Hechos 26:2 - Nuevo Testamento Tzeltal de Amatenango

² —Ben jun koꞌtan ya xjuꞌ xkꞌopojon ta asit, jaꞌat rey Agripa, yuꞌun ya kal spisil te tutik mulilil sleojbon te juriyoetike.

Bible in Tzeltal Bachajón

² Ajwalil Agripa, tse'el co'tan te ya xhu' ya jcoltay jba ta atojol yu'un spisil te jmul la slehbonic te judíohetique.

Bible in Tzeltal de Oxchuc y Tenejapa

² —Muc' ajwalil Agripa, bin nax co'tan te ya calbat awaiy spisil te bila jmulinej ta sc'opic te jlumal judioetique.

Hechos 26:2 ပူးပေါင်းရင်းမြစ်များ

San Mateo 10:19

Pero te kꞌalal ya stekꞌanelex ta skuenta te juꞌeletike, ma me yajtaluk awoꞌtanik te tutꞌil ya skꞌan ya ajakꞌbeyik te skꞌopike sok te tut ya skꞌan xkꞌo awalike. Jich te tut ora ya xkꞌopojexe, Dios me ya yaꞌbeyex xꞌawalik te tut ya awalike.

San Lucas 12:11

“Te kꞌalal ya yikꞌelex bael ta sinagogaetike, o teme ya stejkꞌanelex ta stojol te alkaletike, sok ta stojol te juꞌeletike, ma me xꞌawakꞌ yajtal awoꞌtanik yuꞌun te tut ya skꞌan ya ajakꞌbeyik te skꞌopike sok te tut xkꞌo awalike.

San Lucas 21:12

“Pero te kꞌalal ma to xkꞌot ta pasel a te tuti kale, te jaꞌexe ya me yakꞌelex ta kꞌabal y ya me yilbajinex. Ya me yikꞌelex bael ta ichꞌel ta kꞌop ta sinagogaetik. Sok ya me yotseselex ta prexo y ya me yikꞌelex bael ta stojol reyetik sok gobiernoetik ta joꞌon ta jkaj.

Hechos 25:26

Pero ma xwejt tut ya jtsꞌibabe bael te kajwal Cesare. Jaꞌ yuꞌun la kikꞌix tal lokꞌel ta atojolik y sok ta atojol, jaꞌat rey Agripa, yuꞌun ta patil teme la ajojkꞌobeyike, jich me ya xwejt te tut ya jtsꞌibabe bael te Cesare.

Hechos 26:1

Jich te jꞌAgripae la yalbey te jPabloe: —Ya xjuꞌ ya awal te tut ayate —xchi. Te jPabloe la xbech skꞌab y jicha lijk yal to:

Hechos 26:19

“Jaꞌ yuꞌun, rey Agripa, la jchꞌuunbe smantal te machꞌa stekꞌlejal a kil ta chꞌulchane.

Hechos 26:26

Liꞌay te rey Agripae te ben lek snaꞌojbe sluwar spisil to, y jaꞌ yuꞌun te jamal yipalon ta kꞌop ta stojole. Porke jich ya kal te ben lek snaꞌbe sluwar spisil te jich aye, porke ma nakꞌaluk te jicha kꞌot ta pasele.

Hechos 26:3

Porke ya anaꞌ spisil te skostumbre juriyoetik y sok te tut ya kaltike. Jaꞌ yuꞌun te ya kalbeyex awokolikuk te ya awaꞌiyik ta ben lekilal te tut ya kale.

Hechos 26:7

Te lajchaytijkꞌ jtsꞌumbaltik Israele ya smaliyik tut ora ya xkꞌot ta pasel te jich yaloj te Diose. Y jaꞌ yuꞌun te kꞌajkꞌal ajkꞌubal ya yakꞌ ta jkuenta te Diose y ben jun yoꞌtanik ta mantaltesel yuꞌun. Rey Agripa, jaꞌ sluwaril te juriyoetike ya slebikon jmul te ora to, yuꞌun te jich jchꞌuunej te joꞌone.