te jMoisese. Yuꞌun maꞌ juꞌ yuꞌun te mantaliletike, ta skaj te maꞌyuk spuersa te stiꞌbalul te mulawil winike. Dios a stikon tal te batsꞌil Xnichꞌan te batsꞌi jachik yilel te tutꞌil jmulawil winike, y la yakꞌ ta milbil majtanil skuenta yuꞌun mulil, yuꞌun jich a yakꞌ ta lajel te mulil te ay ta jtibalultike.

Romanos 9:5

Jaꞌ stsꞌumbalik te antibo jmeꞌ-jtatike, sok jaꞌ stsꞌumbal yuꞌunik te Cristo te tal ta balmilal jich tutꞌil winik, te jaꞌ Dios stukel, te toyol ay yuꞌun spisil te tutik aye. Jaꞌ nax ay ta akꞌel ta jkuenta stukel ta sbajtel kꞌinal. Jichuk.

Gálatas 4:4

Pero te kꞌalal la sta stiempoile, Dios a stikon tal te Xnichꞌane te alatayot yuꞌun jtul antse, sok te ay ta skuenta te mantaliletik yuꞌun te Moisese.

Hebreos 2:1

Jaꞌ yuꞌun ya me skꞌan ya kakꞌtik ta koꞌtantik ta lek te skꞌop Dios kaꞌiyejtikixe, yuꞌun ma me yauk jpit jbajtik bael te ba sbeelele.

Hebreos 5:9

Te tutꞌil lek a juꞌ yuꞌun spasele, chiknaj ta skuenta te kolel sbajtel kꞌinal yuꞌun spisil te machꞌatik ya xchꞌuunike.

Apocalipsis 1:1

Jaꞌ to jaꞌ te la yakꞌ ta ilel Dios ta stojol te Jesucristoe, yuꞌun jaꞌ ya yaꞌbe snaꞌik te yaj-aꞌteltak te tutik ya xkꞌot ta pasel ta ora nax. Te Jesucristo la stikon bael te ángel, yuꞌun ya yaꞌbe snaꞌ te yaj-aꞌtele, jaꞌ te Juane.