Hechos 27:4 - Nuevo Testamento Tzeltal de Amatenango

⁴ Chaꞌmootik bael ta barko, lokꞌotik bael te ba jtejklum Sidone, kꞌaxotik bael ta spat te slum Chipre, yuꞌun lom wokol yipal ta beel te barkoe ta skaj te ben xwetꞌot yuꞌun te ikꞌe.

Bible in Tzeltal Bachajón

⁴ Loc'otcotic bahel tey a, c'axotcotic bahel ta jehch Chipre, yu'un bayel yac ta tenel suhtel yu'un ic' te barcohe.

Bible in Tzeltal de Oxchuc y Tenejapa

⁴ Cha'ochotic xan bael ta barco. Jil cu'untic te lum Sidone. Tey bootic ta spat Chipre, yu'un wocol yac ta beel te barcoe, scaj te bit'il stojlinej sba soc yip te iq'ue.

Hechos 27:4 ပူးပေါင်းရင်းမြစ်များ

San Mateo 14:24

Yan te barkoe ayix kꞌal ta ol mar a. Ben wokol ay kꞌael yuꞌun yukꞌilanel yuꞌun jaꞌ te barkoe, yuꞌun tulan ya xtenot sujtel yuꞌun te ikꞌe.

San Marcos 6:48

La yil te ay swokolik ta swetꞌel bael te barkoe, yuꞌun ben tulan te ikꞌe. Te kꞌalal nopol sakubix tal a, te Jesuse been kꞌaxel ta baba jaꞌ. Toj kꞌan kꞌaxuk bael yilel.

San Lucas 8:22

Ay jun kꞌaal och ta barko te Jesuse sok te jnopojeletik yuꞌune. Jich a yaltalanbe: —Konik, kꞌaxukotik bael ta jejch mar —xchi. Jicha laj bajt.

Hechos 13:4

Te jBernabe sok te Sauloe tikonlanot bael yuꞌun te Chꞌul Espiritue. Jicha laj bajt ta jtejklum Selucia. Teꞌ moik bael ta barko a, bajtik ta slum Chipre.

Hechos 15:39

Tulan a skꞌopon sbaik yuꞌun, sok jich a spit sbaik. Te jBernabee jaꞌ a yikꞌ bael te jMarcose. Moik bael ta barko, laj bajt ta slum Chipre.

Hechos 21:16

La sjoyinotik bael chaꞌoxtul hermanoetik te aylan ta Cesareae, sok la yikꞌotik bael ta sna jtul mamal Mnason sbiil, te talem ta jtejklum Chipree, te namey xchꞌuunej te Jesuse. Jaꞌ la yaꞌbotik jmajantik te snae.

Hechos 21:3

Yipalotik ta kꞌaxel bael a la kiltik te slum Chipre te joybil ta jaꞌe jil kuꞌuntik ta kꞌexom, y toj a bootik kꞌalal ta estado Siria. Pero te barkoe la skoes jilel ijkatsil ta jtejklum Tiro, y teꞌ kootik jilel a.

Hechos 27:7

Bayal kꞌaal te lom kꞌun a beenotik ta barkoe y lom wokol a kꞌootik te ba stojil jtejklum Gnido, skaj te sigue swetꞌojotik te ikꞌe. Jicha kꞌaxotik bael ta stojil slum Salmon sbiil te ay ta slum Creta te joybil ta mare.

Hechos 4:36

Jich tutꞌil te jtul levita winik te Jose sbiil, te ay slumal ta Chipre te joybil ta mare, jaꞌ te machꞌa aꞌbot sbiilin Bernabe yuꞌun te apostoletike (ja te “ya sjunutesbotik koꞌtantik” xchi kꞌoem te sbiile).