Hechos 3:14 - Nuevo Testamento Tzeltal de Amatenango

¹⁴ Ma la akꞌanik te ya xkol te machꞌa lek y toje; te jaꞌexe jaꞌ la akꞌanbeyik skolel te machꞌa beno smule.

Bible in Tzeltal Bachajón

¹⁴ Ha'ex la amuc ta awo'tanic te Mach'a Ch'ultesbil soc te Mach'a Toj Yo'tan, ha la ac'ambeyic scoltayel te jmilawe;

Bible in Tzeltal de Oxchuc y Tenejapa

¹⁴ Ma la awaq'uic ta coltayel stuquel te mach'a lec ta winiquil te toj yo'tane. Ja' la awaq'uic ta coltayel bael te mach'a jmilawale.

Hechos 3:14 ပူးပေါင်းရင်းမြစ်များ

San Mateo 27:20

Pero te statal-saserdoteetik sok te moletik la yakꞌ kꞌotuk ta yoꞌtanik te genteetike te jaꞌ ya skꞌanik te ya xkol te Barrabase sok te jaꞌuk ta xlaj ta milel te Jesuse.

San Marcos 1:24

—Jesus Nazaret, ¿tuꞌun te tal awochintayotike? ¿Yuꞌun wan tal amilotik? Ya jnaꞌbeyat aba, jaꞌat te Chꞌul Nichꞌanat te Diose —la yut.

San Marcos 15:11

Pero te saserdoteetik la yalbe konsejo te genteetik te jaꞌuk ya skꞌanik te ya slokꞌes bael ta prexo te Barrabase.

San Marcos 15:7

Ay ta prexo jtul winik Barrabas sbiil, te jun nax ay ta prexo sok yan xan te milawanemikixe y skontrainejik te ajwalile.

San Lucas 1:35

Te chꞌul ángele la sjakꞌ: —Ya me xjul ta akuenta te Chꞌul Espiritue. Ya me yaxintesat ta spoder te Chꞌul Dios te ay ta chꞌulchane. Jich te alal te ya xꞌayin awuꞌune, yuꞌun Dios stukel sok Xnichꞌan Dios ya xkꞌot te sbiile.

San Lucas 23:25

Jich a skoles bael te winik te stꞌujojik te ya xkol bale. Jaꞌ te machꞌa ay ta prexo yuꞌun te la slijkes kꞌop sok te milawane. Y la yaꞌbe entregal ta skꞌabik te Jesuse, jich te tut ya skꞌan yoꞌtanike.

San Juan 16:10

Sok ya me yakꞌ kꞌotuk ta yoꞌtanik te tut lek ta pasele, yuꞌun ya xboonix te baꞌ ay te jTate, y te jaꞌexe makꞌ ya awilbikonix jsit.

San Juan 18:40

Spisilik a lijkik xan ta aw: —¡Ma jaꞌuk xꞌakoles me to! ¡Jaꞌ xꞌakoles te jBarrabase! —xchiik. Y te Barrabase mero jꞌelekꞌ.

Hechos 13:28

Manchuk me maꞌyuk smul a stabeyik te ya xꞌakꞌot ta milel yuꞌune, pero la skꞌanbeyik te jPilato te ya yal mantal te ya xba mileke.

Hechos 2:27

porke ma teyuk ya ajilesbon te ba ay te jchꞌenale. Sok ma xꞌawakꞌ kꞌaꞌuk jtiꞌbalul joꞌon te achꞌul awaj-aꞌtelone.

Hechos 22:14

Te nax a la yalbon xan: “Te Dios yuꞌun te jmeꞌ-jtatike, la stꞌujat yuꞌun ya yakꞌ anaꞌ te tut snopoj ta yoꞌtane, yuꞌun jich me ya awil te Machꞌa toj yoꞌtane y ya awaꞌibe skꞌop te ya xlok ta stie.

Hechos 4:27

Jichix a spas te Herodese sok te Poncio Pilatoe. La stsob sbaik liꞌ ba jtejklum to sok te jyanlumetik y sok te israeletike, la skontrainik te achꞌul awaj-aꞌtel Jesus te jaꞌ Cristo te tsabil awuꞌune.

Hechos 5:28

—Te joꞌotike jkomojtikix te ma xjuꞌix te ya snojpeswanex tutꞌil ay skꞌoplal te winik abi. ¿Y tut a te ya apasike? Pujkejix awuꞌunik ta spisil ta Jerusalen te tut ya awakꞌik ta nopele. Y ya akꞌan ya awaꞌbotik jkuchtik te tutꞌil a cham te winik abi —xchi.

Hechos 7:52

¿Me ay wan jtul jꞌalwanej yuꞌun te Diose te maꞌ skontrainike? Te stukelike la smilik te jꞌalwanejetik te albot yaꞌiyik yuꞌun te ya xtal te machꞌa ben toj yoꞌtane. Pero te ora to xtalukix te machꞌa ben toj yoꞌtane, te jaꞌexe la awakꞌik entregal y milot.

2 Corintios 5:21

Te Cristoe maꞌyuk a sle smul stukel. Pero joꞌotik ta jkajtik, te Diose la yaꞌbe skuch te jmultike, yuꞌun jich ta skuenta Cristo ya xkolotik yuꞌun te jmultike.

Santiago 5:6

Te jaꞌexe la awakꞌikix ta chꞌayel y ta milel te machꞌatik maꞌyuk smule, yuꞌun te stukelike maꞌ skoltay sbaik ta kꞌop.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.

1 Juan 2:1

Kuntikil, ya jtsꞌibabeyex te tutik to yuꞌun jich me makꞌ ya xmulawex a. Aunke teme ay machꞌa ya sle smul, ay jtul Machꞌa ya xkꞌopoj kuꞌuntik ta sit te Tatile, jaꞌ te Jesucristoe, te toj ay stukele.

Apocalipsis 3:7

Sok la yalbon: —Jich me xꞌatsꞌibabe xan ta sjun te ángel te ba ay te juju-tijkꞌ hermanoetik ta Filadelfiae: “Jaꞌ to jich ya yal te Machꞌa tojix aye y te batsꞌi jiche, jaꞌ te Machꞌa yichꞌoj syawe te rey Davide, te stukele te kꞌalal ya sjeꞌe maꞌyuk machꞌa ya xjuꞌ ya stsꞌus, te kꞌalal ya stsꞌuse maꞌyuk machꞌa ya xjuꞌ yuꞌun sjeꞌel.