Hechos 26:7 - Nuevo Testamento Tzeltal de Amatenango

⁷ Te lajchaytijkꞌ jtsꞌumbaltik Israele ya smaliyik tut ora ya xkꞌot ta pasel te jich yaloj te Diose. Y jaꞌ yuꞌun te kꞌajkꞌal ajkꞌubal ya yakꞌ ta jkuenta te Diose y ben jun yoꞌtanik ta mantaltesel yuꞌun. Rey Agripa, jaꞌ sluwaril te juriyoetike ya slebikon jmul te ora to, yuꞌun te jich jchꞌuunej te joꞌone.

Bible in Tzeltal Bachajón

⁷ ha te bin halbil ta jamal te yacalic ta smahliyel te lahchaychahp jts'umbaltic te ya xc'oht ta pasel, te c'alal yac yac'bel sbahic spisil ora ta a'batinel yu'un Dios c'ahc'al ahc'abal. Ta scuenta te smuc'ul-o'tanil ini te la slehbonic jmul te judíohetic, ajwalil Agripa.

Bible in Tzeltal de Oxchuc y Tenejapa

⁷ Ta jpisiltic te lajchaychajp sts'umbalotic Israel yacotic ta smaliyel te bi ora ya xc'ot ta pasel te bila yaloj te Diose. Ja' swentail te c'aal ajc'ubal ya jlajin jbatic ta stojol te Diose. Muc' ajwalil Agripa, ma'yuc yan swentail te sleojbonic jmul te judioetic ta Jerusalén, ja' nax te bit'il ay smuc'ul co'tan ta smaliyel te bila yaloj te Diose.

Hechos 26:7 ပူးပေါင်းရင်းမြစ်များ

San Mateo 19:28

Te Jesuse la yaltalanbe: —Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike.

San Lucas 2:25

Ay jtul mamal te ay ta Jerusalen te Simeon sbiile. Toj ta mamalil, sok lek xchꞌuunej te Diose. Jun yoꞌtan yipal ta smaliyel te tut ora ya xkoltayot te jꞌisraeletike. Te Simeone joyimbil yuꞌun te Chꞌul Espiritue.

San Lucas 22:30

Y te jaꞌexe ya xweꞌ-xꞌuchꞌaex ta jmexa te ba kichꞌoj kaꞌtel ta ajwalil te joꞌone. Y ya me xnajkajex te ba mukꞌul naktajibaletik ta xchapel te lajchaytijkꞌ israeletike.

Hechos 20:31

Jaꞌ yuꞌun, kuxa me awoꞌtanik. Naꞌulanaik me, sil tiempo te oxeb jabꞌil te kꞌajkꞌal y ajkꞌubal ma jkom jba te la jtsitsulanexe, sok la kokꞌetay jba te yauk xkꞌot ta awoꞌtanike.

Hechos 24:15

Pajal ay xchꞌuunel koꞌtan ta stojol Dios sok te genteetik to te yipalon ta smaliyel te ya xchaꞌkux tal te animaetike, chikan teme lek o ma lekuk yoꞌtanike.

Hechos 26:2

—Ben jun koꞌtan ya xjuꞌ xkꞌopojon ta asit, jaꞌat rey Agripa, yuꞌun ya kal spisil te tutik mulilil sleojbon te juriyoetike.

Hechos 26:3

Porke ya anaꞌ spisil te skostumbre juriyoetik y sok te tut ya kaltike. Jaꞌ yuꞌun te ya kalbeyex awokolikuk te ya awaꞌiyik ta ben lekilal te tut ya kale.

Hechos 28:20

Jaꞌ yuꞌun te la kakꞌex tal ta ikꞌele, yuꞌun ya awilik sok ya awaꞌiyik. Porke te tutꞌil chukulon ta kadena ya awilike, jaꞌ nax ta skaj te tut yipalotik ta smaliyel joꞌotik te israelotike —xchi te jPabloe.

Filipenses 3:11

Jaꞌ ayon ta smaliyel te ya jta ekꞌa te chaꞌkuxel yuꞌun te animaetike.

1 Tesalonicenses 3:10

Kꞌajkꞌal y ajkꞌubal ya kalbetik Dios te yauk yakꞌotik te ya xtal kiltikex ta sitike, sok te ya me jtsꞌakutestik te ay to xan ya skꞌan te xchꞌuunel awoꞌtanike.

1 Timoteo 5:5

Yan te meꞌba ants te yal stukel xanix aye, jaꞌ yipinej yoꞌtan te Diose, y ma skom sba ta yalulanbeyel y skꞌoponel Dios ta kꞌajkꞌal ajkꞌubal.

Santiago 1:1

Joꞌon Santiagoon, jꞌaꞌtelon yuꞌun te Diose y sok te Kajwaltik Jesucristoe. Ya kalbe xkoltanuk te lajchaytijkꞌ stsꞌumbal Israele te pujkejemik ta spisil balmilale.