Hechos 3:12 - Nuevo Testamento Tzeltal de Amatenango

¹² Kꞌalal jich a yil te jPedroe, lijk yaltalanbe: —Jaꞌex israeletik, ¿tuꞌun te toj cham la awaꞌiyike? ¿Tuꞌun te lek ya akꞌelubotik jsitike? ¿Meꞌn ya akuyik te joꞌotik aꞌ jlekutestik te winik to, o ya akuyik te la kakꞌtik benuk ta jpodertike, o jaꞌ ta skuenta te lek jchꞌuunejtik te Diose?

Bible in Tzeltal Bachajón

¹² C'alal hich la yil te Pedro, hich hahch yalbe te ants-winiquetique: Winiquetic yu'un Israel, ¿bin yu'un xcham awo'tanic yu'un ini? ¿Bin yu'un te ho'otcotic yac awilotcotic, te yac acuyic te ta scuenta cu'elcotic o ta scuenta lec co'tancotic ta stojol Dios te la jcac'cotic behenuc te winique?

Bible in Tzeltal de Oxchuc y Tenejapa

¹² C'alal jich la yil te Pedroe, jajch' sc'opon te lume: —Israeletic, ¿bi yu'un te yan sba ya awilic in to? ¿Bistuc te ya ana'liyotique? ¿Acuyojic bal te jo'otic la jcoltaytic in winic to? ¿Yu'un bal ya acuyic te jo'otic cu'eltic soc te bit'il lec jch'uunejtic Dios te la cac'tic beenuque?

Hechos 3:12 ပူးပေါင်းရင်းမြစ်များ

San Juan 7:18

Te machꞌa stukel nax ya snop te tut ya yale, jich ya spas yuꞌun ya skꞌan akꞌel ta jkuenta yuꞌun te gentee. Yan teme jaꞌ ya skꞌan ya yakꞌ ta akꞌel ta jkuenta te machꞌa tikonbil tal yuꞌune, batsꞌi jich te tut ya yale sok maꞌyuk loꞌlawanej ta yoꞌtan.

Hechos 13:26

“Kermanotak, te stsꞌumbalex euk te jꞌAbrahame, y jaꞌex te jyanlumexe te axiꞌojik te Diose, jaꞌex awuꞌunik te skꞌoplal kolel to.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

Hechos 3:11

Te koxo-winik te lekubenixe ma skoles te jPedro sok te Juane. Sok ay yajtal yoꞌtanik spisil te gentee. Xyalajan tal lokꞌel te ba temploe, laj tal te ba yamakꞌ te Salomone te ba ay te winik sok te jPedro y te Juane.

Hechos 3:13

Te Dios yuꞌun te jꞌAbrahame sok te jꞌIsaake sok te Jacobe, te Dios yuꞌun te antibo ameꞌ-atatike yakꞌojix ta akꞌel ta jkuenta ta mas te yaj-aꞌtele, jaꞌ te Jesuse, jaꞌ te machꞌa la awakꞌik entregal ta stojol te jꞌuꞌeletike. Jaꞌ te machꞌa kꞌan skoles te jPilatoe, pero te jaꞌexe ma la akꞌanik.

Romanos 11:1

Jich ya jojkꞌoy te ora to: “¿Me yuꞌun wan jkꞌaxel a xchꞌojix jilel te israeletik te Diose?” xchion. Ma jichuk. Joꞌon mismo israelon euk, stsꞌumbalon te jꞌAbrahame y sok te jtijk stsꞌumbal te jBenjamine.

Romanos 9:4

Jaꞌ stsꞌumbalik te Israele, y Dios la yikꞌtalan jich tutꞌil xnichꞌnab. Dios ay ta yolilik sok stsaꞌamul slekilal, y la yakꞌtalanbe te trateetike sok te mantaliletik yuꞌun te jMoisese. Sok la yalbe te tutꞌil ya skꞌan ya yichꞌ chꞌuunel te Diose sok te tutꞌil ya yichꞌik koltayel yuꞌune.

2 Corintios 3:5

Ma yuꞌunuk joꞌotik mismo ya xjuꞌ ya kaltik te ay tut ya xjuꞌ kuꞌuntik spasel ta jtukeltik naxe. Spisil te tut ya xjuꞌ kuꞌuntik spasele ya xtal ta stojol Dios

Apocalipsis 7:13

Ay jtul te machꞌatik lom mamalikixe la sjojkꞌobon: —¿Machꞌatik a to te sak skꞌuꞌ-spakꞌike, sok ba talemik? —xchi.