Hechos 3:13 - Nuevo Testamento Tzeltal de Amatenango

¹³ Te Dios yuꞌun te jꞌAbrahame sok te jꞌIsaake sok te Jacobe, te Dios yuꞌun te antibo ameꞌ-atatike yakꞌojix ta akꞌel ta jkuenta ta mas te yaj-aꞌtele, jaꞌ te Jesuse, jaꞌ te machꞌa la awakꞌik entregal ta stojol te jꞌuꞌeletike. Jaꞌ te machꞌa kꞌan skoles te jPilatoe, pero te jaꞌexe ma la akꞌanik.

Bible in Tzeltal Bachajón

¹³ Ha nix te Dios yu'un Abraham, Isaac, Jacob, soc te Dios yu'un te jme'jtatic, la yac' ta ich'el ta muc' te Snich'an, ha te Jesús, ha nix te mach'a la awaq'uic ta c'abal soc te la amuc ta awo'tanic ta stojol Pilato te c'alal c'an scoltay bahel stuquel.

Bible in Tzeltal de Oxchuc y Tenejapa

¹³ Ja' te Dios yu'un Abraham, Isaac, Jacob te ja' Dios yu'un te antiguo jme'-jtatique, la yaq'uix ta ich'el ta muc' te Snich'ane, ja' te Jesús te la awaq'uic ta c'abale. Te c'alal c'an yich' coltayel yu'un te Pilatoe, te ja'exe ma la ac'anic.

Hechos 3:13 ပူးပေါင်းရင်းမြစ်များ

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

San Mateo 20:19

Ya me xꞌakꞌot ta skꞌab te jyanlumetike y ya me xꞌikꞌtinot. Sok ya me yichꞌ aresial ta nujkul sok ya me xꞌakꞌot ta milel ta krus. Pero ta yoxebal kꞌaal ya me kichꞌ chaꞌkusesel —xchi te Jesuse.

San Mateo 22:32

“Joꞌon Dioson yuꞌun te jꞌAbrahame te jꞌIsaake sok te Jacobe”, xchi me. Te Diose ma jaꞌuk Dios yuꞌun te machꞌatik chamenike, si jaꞌ Dios yuꞌun te machꞌatik kuxajtike —xchi te Jesuse.

San Mateo 27:2

Xchukojik bael sok kꞌo yakꞌik entregal ta skꞌab te Poncio Pilatoe te ay ta gobiernoil yuꞌun a te Romae.

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

San Marcos 15:11

Pero te saserdoteetik la yalbe konsejo te genteetik te jaꞌuk ya skꞌanik te ya slokꞌes bael ta prexo te Barrabase.

San Lucas 22:57

Pero te jPedroe la smuk ta yoꞌtan. Jich a yal: —Ants, ma jnaꞌbe sba te machꞌa ya awale —xchi.

San Lucas 23:4

Jich te jPilatoe la yalbe te stataletik yuꞌun te saserdoteetike sok spisil te genteetike: —Ma jtabe tut smul te winik to —xchi.

San Lucas 6:37

Ma me xꞌawichꞌbe jkuenta yaꞌtel te yane. Jich me makꞌ yichꞌbeyex jkuenta euk te Diose. Ma me xꞌalebe smul te yane. Jich me makꞌ stabeyat amul euk te Diose. Akꞌaik perdon. Jich me ya yaꞌbeyex perdon euk te Diose.

San Juan 12:16

Te jnopojeletik yuꞌune ta slijkibal nax maꞌ snaꞌbeyik sluwar te tutiꞌ yilik xkꞌot ta pasele. Pero ta patil te kꞌalal akꞌotix ta ilel slekilal a te Jesuse, tal ta yoꞌtanik te spisil te tuti kꞌot ta pasele, jaꞌ te tut tsꞌibabil jilel ta stojole.

San Juan 18:40

Spisilik a lijkik xan ta aw: —¡Ma jaꞌuk xꞌakoles me to! ¡Jaꞌ xꞌakoles te jBarrabase! —xchiik. Y te Barrabase mero jꞌelekꞌ.

San Juan 19:11

Jich te Jesuse la sjakꞌbe: —Maꞌyuk awaꞌtel kuꞌun te manchuk yakꞌojbeyat awaꞌtel te Diose. Jaꞌ yuꞌun te machꞌa la yakꞌon entregale, jaꞌ mas ay smul stukel ke te jaꞌate —xchi.

San Juan 19:12

Mismo tiempo a te jPilatoe lijk snop tut ya yut ya skoles bael te Jesuse. Pero te juriyoetike la yawutayik: —Teme ya akoles bale, yuꞌun nanix maꞌ awamigouk a te César te mukꞌul rey ta Romae. Te machꞌa ya skuy sba ta reye, jaꞌ skontra te César te mukꞌul rey ta Romae —xchiik.

San Juan 19:15

Pero te juriyoetike lijkik ta aw: —¡Bajtuk ta milel! ¡Bajtuk ta milel ta krus! —xchiik. Te jPilato la sjojkꞌolanbe: —¿Me ya wan spas ya kakꞌ ta milel ta krus te rey awuꞌunike? —xchi. Te stataletik yuꞌun te saserdoteetike la sjakꞌbeyik: —Te joꞌotike maꞌyuk yan rey kuꞌuntik, jaꞌ nax te César te ay ta Romae —xchiik.

San Juan 7:39

Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.

Hechos 22:14

Te nax a la yalbon xan: “Te Dios yuꞌun te jmeꞌ-jtatike, la stꞌujat yuꞌun ya yakꞌ anaꞌ te tut snopoj ta yoꞌtane, yuꞌun jich me ya awil te Machꞌa toj yoꞌtane y ya awaꞌibe skꞌop te ya xlok ta stie.

Hechos 24:14

Pero te tut ya kal ta jamale jaꞌ te jchꞌuunej te Dios yuꞌun te jmeꞌ-jtate, jaꞌ te lekil achꞌ be te ma lek ta chꞌuunel ta skꞌopike, porke jchꞌuunej spisil te tut tsꞌibabil jilel ta mantaliletik sok ta sjun te jꞌalwanejetik yuꞌun te Diose.

Hechos 3:12

Kꞌalal jich a yil te jPedroe, lijk yaltalanbe: —Jaꞌex israeletik, ¿tuꞌun te toj cham la awaꞌiyike? ¿Tuꞌun te lek ya akꞌelubotik jsitike? ¿Meꞌn ya akuyik te joꞌotik aꞌ jlekutestik te winik to, o ya akuyik te la kakꞌtik benuk ta jpodertike, o jaꞌ ta skuenta te lek jchꞌuunejtik te Diose?

Hechos 3:26

Te kꞌalal la xchaꞌkuses tal Xnichꞌan te Diose, primero a stikombeyex tal yuꞌun tal yaꞌbeyex bendision, yuꞌun jich me ya asujtes awoꞌtanik yuꞌun te amulike —xchi te jPedro.

Hechos 4:27

Jichix a spas te Herodese sok te Poncio Pilatoe. La stsob sbaik liꞌ ba jtejklum to sok te jyanlumetik y sok te israeletike, la skontrainik te achꞌul awaj-aꞌtel Jesus te jaꞌ Cristo te tsabil awuꞌune.

Hechos 4:30

Sok ta skuentauk apoder aꞌ koluk jchameletik y aꞌ pasuk seña milagroetik ta sbiil te achꞌul awaj-aꞌtel Jesuse —xchiik.

Hechos 7:32

“Joꞌon Dioson yuꞌun te antibo ameꞌ-atatike, joꞌon Dioson yuꞌun te jꞌAbrahame, te Isaake, y te Jacobe”, xchi. Te jMoisese lijk aꞌbek sik yuꞌun xiꞌel y ma skꞌanix a skꞌelu lek a.

Romanos 9:5

Jaꞌ stsꞌumbalik te antibo jmeꞌ-jtatike, sok jaꞌ stsꞌumbal yuꞌunik te Cristo te tal ta balmilal jich tutꞌil winik, te jaꞌ Dios stukel, te toyol ay yuꞌun spisil te tutik aye. Jaꞌ nax ay ta akꞌel ta jkuenta stukel ta sbajtel kꞌinal. Jichuk.

Hebreos 2:9

Pero ya kiltik te Jesus, jaꞌ te machꞌa cheꞌoxeb nax kꞌaal te Dios chꞌin a yakꞌ ke te angeletike. Te Diose, ta skuenta xkꞌuxul yoꞌtan, la skꞌan te cham Jesus yuꞌun ta spisil genteetik. Te ora to, ta skaj te kꞌax swokol ta milele, aꞌbilix te slekilal sok jich ya xꞌakꞌot ta jkuentae.

Apocalipsis 1:18

Jtalel kuxulon. Chamon, pero te ora to kuxulonix sbajtel kꞌinal. Joꞌon kichꞌojbe te syaweal te lajele y sok te yawil te ba ya stsobot te animaetike.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.