Hechos 26:5 - Nuevo Testamento Tzeltal de Amatenango

⁵ Y snaꞌojik, sok ya xjuꞌ ya yalik teme ya skꞌanike, te fariseoon ta jchꞌiibale. Jaꞌ te jtijkꞌ te kuidado ayik ta xchꞌuunel te jreligiontike.

Bible in Tzeltal Bachajón

⁵ Soc sna'ojic, teme ya sc'an ya yalic, ta shahchibal to ayon ta scuenta te jchahp fariseohotic te c'ax tulan ya sch'uhunic spasel te Ley.

Bible in Tzeltal de Oxchuc y Tenejapa

⁵ Te yacuc sc'an yo'tanique, ya xju' ya yalic te bit'il ta jqueremil to tel fariseoon. C'ax jich ya jtsajtay jba a te bila ch'uunbil yu'unic te jlumale.

Hechos 26:5 ပူးပေါင်းရင်းမြစ်များ

Hechos 15:5

Pero ay chaꞌoxtul fariseoetik te xchꞌuunejikix te Jesuse la stejkꞌan sbaik jajchel, y la yalik: —Puersa me ya kaꞌbeytik yichꞌ sirkunsision te hermanoetik te ma juriyouke, y ya me kalbetik te ya xchꞌuunik te mantaliletik yuꞌun te jMoisese —xchiik.

Hechos 22:3

—Te joꞌone juriyoon. Ayinemon ta jtejklum Tarso ta estado yuꞌun Cilicia. Pero liꞌ chꞌiemon ba Jerusalene. Jaꞌ a spꞌijuteson te jGamaliele, la yaꞌbon jnop te tutꞌil ay te mantaliletik yuꞌun te antibo jmeꞌ-jtatike. Batsꞌi jchꞌuunej te Diose sok spisil koꞌtan, jich tutꞌil ya apasik te ora to te jaꞌexe.

Hechos 22:5

Te statal saserdoteetike y spisil te moletike jaꞌ te testigoetik yuꞌun spisil. Stukelik a yaꞌbikon tal kartaetik yuꞌun te kermanotaktik juriyoetik te aylan ta jtejklum Damascoe, y boon, ba jle te hermanoetike yuꞌun ya kikꞌtalan tal liꞌ ba Jerusalene, yuꞌun ya kꞌabe kastigo.

Hechos 23:6

Te nax a te jPabloe la snaꞌ te ay saduseoetik y ay fariseoetik te ba juntae. Jaꞌ yuꞌun tulan a kꞌopoj ta yalel te jPabloe: —Kermanotak, te joꞌone fariseoon y fariseo te jmeꞌ-jtate. Jaꞌ ayon ta chapel yuꞌun te jchꞌuunej te ya xchaꞌkux tal te animaetike —xchi te jPabloe.

Hechos 24:14

Pero te tut ya kal ta jamale jaꞌ te jchꞌuunej te Dios yuꞌun te jmeꞌ-jtate, jaꞌ te lekil achꞌ be te ma lek ta chꞌuunel ta skꞌopike, porke jchꞌuunej spisil te tut tsꞌibabil jilel ta mantaliletik sok ta sjun te jꞌalwanejetik yuꞌun te Diose.

Hechos 24:5

Yuꞌun te winik to yipal ta boliteswane, y ta spisil te balmilale yipal kꞌael ta slijkesel kꞌop, y ta yakꞌel division ta yolil te juriyoetike. Sok jaꞌ statal yuꞌun te machꞌatik xchꞌuunejik te Jesus te talem ta Nazarete,