Hechos 3:18 - Nuevo Testamento Tzeltal de Amatenango

¹⁸ Pero jaꞌ a spas kumplir te tut yaloj te Dios ta skuenta spisil te jꞌalwanejetik yuꞌune, te puersa ya xkꞌax swokol te Cristo yuꞌune.

Bible in Tzeltal Bachajón

¹⁸ Pero Dios hich la yac' c'ohtuc ta pasel te bintic halbil yu'un spisil te jalwanejetic: te ya me xc'ax swocol te Cristo.

Bible in Tzeltal de Oxchuc y Tenejapa

¹⁸ Dios la sc'otes ta pasel te bila la yal ta namey q'uinal ta swenta sti' spisil te j'alwanejetic yu'un te ya xc'ax swocol te Cristoe.

Hechos 3:18 ပူးပေါင်းရင်းမြစ်များ

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

Hechos 10:43

Spisil te jꞌalwanejetike yalojbeyikix skꞌoplal te Jesuse y yalojik te machꞌa ya xchꞌuunike ya staik perdon yuꞌun te smulike —xchi te jPedroe.

Hechos 2:23

Pero te kꞌalal akꞌot entregal ta akꞌabik te Jesuse, te tutꞌil jich snopoj ta primero te Diose, te jaꞌexe la atsakik y la amilik, yuꞌun la awaꞌbey ta skꞌabik te machꞌatik ma snaꞌbeyik sba te Diose te la sjojkꞌanik ta krus.

Hechos 28:23

Jich a xchapik jun kꞌaal te ya xtalik bayal ta jtul gente te ba smajanej na te jPabloe. Pajtajel nax a lijk y asta smalel kꞌaal a yal te jPablo tut ay ta ajwalinel te Diose. Yuꞌun yoꞌtanuk te ya yaꞌbe xchꞌuun te Jesuse, jich tutꞌil te tsꞌibabil ta mantaliletik yuꞌun te jMoises sok te tsꞌibabil yuꞌun te jꞌalwanejetike.

2 Pedro 1:21

Porke te jꞌalwanejetike maꞌyuk a yalik ta skꞌanojel nax yoꞌtanik. Sino ke jaꞌik winketik te kꞌopojik ta skuenta Dios te tojuteslanbil yuꞌun te Chꞌul Espiritue.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.