Hechos 26:16 - Nuevo Testamento Tzeltal de Amatenango

¹⁶ Pero jajchan, tekꞌlan. Porke la kakꞌ jba ta ilel ta atojol yuꞌun ya xtuunat kuꞌun. Yuꞌun jaꞌat testigo ya xkꞌoat te tut la awil te ora to y sok te tut ya awil xan ta jkuentae.

Bible in Tzeltal Bachajón

¹⁶ Hahchan, tehc'ana aba, ha scuentahil te tal cac' jba ta ilel awu'un, yu'un ya ca'batinat soc ha testigo ya xc'ohat yu'un te bintic awiloj soc spisil bintic ya to ca'bat awil.

Bible in Tzeltal de Oxchuc y Tenejapa

¹⁶ Ja'uc me to, jajch'an, tejc'ana aba, yu'un ja' swentail te la cac' jba ta ilel awu'une te ja' ya cabatinat ta testigo te bit'il la awilone soc te bila ya cac'bat xan awil ta patile.

Hechos 26:16 ပူးပေါင်းရင်းမြစ်များ

1 Timoteo 1:12

Ya kalbe kola yal te Kajwaltik Jesucristoe te jaꞌ a yaꞌbon jpuersae, porke ya yil te jun koꞌtane, y la yaꞌbon kichꞌ kaꞌtel,

Gálatas 1:12

Ma teyuk a jta a ni ma teyuk jnopoj a te ta skuenta nax jtul winike, yuꞌun jaꞌ ta skuenta te Jesucristoe stukel mismo a yaꞌbon jnaꞌ.

Romanos 15:16

Jaꞌ kaꞌtel te ya xtuunon yuꞌun te Jesucristoe yuꞌun slekil a te machꞌatik ma juriyouke. Jich yabatinejon ta yalel skꞌoplal te kolel ya sjapbotik te Diose, yuꞌun jich me ya kikꞌ tal ochel ta stojol Dios te machꞌatik ma juriyouke. Jaꞌ smajtan Dios te ben tsaꞌam ya yil te lekutesbilix yuꞌun te Chꞌul Espiritue.

Colosenses 1:25

Te Diose la yakꞌonix ta abatinel yuꞌun te hermanoetike, te jaꞌ a yaꞌbon ta jkuenta yuꞌun jaꞌex alekilik a, yuꞌun jich tsꞌakal ya kalbey a te skꞌoplal kolele,

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

Gálatas 2:2

Boon porke Dios la yaꞌbonix jnaꞌ te puersa ya xboone. Y teyix ta Jerusalen ay jun junta te ba kalbe yaꞌiyik te stataletik te ayik ta jkuentae. La kaltalanbe te skꞌoplal kolel te la kal te ba ay te machꞌatik ma juriyouke. Te tutꞌil jich a jpase, yuꞌun ma jkꞌan teme maꞌyuk sluwaril ya xjil te tut jpasojixe sok te ya to jpas xane.

Hechos 23:11

Kꞌalal och te ajkꞌubale, te Kajwaltike la yakꞌ sba ta ilel ta stojol te jPabloe, y la yalbe: —Pasa me puersa, Pablo, porke jich tutꞌil te la awalbonix jkꞌoplal liꞌ ba Jerusalene, jich mismo ya xkꞌo awalbon jkꞌoplal ta Roma —xꞌutot yuꞌun.

2 Timoteo 4:5

Pero te jaꞌate, pꞌij me xꞌanat sil tiempo. Kujchuk me awuꞌun te wokoletike. Aꞌtelina me yalel te skꞌoplal kolele. Juꞌutesa me lek te awꞌatele.

1 Timoteo 4:6

Teme jich ya awaꞌbe snoptalan te hermanoetike, jich jlekil jꞌaꞌtelat ya xkꞌoat yuꞌun te Jesucristoe. Sok ya me yipin awoꞌtan te skꞌop Dios achꞌuuneje, y sok te lekil pꞌijutesel te atamoje.

1 Tesalonicenses 3:2

y jaꞌ a jtikon te kermanotik jTimoteo, te jaꞌ jtul jꞌaꞌtel yuꞌun Dios te ay ta yalel te lek achꞌ kꞌop yuꞌun te Cristoe. La jtikon tal yuꞌun ya xtal yilex, y ya xtal yalbeyex xan lek te skꞌop Diose, y ya yaꞌbeyex spuersa te xchꞌuunel awoꞌtanike.

Colosenses 1:7

Jaꞌ to jaꞌ la yaꞌbeyex anopik te kermanotik Epafras, jaꞌ te machꞌa aꞌtejemon soke, te jun yoꞌtan yakꞌoj sba ta abatinel ta skuenta Cristo ta akuentaike.

2 Corintios 5:18

Spisil lito jaꞌ yaꞌtel te Diose, te la yakꞌ junajuk koꞌtantik sok ta skuenta te Cristoe. Y la yaꞌbotikix kaꞌteltik te ya kaꞌbetik te ya xjunaj yoꞌtan sbaik sok Dios spisil te genteetike.

2 Corintios 4:1

Jaꞌ yuꞌun ma xchebaj koꞌtantik, porke ta slekil yoꞌtan te Diose la yaꞌbotik te aꞌtel to.

Romanos 1:5

Ta skuenta te Jesucristoe, Dios la yaꞌbonix ta majtanil te ya xꞌochon ta apostol yuꞌune, yuꞌun ta spꞌejel balmilal ayuk machꞌa ya xchꞌuun te Jesucristoe.

Hechos 22:10

Te joꞌone la jojkꞌobe “¿Tut skꞌan ya jpas, Kajwal?” xkut. Y te Kajwaltike la yalbon: “Jajchan, pasa seguir te ya xbaat ta Damascoe. Teꞌ me ya xkꞌo yalbelat a spisil te tut ya skꞌan ya apase”, xyut.

Hechos 21:19

Te jPablo la spatalanbe yoꞌtan, y te nax a la yaltalanbe te tutik a spas Dios ta stojol sok te machꞌatik ma juriyouke.

Hechos 20:24

Pero makꞌ yakꞌ yajtal koꞌtan yuꞌun. Ma kocheluk te tutꞌ ay te jkuxlejale. Jaꞌ nax tulan skꞌoplal ta koꞌtan te ben jun koꞌtan ya jlokꞌes te jayeb kꞌaal ay ta jkuentae, jaꞌ to te ya xkꞌot koraile. Sok te ya juꞌutes kaꞌtel te yakꞌojbon te Kajwaltik Jesuse te jamal ya kal te tutꞌil ay te lekil achꞌ kꞌop yuꞌun te slekil yoꞌtan te Diose.

Hechos 6:4

Yan te joꞌotike sigue me ya jkꞌopontik Dios y ta yalel te skꞌop Diose —xchiik.

Hechos 1:25

yuꞌun jaꞌ ya yichꞌ yaꞌtel ta apostolil. Yuꞌun te Judase chꞌay yuꞌun te smule, te kꞌalal bajt te ba luwar te ba la skꞌan a bajte —xchiik ta skꞌoponel te Diose.

Hechos 1:17

Te Judase, te la joyin jbajtik soke sok te pajal a kichꞌ kaꞌteltik soke,

San Lucas 1:2

La stsꞌibayikix jilel te tuti yalbelotik kaꞌitik ta jpisiltik yuꞌun te machꞌatik la yilik ta sitik ta slijkibale te la yichꞌik yaꞌtelik ta yalel ta bayuk te tuti kꞌot ta pasel ta slijkibal tale.

Hechos 26:15

Jich a kalbey: “¿Machꞌaat a, Kajwal?” xoon. Te Kajwaltik la sjakꞌbon: “Joꞌon Jesuson, jaꞌ mismo te yipalat ta yilbajinele.

Efesios 3:3

Dios la yaꞌbon kil te tut mukul ta yoꞌtane, y la yaꞌbonix jnaꞌ jich tutꞌil la jtsꞌibabeyex chaꞌoxpꞌaluke.