Hechos 27:1 - Nuevo Testamento Tzeltal de Amatenango

¹ Te kꞌalal nojp yuꞌunik te ya stikonotik bael ta estado yuꞌun Italiae, te jPablo sok te yan jchukeletike akꞌot bael entregal ta skꞌab jtul statal soltaro te Julio sbiile te ay ta aꞌtel ta skuenta jtijkꞌ soltaroetik yuꞌun te César Augustoe.

Bible in Tzeltal Bachajón

¹ C'alal chahpaj te ya xbohotcotic ta barco ta Italia, te Pablo soc yantic jchuqueletic ac'otic ta sc'ab jtuhl capitán-soldado, Julio sbihil, te ha yu'un jchahp soldadohetic yu'un te ajwalil ta Roma.

Bible in Tzeltal de Oxchuc y Tenejapa

¹ Jich chajbaj yu'unic te ya sticunotic ta barco ta sq'uinal Italia. Jich te Pablo soc te yantic jchuqueletique, ac'otic bael ta sc'ab te jtul centurión te Julio sbiile te ay ta at'el ta swenta jtijc' soldadoetic yu'un te Cesar Augustoe.

Hechos 27:1 ပူးပေါင်းရင်းမြစ်များ

San Mateo 27:54

Te kapitane sok te soltaroetike te yipalik ta skanantayel te Jesuse la yilik te nijk te balmilale sok spisil te tuti kꞌot ta pasele. Jun xiꞌel a yichꞌik. Jich a yalik: —Jicha nix a te jaꞌ Xnichꞌan Dios te winik to —xchiik yuꞌun.

San Lucas 23:47

Te kꞌalal la yil te tuti kꞌot ta pasel, te statal soltaroe ben tsaꞌam skꞌoplal a yalbe te Diose. Jich a yal: —Batsꞌi jich a nix a te winik to maꞌyuk smul —xchi.

San Lucas 7:2

Ay jtul statal soltaro yuꞌun Roma teꞌa te ay yaj-aꞌtel te ben kꞌux ta yoꞌtane. Ay ta chamel, y ya xchamix.

Hechos 10:1

Ay jtul winik te ay ta jtejklum Cesarea te jCornelio sbiile, te jaꞌ statal yuꞌun sien soltaroetik te Italiano sbiilike.

Hechos 10:22

Te winketike la sjakꞌik: —Jaꞌ stikonejotik tal te statal soltaro te jCornelio sbiile te toj ta winikile. Xchꞌuunej Dios, sok te ben kꞌanbil yuꞌun te juriyoetike. Jtul chꞌul ángel yuꞌun Dios a albot yuꞌun te ya stikonat ta ikꞌel, yuꞌun te ya xbaat ta snae. Yuꞌun jich me ya yaꞌibe sluwar te tut ya awalbeye —xchiik.

Hechos 16:10

Te tutꞌil jich a yil ta xwayuch te jPabloe, jich a jchap jbajtik ta ora y bootik ta estado Macedonia, yuꞌun batsꞌi jaꞌ a yalbotik te Diose te ya yikꞌotik ta yalel teꞌa te lek achꞌ kꞌope.

Hechos 18:2

Teꞌ kꞌo sta jtul juriyo-winik a, te jꞌAquila sbiil, te ay slumal ta estado yuꞌun Ponto. Ma to nax jaluk kꞌaal a te jul ta Italia te jꞌAquila sok yinam, te sPriscila sbiile, yuꞌun la yal mantal te mukꞌul rey jClaudio te ya xlokꞌ tal spisil te juriyoetik te ay ta Romae. Te jPabloe ba yuluꞌtay tal.

Hechos 19:21

Ta patil te kꞌotix ta pasel a to, te jPabloe la snop te ya xkꞌa yil te hermanoetik te ayik ta estado Macedonia sok ta estado Acaya, sok ta patil ya xbajt ta Jerusalen. Sok la yal: —Ta patil teme kꞌaxon ta Jerusalene, puersa ya xboon ta Roma —xchi.

Hechos 21:32

Te statal soltaroe la stsob te soltaroetike y sok te stataletike y xyalajan kꞌael te ba ay te gentee. Te kꞌalal la yilik te statal soltaro sok te soltaroetike, te gente la skom sbaik ta smajel te jPabloe.

Hechos 22:26

Te kꞌalal jich yaꞌi te statal jtijk soltaroe, bajt y ba yalbe te statal soltaroe. Jich a yal: —¿Tut ya skꞌan ya apas? Te winik to, jromano —xchi.

Hechos 23:11

Kꞌalal och te ajkꞌubale, te Kajwaltike la yakꞌ sba ta ilel ta stojol te jPabloe, y la yalbe: —Pasa me puersa, Pablo, porke jich tutꞌil te la awalbonix jkꞌoplal liꞌ ba Jerusalene, jich mismo ya xkꞌo awalbon jkꞌoplal ta Roma —xꞌutot yuꞌun.

Hechos 23:17

Te jPabloe la yikꞌ tal te jtul statal jtijk soltaroe y la yalbe: —Ikꞌa bael te kerem to ta stojol te statal soltaro te ay tulan yaꞌtele, yuꞌun ay tut ya yal —xchi.

Hechos 24:23

Te Felixe la yalbe mantal te statal jtijk soltaroe te sigue ya xba yakꞌik ta prexo te jPabloe. Pero ma jmeluk ya xchukik, sok ay permiso yuꞌunik te ya xba ilek yuꞌun te sjoꞌtake.

Hechos 25:12

Jich te Festoe la sjojkꞌobey te sjoꞌtak ta aꞌtele, y te nax a la yalbe: —Te tutꞌil jaꞌ ya akꞌan te ya smeltsaanat te mukꞌul rey Cesare, teꞌ me ya xbaat a —xchi.

Hechos 25:25

Pero te joꞌone ni maꞌyuk a jtabe smul te ya kakꞌ ta milel yuꞌune. Pero stukel skꞌanojix te ya skꞌan meltsaanel yuꞌun te mukꞌul rey César, y jnopojix te ya jtikon baele.

Hechos 27:11

Pero te statal soltaroetike jaꞌ a chꞌuunbe smantal te yajwal te barkoe sok te statal japuyej-barkoetike, ma jaꞌuk a chꞌuun te tuti yal te jPabloe.

Hechos 27:43

Pero te statal yuꞌun te soltaroetike kꞌan skoltay te jPabloe, jich maꞌ yakꞌ te jich ya spasike. Sinoke la yal mantal te machꞌa ya snaꞌba jaꞌe aꞌ xchꞌoj sba ochel nailuk ta jaꞌ yuꞌun nail ya xlokꞌ kꞌoel a ba luware.

Hechos 27:6

Te statal yuꞌun te soltaroetike teꞌ sta jun barko a te talem ta jtejklum Alejandria te ya xbajt kꞌalal ta Italiae. Teꞌ yikꞌotik moel a yuꞌun sigue ya xbeenotik bael a.

Hechos 28:1

Te kꞌalal kolotikix lokꞌel ta mar jpisiltik ae, la jnaꞌtik te Malta sbiil te luwar te joybil ta jaꞌe.

Hechos 28:16

Te kꞌalal kꞌootik ta Romae, te statal soltaroe la yakꞌ entregal te jprexojeletik ta stojol te statal soltaro te ay tulan yaꞌtele. Pero te jPabloe la yichꞌ permiso te parte ya xꞌanin stukele. Jtul nax soltaro ya xkanantayot yuꞌun.

Hebreos 13:24

Albikon xkoltanuk ta spisil te machꞌatik yipalik ta aꞌtel ta atojolike y ta spisil te machꞌatik jtejklumix yuꞌun te Diose. Te machꞌatik ayik ta Italia ya yalbeyex xkoltanuk euk.